12 tíma skyndihjálparnámskeið Rauða krossins í Reykjavík

12. maí 2014

Skyndihjálparnámskeið verður haldið dagana 12. – 13. – 14. maí 2014


Staðsetning: Landsskrifstofa Rauða krossins, Efstaleiti 9, 103 Reykjavík.

Námskeiðið er ætlað öllum, 14 ára eða eldri sem vilja læra skyndihjálp og endurlífgun og öðlast öryggi, færni og þekkingu í að veita nærstöddum aðstoð í bráðatilfellum með því að beita á öruggan hátt einföldum aðferðum í skyndihjálp.

Námskeiðið er 12 klukkustundir (16 kennslustundir) og stendur frá kl: 18-22 hvert kvöld. Námskeiðið er metið til eininga í flestum framhaldsskólum, til aukinna ökuréttinda og víðar.

Til öryggis er þeim sem þurfa skyndihjálparþekkingu sem hluta af starfsréttindum eða námi ráðlagt að leita staðfestingar hjá viðkomandi menntastofnun hvort námskeiðið sé tekið gilt.

Skráning og greiðsla þátttökugjalds HÉR á greiðslusíðu Valitor

Þátttökugjald er 9.900 krónur. Innifalið í námskeiðsgjaldi er bókin "Skyndihjálp og endurlífgun"
ATH! verðið á námskeiðinu mun hækka eftir sumarið 2014.
Á námskeiðinu verður hægt að kaupa þessa frábæru skyndihjálpartösku á aðeins kr. 7.900.

Allar nánari upplýsingar um námskeiðið má fá hjá Rauða krossinum í Reykjavík í síma 545-0400 á skrifstofutíma eða á netfangið reykjavik@redcross.is