27. maí 2011 : Sjálfboðaliðar Rauða krossins áfram að störfum vegna eldgossins í Grímsvötnum

Þjónustumiðstöð hefur nú tekið við hlutverki fjöldahjálparstöðvar Rauða krossins á Kirkjubæjarklaustri og verður hún staðsett í grunnskólanum þar. Tveir starfsmenn eru fulltrúar Rauða krossins í starfi þjónustumiðstöðvarinnar og munu taka þátt í að veita áfallahjálp og sálrænan stuðning, og skipuleggja hreinsunarstarf með sjálfboðaliðum.

Þeir sem vilja leggja hönd á plóg og hjálpa við hreinsunarstörfin er boðið að hafa samband við Rauða kross Íslands og skrá sig á heimasíðunni raudikrossinn.is eða hringja í Hjálparsíma Rauða krossins 1717. Rauði krossinn bendir einnig á fræðsluefni á vefsíðu félagsins um sálrænan stuðning og aðstoð við börn í kjölfar áfalla.

23. maí 2011 : Rauði krossinn hvetur fólk til að huga að sínum nánustu og nágrönnum á hamfarasvæðinu

Rauði krossinn hvetur íbúa á hamfarasvæðunum að huga vel að sínum nánustu og sinna nágrönnum sínum, sérstaklega þeim sem ekki eiga aðstandendur á svæðinu. Mikilvægt er að finna fyrir samhug og samstöðu þegar áföll sem þessi dynja yfir.
 
Jóhann Thoroddsen, verkefnisstjóri áfallahjálpar Rauða krossins, segir að reynslan sé sú að fólk þurfi að sýna sjálfu sér þolinmæði hvað varðar viðbrögð við álaginu sem það býr við.
 
„Það skiptir máli að vera í samvistum við fjölskyldu sína, vini og félaga því mikill stuðningur felst í því. Börnin þurfa að geta sótt stuðning og öryggi til foreldra sinna og annarra fullorðinna sem þau treysta. Það er því mikilvægt að þau upplifi samstöðu fullorðna fólksins," segir Jóhann.

22. maí 2011 : Fjöldahjálparstöðvar opnar og Hjálparsíminn 1717 veitir upplýsingar vegna gossins - Icelandic Red Cross response to the volcanic eruption in Vatnajökull glacier

Tvær fjöldahjálparstöðvar eru nú opnar á hamfarasvæðinu, á Kirkjubæjarklaustri og Hofgarði í Öræfum. Rauði krossinn vinnur nú að því að skipuleggja áfallahjálp til íbúa á svæðinu ásamt heilbrigðisþjónustunni, kirkju, sveitarfélögum og almannavörnum.

Hjálparsími Rauða krossins 1717 var virkjaður þegar í gærkvöldi sem upplýsingasími fyrir almenning eins og jafnan er gert í almannaástandi. Fólki er því bent á að hringja í Hjálparsímann 1717 til að nálgast almennar upplýsingar og til að sækja sér sálrænan stuðning.

Um 1000 íbúar eru á hamfarasvæðinu, og njóta þeir aðstoðar sitthvorum megin við Skeiðarársand þar sem Vegagerðin hefur lokað veginum af öryggisaðstæðum. Klausturdeild og Hornafjarðardeild Rauða krossins sjá um aðstoð á svæðinu, en aðrar deildir verða virkjaðar eftir því sem þörf krefur þar sem sjálfboðaliðar eru margir hverjir einnig þolendur vegna öskufallsins og þurfa að huga að fjölskyldu og eigin aðstæðum.

Mikið öskufall er í Vestur Skaftafellssýslu. Almenningur er hvattur til að halda sig innandyra en nota grímur og hlífðargleraugu þegar menn eru utandyra.

Two shelters have been opened for inhabitants and tourists in the disaster area, one at the community centre in Kirkjubæjarklaustur at Klausturvegur 10 and at Hofgardur in Öræfi. The Icelandic Red Cross is organizing psychological support in the area together with health authorities, municipalities and the civil protection authorities.
The Red Cross Helpline 1717 serves as a source of general information for the public during times of emergency. For all information about the current situation in the area around Vatnajökull glacier simply dial 1717. If you are calling from abroad the number is + 354 551 7853 and you will be connected with the helpline. Calls from abroad are not free of charge.

Ashfall is ongoing in the area from east of Vík to Höfn. People are advised to stay inside, but use masks when travelling outside. Road 1 is closed east of Klaustur.

22. maí 2011 : Viðbrögð við eldgosi í Vatnajökli - The Icelandic Red Cross responds to the volcanic eruption in Vatnajökull glacier

Klausturdeild Rauða krossins hefur opnað þjónustumiðstöð í félagsheimilinu á Kirkjubæjarklaustri og Hornafjarðardeild er í viðbragðsstöðu vegna eldgossins í Vatnajökli. Mikið öskufall er í Vestur Skaftafellssýslu. Almenningur er hvattur til að halda sig innandyra en nota grímur og hlífðargleraugu þegar menn eru utandyra. Fjöldahjálparstöð opnaði á Höfn í gærkvöldi en lokaði um miðja nótt. Þangað leituðu björgunarsveitarmenn sem voru að störfum á svæðinu.

Rauði kross Íslands vill vekja athygli á að Hjálparsími Rauða krossins 1717 gegnir hlutverki upplýsingasíma fyrir almenning þegar náttúruhamfarir verða. Fólki er því bent á að hringja í Hjálparsímann 1717 til að nálgast almennar upplýsingar og til að sækja sér sálrænan stuðning.

The Icelandic Red Cross responds to the eruption in Vatnajökull glacier. Ashfall is ongoing in the area from east of Vík to Höfn. People are advised to stay inside, but use masks when travelling outside. Road 1 is closed east of Klaustur.

Icelandic Red Cross Helpline 1717 is open 24/7 for information about the current situation in the area around Vatnajökull glacier.

The Red Cross Helpline 1717 serves as a source of general information to the public during times of emergency. You can call it by simply dialing 1717 when in Iceland. The call is free of charge.

From abroad, you can call + 354 551 7853 and you will be connected with the helpline. Calls from abroad are not free of charge.

19. maí 2011 : Veist þú hvar þín fjöldahjáparstöð er staðsett??

Neyðarvarnarnefnd Hveragerðis- og Árnesingadeilda Rauða krossins fór í kynnisferð í síðustu viku til að meta aðstæður í fjöldahjálparstöðvum sem tilheyra þeirra svæði, sem er öll Árnessýsla.

Farið var í fjöldahjálparstöðvarnar á Selfossi, Eyrarbakka og Stokkseyri, Þorlákshöfn og Hveragerði, en á síðasta ári var nefndin búin að skoða stöðvarnar á Laugarvatni, Flúðum og Reykholti. Allar þessar fjöldahjálparstöðvar eru staðsettar í skólabyggingum. Stjórnendur skólanna tóku vel á móti nefndinni og sýndu þeim byggingar og aðstöðu.

19. maí 2011 : Veist þú hvar þín fjöldahjáparstöð er staðsett??

Neyðarvarnarnefnd Hveragerðis- og Árnesingadeilda Rauða krossins fór í kynnisferð í síðustu viku til að meta aðstæður í fjöldahjálparstöðvum sem tilheyra þeirra svæði, sem er öll Árnessýsla.

Farið var í fjöldahjálparstöðvarnar á Selfossi, Eyrarbakka og Stokkseyri, Þorlákshöfn og Hveragerði, en á síðasta ári var nefndin búin að skoða stöðvarnar á Laugarvatni, Flúðum og Reykholti. Allar þessar fjöldahjálparstöðvar eru staðsettar í skólabyggingum. Stjórnendur skólanna tóku vel á móti nefndinni og sýndu þeim byggingar og aðstöðu.

19. maí 2011 : Veist þú hvar þín fjöldahjáparstöð er staðsett??

Neyðarvarnarnefnd Hveragerðis- og Árnesingadeilda Rauða krossins fór í kynnisferð í síðustu viku til að meta aðstæður í fjöldahjálparstöðvum sem tilheyra þeirra svæði, sem er öll Árnessýsla.

Farið var í fjöldahjálparstöðvarnar á Selfossi, Eyrarbakka og Stokkseyri, Þorlákshöfn og Hveragerði, en á síðasta ári var nefndin búin að skoða stöðvarnar á Laugarvatni, Flúðum og Reykholti. Allar þessar fjöldahjálparstöðvar eru staðsettar í skólabyggingum. Stjórnendur skólanna tóku vel á móti nefndinni og sýndu þeim byggingar og aðstöðu.

18. maí 2011 : Sumarnámskeið Grindavíkurdeildar

Sumarnámskeið Grindavíkurdeildar Rauða kross Íslands 2011.
Gleðinámskeið er ókeypis námskeið fyrir 7-9 ára börn.
Námskeiðin verða 18. – 22. júlí og 1. – 5. ágúst og haldin í Rauða kross húsinu að Hafnargötu frá mánudegi til föstudags frá kl 9:00-16:00.
Á Gleðidögum eru eldri borgarar í hlutverki leiðbeinenda. Markmið námskeiðsins er að tengja saman kynslóðirnar og miðla reynslu og þekkingu þeirra á milli.
Dagskráin er fjölbreytt og skemmtileg. Meðal þess sem boðið er upp á eru: leikir,  prjónaskapur, tálgun, hnútabindingar, kveðskapur, söngur, ljósmyndun, skyndihjálp og vettvangsferðir.

Börn og umhverfi er námskeið fyrir ungmenni fædd 1999 eða fyrr. Námskeiðin eru 16 kennslustundir og eru haldin í Rauða kross húsinu að Hafnargötu. Staðfestingaskírteini að námskeiði loknu.
Á námskeiðinu er farið í ýmsa þætti sem varða umgengni og framkomu við börn. Rætt er um árangursrík samskipti, aga, umönnun og hollar lífsvenjur, leiki og leikföng. Lögð er áhersla á umfjöllun um slysavarnir og algengar slysahættur í umhverfinu ásamt ítarlegri kennslu í skyndihjálp. Að auki fá þátttakendur innsýn í sögu og starf Rauða krossins.
Námskeiðsgjald er kr. 4.500,-  Innifalið: Námsgögn.
1. Námskeið 20. – 23. júní
2. Námskeið 11. – 14. júlí
3. Námskeið 08. – 12. ágúst m/1. nætur útilegu.

Sækja þarf um þátttöku á námskeiðum fyrir 10. júní á grindavik@redcross.is
 

17. maí 2011 : Vor í Árborg hjá Rauða krossinum

Í tengslum við bæjarhátíðina „Vor í Árborg“ opnaði Árnesingadeild Rauða krossins hús sitt fyrir bæjarbúum síðasta laugardag.

17. maí 2011 : Vor í Árborg hjá Rauða krossinum

Í tengslum við bæjarhátíðina „Vor í Árborg“ opnaði Árnesingadeild Rauða krossins hús sitt fyrir bæjarbúum síðasta laugardag.

2. maí 2011 : Styrkur frá Vallaskóla til barna í Japan

Krakkarnir í 3. GMS í Vallaskóla á Selfossi voru dugleg fyrir páskana og héldu bingó í skólanum. Þau vildu með þessu styrkja börn sem urðu fórnarlömb jarðskjálftanna í Japan. Bingóið var vel sótt og afraksturinn var 9.000 krónur.

Börnin heimsóttu Árnesingadeild Rauða krossins og afhentu Ragnheiði Ágústsdóttur styrkinn. Deildin þakkar hjartanlega fyrir þetta hugulsama framtak sem mun án efa koma sér vel í verkefnum Rauða krossins á jarðskjálftasvæðinu.

Börn á Íslandi láta sig svo sannarlega heimsmálin varða. Árlega tekur Rauði krossinn við um milljón krónum frá börnum sem safna með tombóluhaldi og ýmsum öðrum fjáröflunarleiðum. Peningunum er ráðstafað í verkefni sem styður börn sem eiga um sárt að binda.
 

2. maí 2011 : Styrkur frá Vallaskóla til barna í Japan

Krakkarnir í 3. GMS í Vallaskóla á Selfossi voru dugleg fyrir páskana og héldu bingó í skólanum. Þau vildu með þessu styrkja börn sem urðu fórnarlömb jarðskjálftanna í Japan. Bingóið var vel sótt og afraksturinn var 9.000 krónur.

Börnin heimsóttu Árnesingadeild Rauða krossins og afhentu Ragnheiði Ágústsdóttur styrkinn. Deildin þakkar hjartanlega fyrir þetta hugulsama framtak sem mun án efa koma sér vel í verkefnum Rauða krossins á jarðskjálftasvæðinu.

Börn á Íslandi láta sig svo sannarlega heimsmálin varða. Árlega tekur Rauði krossinn við um milljón krónum frá börnum sem safna með tombóluhaldi og ýmsum öðrum fjáröflunarleiðum. Peningunum er ráðstafað í verkefni sem styður börn sem eiga um sárt að binda.