13. sep. 2011 : Rýmingaræfing í Víkurskóla

Rýmingaræfing vegna hugsanlegs Kötlugoss fór fram í Víkurskóla í Vík í Mýrdal í dag. Rúmlega fimmtíu nemendur, kennarar og annað starfsfólk skólans tók þátt í æfingunni ásamt sjálfboðaliðum Rauða krossins.

Æfingin gekk hratt og vel. Börn og fullorðnir gengu fylktu liði frá grunnskólanum að leikskólanum, en þar er fjöldahjálparstöðin staðsett. Í fjöldahjálparstöðinni tóku sjálfboðaliðar Rauða krossins á móti þeim, tóku við skráningum og fylgdust með því að allt færi vel fram.

Börnin stóðu sig einstaklega vel. Þau voru yfirveguð og einbeitt, létu fjölmiðlamenn ekki trufla sig en leystu verkefnið með sóma.

13. sep. 2011 : Rýmingaræfing í Víkurskóla

Rýmingaræfing vegna hugsanlegs Kötlugoss fór fram í Víkurskóla í Vík í Mýrdal í dag. Rúmlega fimmtíu nemendur, kennarar og annað starfsfólk skólans tók þátt í æfingunni ásamt sjálfboðaliðum Rauða krossins.

Æfingin gekk hratt og vel. Börn og fullorðnir gengu fylktu liði frá grunnskólanum að leikskólanum, en þar er fjöldahjálparstöðin staðsett. Í fjöldahjálparstöðinni tóku sjálfboðaliðar Rauða krossins á móti þeim, tóku við skráningum og fylgdust með því að allt færi vel fram.

Börnin stóðu sig einstaklega vel. Þau voru yfirveguð og einbeitt, létu fjölmiðlamenn ekki trufla sig en leystu verkefnið með sóma.

1. sep. 2011 : Vestmannaeyjadeild bauð hælisleitendum í bátsferð um Eyjar

Sjálfboðaliðar Rauða krossins fóru á dögunum í vel heppnaða ferð til Vestmannaeyja með hælisleitendum. Lagt var af stað úr Reykjanesbæ snemma morguns í blíðskaparveðri áleiðis í Landeyjarhöfn þar sem hópurinn tók Herjólf til Eyja.

Vestmannaeyjadeild Rauða krossins sýndi mikla gestrisni þegar tekið var á móti hópnum og sá til þess að menn fengju að njóta þess besta sem Vestmannaeyjar hafa uppá að bjóða. Að sjálfsögðu var ekið um Heimaey auk þess sem boðið var uppá bátsferð og eldfjallasýningu.