Tékkneskir ferðalangar nutu aðstoðar Rauða krossins

8. ágú. 2011

Víkurdeild Rauða krossins opnaði fjöldahjálparstöð á laugardag þegar rúta með tékkneskum ferðamönnum lenti ofan í Blautulóni. Tékkarnir fengu þurr föt, aðhlynningu og útveguð var gisting  fyrir hópinn. Verslanir og þjónustuaðilar í Vík brugðust vel við og útveguðu allt sem til þurfti.

Sjálfboðaliðar Víkurdeildar þvoðu og þurrkuðu blaut föt þeirra sem lentu í volkinu og skiluðu til þeirra að morgni.