Útskriftarnemar leikskólans í Vík fá reiðhjólahjálma að gjöf

5. jún. 2008

Krakkarnir sem útskrifast af leikskólanum í Vík fengu reiðhjólahjálma að gjöf frá Rauða krossinum. Sveinn Þorsteinsson formaður Víkurdeildar færði þeim hjálmana og ræddi við þau um Rauða krossinn. Með í för var Jón Hlöðver Hrafnsson lögreglumaður sem fræddi krakkana um notkun hjálmanna og kenndi þeim að stilla festingarnar. Krakkarnir bíða spennt eftir því að fara á næsta skólastig.

Nokkrar deildir Rauða krossins hafa til margra ára haft það verkefni í lok skólaárs að gefa börnum leikskólahjálma. Er það liður í forvarnarstarfi félagsins í skyndihjálp og forvörnum.