Sparnaðarráð til Árnesinga

29. mar. 2011

Árnesingadeild Rauða kross Íslands fékk Láru Ómarsdóttir til að vera með fyrirlestur í Safnaðarheimili Selfosskirkju. Lára fjallaði um hagsýni og hamingju en hún skrifaði bók um það efni eftir að hún og hennar maður lentu í  fjárhagserfiðleikum. Þau eiga langveikt barn og hann missti vinnuna.

Hún miðlaði á einstaklega skemmtilegan hátt hvernig þau lifðu af litlu en lifðu samt, og gaf hún mörg góð ráð um það hvernig hægt er að spara sérstaklega varðandi matarinnkaup.

Fjöldi fólks á öllum aldri kom á fyrirlesturinn og var Láru mjög vel tekið.