Kjarnakona Hveragerðis 2008

Morgunblaðið 13.07.2009

30. júl. 2009

Eyrún Sigurðardóttir, formaður Hveragerðisdeildar Rauða kross Íslands, var valin „kjarnakona árið 2008“ af Kvenfélagi Hveragerðis. Af því tilefni afhenti Alma Dagmar Jónsdóttir formaður kvenfélagsins henni glerlistaverk eftir Svanborgu Egilsdóttur ljósmóður og glerlistakonu.

Eyrún er lærður sjúkraliði og jógakennari. Öll störf hennar hjá Rauða kross deildinni eru ólaunuð sjálfboðastörf. Félagar í deildinni í Hveragerði eru nú yfir eitt hundrað og hefur starfsemi deildarinnar aldrei verið öflugri.