BÖRN OG UMHVERFI –Námskeið 2013

18. apr. 2013

Rauði krossinn í Vestmannaeyjum heldur námskeiðið „Börn og umhverfi“ fyrir 12 ára krakka fimmtudaginn 25. apríl og laugardaginn 27. apríl

Á námskeiðinu, sem er 12-16 kennslustundir, er farið í ýmsa þætti er varða umgengni og framkomu við börn. Rætt er um árangursrík samskipti, leiðtogahæfni, agastjórnun, umönnun og hollar lífsvenjur, leiki og leikföng. Lögð er áhersla á umfjöllun um slysavarnir og algengar slysahættur í umhverfinu ásamt ítarlegri kennslu í skyndihjálp. Að auki fá þátttakendur innsýn í sögu og starf Rauða krossins. Leiðbeinendur á námskeiðinu eru m.a. Lóa Skarphéðinsdóttir hjúkrunarfræðingur og Ragna Kristín Jónsdóttir leikskólakennari. Allir fá staðfestingaskírteini að námskeiði loknu.

Námskeiði er haldið í húsnæði Rauða krossins, Arnardrangi.
Námskeiðsgjald er kr. 6.000, sem greiðist við fyrstu mætingu. Innifalið er nemendahandbók  og hressing ( ávextir og safi )

Námskeiðið hefst báða dagana kl. 9,00 og er til kl. 16,00

Nánari upplýsingar á skrifstofu RKÍ, Arnardrangi á mánudögum og miðvikudögum frá kl.16-18, eða netfang vestmannaeyjar@redcross.is  og  loa@44.is

Tilkynnið þáttöku sem fyrst ! ekki seinna en fyrir mánudaginn 22. apríl n.k. í síma  863 0521 og 864 0520 eða á netfang: vestmannaeyjar@redcross.is og loa@44.is