Hundaheimsóknavinir - Undirbúningsnámskeið

11. mar. 2014

Heimsóknavinur með hund er eitt verkefni heimsóknavina. Heimsóknavinir af þessu tagi, þar sem hundurinn er í aðalhlutverki, eru þekktir víða um heim og sums staðar taka hundarnir virkan þátt í þjálfun og endurhæfingu sjúklinga. Hundavinirnir á vegum Rauða krossins fara í reglubundnar heimsóknir á stofnanir og heimili m.a. til langveikra barna, aldraðra og fatlaðra.

Þó nokkur undirbúningur liggur að baki hverrar heimsóknar. Eigendur hundanna þurfa að byrja á því að fara á þriggja tíma námskeið fyrir almenna heimsóknavini og klukkutíma námskeið sem er sér sniðið að hundaheimsóknum. Eftir það þarf að láta skoða hundinn til að ganga úr skugga um að hann henti í verkefnið. Standist hundurinn matið er fundinn gestgjafi sem vill fá heimsókn frá hundi og eiganda hans.

Þriðjudaginn 11. mars verður haldið rúmlega klukkutíma námskeið sem er sérsniðið fyrir verðandi hundvini en ekki þarf að koma með hundana á námskeiðið.

Tími: 18.00-19.30
Staðsetning: Rauði krossinn í Kópavogi, Hamraborg 11. 2 hæð.


Skráning

Nánari upplýsingar á netfanginu gudrune@redcross.is