29. okt. 2008 : Reiðhjólahjálmar að gjöf á Akranesi

Reiðhjólaverslunin Hvellur í Kópavogi brást snarlega við og færði börnunum úr palestínsku flóttafjölskyldunum reiðhjólahjálma að gjöf þegar Rauði krossinn leitaði til þeirra á dögunum.


24. okt. 2008 : Sveitaferð

Í liðinni viku var farin skemmtileg sveitaferð frá Rauða kross húsinu á Akranesi þegar nýju Skagamennirnir frá Palsestínu, ásamt fríðu föruneyti, heimsóttu Jóhönnu geitabónda að Háafelli í Borgarfirði.
Í ferðinni gafst kostur á því að skoða dálítið af íslenskri náttúru og kynnast lífinu í sveitinni. Fyrst skoðaði hópurinn útihúsin þar sem geiturnar biðu æstar í kossa og knúserí – sem var nú ekki látið auðveldlega eftir þeim. Síðan bauð Jóhanna hópnum  inn í þjóðlegan málsverð, þar sem meðal annars var boðið upp á geitamjólk og geitakæfu.
Að því búnu var haldið heim, eftir ánægjulega heimsókn á alíslenskan sveitabæ.

22. okt. 2008 : Rauði krossinn æfði opnun fjöldahjálparstöðvar á Akranesi

Umfangsmikil eldvarnaræfing var haldin á Sjúkrahúsinu á Akranesi þann 17. október. Að æfingunni stóðu auk Akranesdeildar Rauða krossins, starfsfólk Sjúkrahússins, Almannavarnanefnd Akraness, Lögregla, Slökkvilið, Björgunarfélag Akraness, starfsfólk Brekkubæjarskóla og sjúkraflutningamenn.
 
Æfingin gekk út á að upp kom eldur í sjúkrahúsinu og þurfti að rýma þrjár deildir. Rauði krossinn opnaði fjöldahjálparstöð í Brekkubæjarskóla og voru 25 sjúklingar, sængurkonur og nýburi flutt þangað.

Milli 70 og 80 manns komu að æfingunni með einum eða öðrum hætti og þótti hún takast með ágætum. Hlutverk Akranesdeildar Rauða krossins var opnun og starfræksla fjöldahjálparstöðvarinnar. Mikið gekk á í fjöldahjálparstöðinni við móttöku „sjúklinga” en fljótt og vel gekk að koma hverjum á sinn stað til aðhlynningar. Þegar mest gekk á má reikna með að milli 50 og 60 manns hafi verið í móttökusal fjöldahjálparstöðvarinnar.

22. okt. 2008 : Rauði krossinn æfði opnun fjöldahjálparstöðvar á Akranesi

Umfangsmikil eldvarnaræfing var haldin á Sjúkrahúsinu á Akranesi þann 17. október. Að æfingunni stóðu auk Akranesdeildar Rauða krossins, starfsfólk Sjúkrahússins, Almannavarnanefnd Akraness, Lögregla, Slökkvilið, Björgunarfélag Akraness, starfsfólk Brekkubæjarskóla og sjúkraflutningamenn.
 
Æfingin gekk út á að upp kom eldur í sjúkrahúsinu og þurfti að rýma þrjár deildir. Rauði krossinn opnaði fjöldahjálparstöð í Brekkubæjarskóla og voru 25 sjúklingar, sængurkonur og nýburi flutt þangað.

Milli 70 og 80 manns komu að æfingunni með einum eða öðrum hætti og þótti hún takast með ágætum. Hlutverk Akranesdeildar Rauða krossins var opnun og starfræksla fjöldahjálparstöðvarinnar. Mikið gekk á í fjöldahjálparstöðinni við móttöku „sjúklinga” en fljótt og vel gekk að koma hverjum á sinn stað til aðhlynningar. Þegar mest gekk á má reikna með að milli 50 og 60 manns hafi verið í móttökusal fjöldahjálparstöðvarinnar.

10. okt. 2008 : Hjálparsími Rauða krossins 1717 er alltaf opinn!

Hjálparsími Rauða krossins 1717 er opinn allan sólarhringinn fyrir þá sem þurfa aðstoð vegna depurðar, kvíða, þunglyndis eða sjálfsvígshugsana. Tilgangurinn með Hjálparsíma Rauða krossins er að vera til staðar fyrir þá sem finnst þeir vera komnir í öngstræti en vilja þiggja aðstoð til að sjá tilgang með lífinu.

Síðustu daga hefur fjöldi manns hringt í 1717 í tengslum við fjárhagsáhyggjur og vanlíðan vegna þeirra umbrota sem eiga sér stað í þjóðfélaginu. Starfsmenn og sjálfboðaliðar 1717 veita upplýsingar um hvar leita megi frekari úrræða ásamt því að veita sálrænan stuðning á erfiðum tímum.

6. okt. 2008 : Gengið til góðs á Akranesi og í Hvalfjarðarsveit.

Laugardaginn 4. október var gengið til góðs á Akranesi og Hvalfjarðarsveit einsog í öðrum bæjum og sveitum á Íslandi. Þrátt fyrir að um  það bil helmingi færri hafi gengið nú en fyrir tveimur árum er ekki hægt að segja annað en stemnigin fyrir gönguna hafi verið góð.  Sjúkravinir stóðu vaktina yfir vöfflujárnum og sáu um að enginn færi svangur af stað. Patrycja Szalkowicz, kennari í Tónlistaskólanum á Akranesi, og tveir nemendur hennar, léku þrjú lög á þverflautur svona til þess að keyra upp göngugleðina í mannskapnum. Áberandi var hversu góð þáttaka unglinga á Skaga og í Hvalfjarðarsveit var, en nemendur í tíunda bekk Grundaskóla, Heiðarskóla og Brekkubæjarskóla  fjölmenntu í gönguna.
 

6. okt. 2008 : Deidarfólk á Vesturlandi á fundar

Laugardaginn 27. september síðastliðinn var haldinn Svæðisfundur deilda á vesturlandi. Fundurinn, sem haldinn var á Akranesi, var vel sóttur og voru fundargestir sammála um leggja áherslu á aukna samvinnu deilda í vetur, m.a. stendur til að deildir bjóð upp á sameiginleg námskeið.
Á fundinum voru nokkur málefni kynnt sérstaklega, Anna Lára Steindal framkvæmdastjóri Akranedeildarinnar fjallaði um starf með innflytjendum, Jón Þorsteinn Sigurðsson, formaður URKÍ og Arnar Benjamín Kristjánsson kynntu leikinn Á flótta og fóru yfir starf URKÍ.  Sérstakur gestur á fundinum var Sigurður Þór Sigursteinsson, forstöðumaður enurhæfingarhússins Hver, sem sagði frá starfsemi og uppbygginug hússins.
Að fundi loknum áttu fundargestir saman notalega stund yfir kvöldverði á veitingastaðnum Galito.

6. okt. 2008 : Deildarfólk á Vesturlandi fundar

Laugardaginn 27. september síðastliðinn var haldinn Svæðisfundur deilda á vesturlandi. Fundurinn, sem haldinn var á Akranesi, var vel sóttur og voru fundargestir sammála um leggja áherslu á aukna samvinnu deilda í vetur, m.a. stendur til að deildir bjóð upp á sameiginleg námskeið.
Á fundinum voru nokkur málefni kynnt sérstaklega, Anna Lára Steindal framkvæmdastjóri Akranedeildarinnar fjallaði um starf með innflytjendum, Jón Þorsteinn Sigurðsson, formaður URKÍ og Arnar Benjamín Kristjánsson kynntu leikinn Á flótta og fóru yfir starf URKÍ.  Sérstakur gestur á fundinum var Sigurður Þór Sigursteinsson, forstöðumaður enurhæfingarhússins Hver, sem sagði frá starfsemi og uppbygginug hússins.
Að fundi loknum áttu fundargestir saman notalega stund yfir kvöldverði á veitingastaðnum Galito.

5. okt. 2008 : Færri Gengu til góðs en fengu frábærar móttökur

Um 1000 sjálfboðaliðar Gengu til góðs í gær með Rauða krossinum til styrktar verkefnis um sameiningu fjölskyldna í Kongó sem sundrast hafa vegna stríðsátaka. Reynslan hefur sýnt að það þarf að minnsta kosti um 2000 manns til að ganga í öll hús á landinu, og því er ljóst að einungis tókst að ná til um 50% landsmanna í söfnuninni í gær. Rauði krossinn er mjög þakklátur þeim sem gáfu af tíma sínum í gær og Gengu til góðs, og vill einnig þakka þeim sem tóku á móti sjálfboðaliðunum og gáfu í söfnunina.

Rauði krossinn hvetur þá sem ekki gafst tækifæri til að gefa í söfnunina í gær að hringja í söfnunarsíma Rauða krossins 903 1010, 903 3030 og 903 5050. Þá dragast frá kr. 1000 kr., kr. 3000 kr. eða kr. 5000 frá næsta símreikningi. Símarnir verða opnir út þessa viku.