Aðstoð í boði
Rauði krossinn um allt land veitir einstaklingum í erfiðleikum aðstoð.
Í desembermánuði er gjarnan meiri aðstoð veitt, oft í samvinnu við önnur félög á hverjum stað.
Í nær öllum tilvikum er neyðaraðstoð veitt í samstarfi við félagsþjónustu, prest eða önnur líknarfélög og samkvæmt ábendingum frá þessum aðilum.
Hér að neðan má sjá yfirlit yfir helstu aðstoð sem í boði er:
- Frú Ragnheiður er starfrækt á þremur stöðum á landinu. Sjálfboðaliðar eru á ferðinni og veita skaðaminnkandi heilbrigðisaðstoð og nálaskiptaþjónustu.
- Á höfuðborgarsvæðinu er ekið alla daga nema laugardaga frá 18-21. Síminn er 7887-123 .
- Á Suðurnesjum er hún á ferðinni á mánudögum og fimmtudögum frá kl. 20-22. Síminn er 783-4747 .
- Á Akureyri (Ungfrú Ragnheiður) er ekið á mánudögum og fimmtudögum frá kl. 20-22. Síminn er 800-1150 .
- Fatakortum er úthlutað til tekjulágra einstaklinga sem hægt er að nýta í verslun Rauða krossins í Mjódd og víðar um landið.
- Heimsóknavinum er ætlað að koma í veg fyrir félagslega einangrun með vikulegum heimsóknum.
- Símavinum er ætlað að koma í veg fyrir félagslega einangrun með spjalli í síma tvisvar í viku.
- Félagsvinir eftir afplánun er verkefni ætlað fólki sem hefur nýlokið fangelsisvist.
- Víða um landið eru starfræktir vinahópar þar sem ákveðinn hópur hittist reglulega, oft í húsnæði Rauða krossins, í ákveðnum tilgangi. Þessir hópar ganga undir ýmsum nöfnum s.s. strákakaffi, kallakaffi, skvísuhópur, konukvöld, vinahús o.s.frv. Nánari upplýsingar er að fá hjá stjórnum eða starfsfólki deilda.
-
Opið hús fyrir innflytjendur og flóttafólk er fyrir fólk sem er að taka fyrstu skrefin í íslensku samfélagi og vantar aðstoð við ýmislegt .
- Námsaðstoð er fyrir börn á mismunandi aldri, oftast upp úr fjórða bekk. Námsaðstoð hefur einkum verið hugsuð fyrir börn af erlendum uppruna sem ekki njóta stuðnings af foreldrum sínum við námið.
- Flóttamenn sem koma á höfuðborgarsvæðið í boði stjórnvalda fá stuðning Rauða krossins fyrsta árið í nýju landi.
- Leiðsögumenn flóttamanna eru einstaklingar sem aðstoða flóttamenn við að fóta sig í nýju landi.
- Tómstundasjóði flóttabarna er ætlað að styrkja börn flóttafólks til þess að stunda tómstundir, þar sem ekki fæst styrkur fyrir því annars staðar frá.
Hægt er að sækja um í tómstundasjóð flóttabarna, fatakort og vin hér til hliðar.