• Raudur_kross_3

Áfallasjóður

Umsókn um aðstoð

Áfallasjóði er ætlað að aðstoða fólk á höfuðborgarsvæðinu sem verður fyrir skyndilegu fjárhagslegu áfalli, s.s. í tengslum við sjúkdóma eða slys, og fær litla eða enga aðstoð annars staðar frá. Tilgangur áfallasjóðs er að hjálpa fólki að ná sér aftur á strik fjárhagslega eftir slík ófyrirséð fjárhagsleg áföll.

Mánaðarlega er farið yfir umsóknir og þá aðstoð sem hægt er að veita, en aðstoðin er aðallega fólgin í því að reikningar eru greiddir fyrir skjólstæðinga upp að tiltekinni fjárhæð. Sjaldnast er um að ræða beina peningagjöf.

Hægt er að sækja um aðstoð hér að neðan.

Í öllum tilvikum er spurt um gögn sem sýna tekjur (staðgreiðsluyfirlit), umfang áfalls og staðfestingu þess að aðrir aðilar (svo sem sveitarfélög, verkalýðsfélög, sjúklingafélög eða aðrir aðilar) hafi ekki stutt viðkomandi eða þá með hvaða hætti. Samþykki skjólstæðings um að ofangreind gögn séu skoðuð þarf að liggja fyrir.

Sjóðstjórn er skipuð fulltrúum deilda Rauða krossins á höfuðborgarsvæðinu og fulltrúum landsskrifstofu. Hlutverk sjóðsstjórnar er að setja sjóðnum stefnu og reglur, afla tekna, fylgjast með starfi úthlutunarnefndar, fara yfir stöðu sjóðsins á fundum og taka afstöðu til álitaefna sem upp hafa komið. Úthlutunarnefnd, sem í eru tveir einstaklingar sem þekkja til velferðarmála og einn fulltrúi sjóðsstjórnar, tekur endanlegar ákvarðanir um úthlutanir.

Starfsmaður undirbýr fundi úthlutunarnefndar og útbýr yfirlit um allar umsóknir, situr jafnframt fundina og ritar fundargerð. Hann er einnig umsækjendum innan handar um útfyllingu umsókna.

Sendu verkefnastjóra tölvupóst .