• 3-dagar-hlutfall

3 dagar

Viðnámsþróttur Íslendinga við náttúruhamförum

Hvert og eitt heimili þarf að geta verið sjálfu sér nægt í 3 daga ef hamfarir og neyðarástand dynur yfir.

Er heimilisáætlun og viðlagakassi á þínu heimili?


DROPI---vatnsskortur

Af hverju 3 dagar?

Ef slokknar á öllu, net- og símasamband dettur og/eða vegir verða ófærir er mikilvægt að hvert heimili geti verið sjálfu sér nægt í a.m.k. 3 daga.

Góður undirbúningur minnkar álag á viðbragðsaðilum t.d. björgunarsveitum. 

Að vera vel undirbúin getur jafnvel bjargað mannslífum. Öll heimili ættu að vera með heimilisáætlun og viðlagakassa tilbúinn.


AUGU---rafmagnsleysiFyrir hverja er 3 dagar?

Alla! Náttúruhamfarir og slæmt veður getur dunið á á Íslandi hvar sem er og með litlum fyrirvara. 

Bakgrunnur

Þjóðin fær reglulega að kynnast áhrifum eldgosa, jarðskjálfta, ofanflóða, jökulhlaupa og óveðra.

Rauði krossinn á Íslandi er mikilvægur hluti af kerfi almannavarna á Íslandi. Félagið leiðir fjöldahjálp og áfallahjálp í kjölfar náttúruhamfara og annarra alvarlegra atburða. 


Neyðarvarnakerfi Rauða krossins byggir á þéttu neti sjálfboðaliða um allt land. Hundruð sjálfboðaliða eru þjálfuð í viðbrögðum og viðbúnaði. Neyðarmiðstöð Rauða krossins samhæfir neyðarvarnir Rauða krossins. Ef þú vilt gerast sjálfboðaliði, skráðu þig þá hér.

_SOS8880