• 640A3542

Félagsvinir eftir afplánun

Félagsvinir eftir afplánun er verkefni ætlað fólki sem hefur nýlokið fangelsisvist. Það er mikilvægt að fá stuðning þegar afplánun lýkur en mörgum getur reynst erfitt að hefja nýtt líf. Félagsvini er ætla að aðstoða við ýmislegt sem snýr að daglegu lífi, s.s. húsnæðis- og atvinnuleit, viðtöl við félagsráðgjafa, skipulagningu fjármála, efla félagslegt öryggi og öðlast tiltrú á eigin getu sem áhrifavalds í eigin lífi.

Ert þú að afplána dóm eða ljúka afplánun?

Það er margt sem þarf að huga að þegar fangelsisvist lýkur og mikilvægt að hafa stuðning þegar svo miklar breytingar verða.  Allir geta sóst eftir félagsvin.

Við leggjum áherslu á að koma fram við fólk af virðingu, skilningi og væntumþykju. Verið velkomin að hringja og líta inn til okkar s. 570 4062 eða 786 7133 eða [email protected] eða við  félagsráðgjafa Fangelsismálastofnunar.

Sæktu um félagsvin hér

Viltu gerast félagsvinur?


Okkur vantar sjálfboðaliða í verkefnið. Sjálfboðaliðar styðja einstakling sem nýlokið hefur afplánun í fangelsi. Sjálfboðaliða er ætlað að aðstoða við ýmislegt er varðar daglegt líf og þær breytingar sem verða við það að ljúka afplánun. Verkefnið byggir á sjálfboðnu starfi fjölbreytts hóps einstaklinga sem skuldbinda sig til þess að starfa í 12 mánuði og aldurstakmark er 25 ár. 

Athugið að ekki allir sem sækja um geta orðið félagsvinir. Umsækjendur eru teknir í matsviðtöl og þurfa að sækja námskeið áður en þeir geta hafið störf.