Námskeið

Hægt er að nálgast yfirlit yfir námskeið á vegum Rauða krossins hér

Rauði krossinn sinnir viðamiklu starfi á sviði neyðarvarna og skyndihjálpar. Því fylgir mikil þjálfun sem sjálfboðaliðar og almenningur þarf að undirgangast. 

Dagskrá fyrir skyndihjálparnámskeið fyrir almenning er hægt að nálgast á www.skyndihjalp.is .

Skyndihjálp

Námskeið fyrir fyrirtæki

Í boði eru margs konar skyndihjálparnámskeið sniðin að þörfum hópa og fyrirtækja. Sendu okkur fyrirspurn á gulla@redcross.is og fáðu verðtilboð í námskeið fyrir þína starfsmenn. 

Námskeið fyrir almenning

Deildir Rauða krossins halda reglulega skyndihjálparnámskeið fyrir almenning. Ef þú vilt frekari upplýsingar hafðu samband við Rauða kross deildina í þínu svæði, sendu fyrirspurn á central@redcross.is eða hringdu í síma 570-4000.

Almenn námskeið

Grunnnámskeið Rauða krossins
Öllum sem starfa fyrir Rauða kross hreyfinguna er gefinn kostur á að sækja grunnnámskeið. Á námskeiðinu er farið yfir upphaf Rauða krossins og ágrip úr sögu hreyfingarinnar, grundvallarmarkmið hans og alþjóðleg mannúðarlög, stefnu félagsins og helstu áherslur í starfi félagsins innanlands og utan. Hér er hægt að taka grunnnámskeið .

Sálrænn stuðningur
Námskeiðið hentar vel fyrirtækjum, starfsmannahópum og almenningi sem vilja öðlast þekkingu og færni í sálrænum stuðningi.

Almenn skyndihjálp og sálrænn stuðningur fyrir starfsfólk grunnskóla
Námskeið ætlað starfsfólki grunnskóla sem vill auka þekkingu sína í almennri skyndihjálp og sálrænum stuðningi. 

Leiðbeinendanámskeið í sálrænum stuðningi
Skilyrði fyrir þátttöku í námskeiðinu er fagmenntun á sviði heilbrigðismála, svo sem sálfræði, félags- eða uppeldisfræði og reynsla af áfallavinnu. Á námskeiðinu er leitast við að dýpka þekkingu og skilning þátttakenda á eðli áfalla og viðbrögðum einstaklinga við þeim.

Fjöldahjálparnámskeið
Fjöldahjálparstjórar stjórna starfi í fjöldahjálp og félagslegri aðstoð á neyðarstundu. Í því felst að setja upp móttökustaði (fjöldahjálparstöðvar), skrá niður upplýsingar eða veita aðhlynningu þeim sem hana þurfa. Námskeiðið er opið öllum þeim sem hafa áhuga á og vilja starfa með Rauða krossinum í þessum málaflokki.

Viðhorf og virðing
Námskeið sem er ætlað öllum þeim sem vilja vinna gegn fordómum og mismunun gagnvart minnihlutahópum, þar sem mannúð, hlutleysi og óhlutdrægni eru höfð að leiðarljósi. 

Deildanámskeið Rauða krossins
Þessi námskeið eru haldin á svæðavísu og eru nauðsynleg öllum sem starfa í stjórnum deilda og/eða hafa umsjón með verkefnum á vegum félagsins. Markmið námskeiðanna er að styrkja deildafólk í störfum sínum og gera það hæfara til að takast á við verkefni sín og skyldur. Farið er yfir hugsjónir Rauða krossins, störf og hlutverk deilda, sjálfboðið starf og ræðumennsku. 

Leiðtoganámskeið
Á námskeiðinu er lögð áhersla á fræðslu um mannleg samskipti og hlutverk leiðtoga sem stjórnendur sjálfboðaliða. Námskeiðið er liður í að efla og samræma stjórnun sjálfboðaliða í deildum um allt land. 

Námskeið fyrir heimsóknavini
Á námskeiðunum er meðal annars greint frá tilgangi heimsóknavina og farið yfir leiðbeiningar og reglur sem þarf að hafa í huga í heimsóknum. Námskeiðin eru ætluð þeim sem hafa hug á að heimsækja félagslega einangrað fólk. 

Námskeið fyrir sjálfboðaliða Hjálparsímans 1717 og netspjallsins
Sjálfboðaliðar Hjálparsímans taka allir 40 stunda undirbúningsnámskeið. Þar fræðast þeir um þunglyndi, kvíða og aðrar geðraskanir og fá æfingu í sálrænum stuðningi og viðtalstækni. 

Sendifulltrúanámskeið
Rauði krossinn á Íslandi sendir einungis út vel þjálfaða og hæfileikaríka starfsmenn. Þeir sem sækjast eftir því að verða sendifulltrúar hjá félaginu þurfa að sækja sendifulltrúanámskeið Rauða krossins. Sendifulltrúar þurfa að hafa skilning á grundvallarhugmyndum og skipulagi Rauða krossins og Rauða hálfmánans. Á námskeiðinu eru rædd málefni, vandamál og ögrandi viðfangsefni sem þátttakendur þurfa að takast á við í þróunarvinnu, neyðaraðstoð eða á stríðstímum og þeim hjálpað að þróa færni sína í vinnu við þær aðstæður. Hér má nálgast frekari upplýsingar um námskeið sendifulltrúa. 


Öryggisnámskeið fyrir sendifulltrúa
Sendifulltrúar eru oft við störf á átakasvæðum þar sem öryggismál eru mjög mikilvæg. Á námskeiðinu er farið yfir hvernig eigi að haga sér við hinar ýmsu aðstæður til að tryggja sem best öryggi á vettvangi.