• SOS_7114

Upplýsingar fyrir gesti á sóttkvíarhóteli

Kæri gestur

Til þess að við getum gert dvöl þína eins þægilega og mögulegt er viljum við biðja þig um að kynna þér eftirfarandi upplýsingar og leiðbeiningar.

Gestir í sóttkví

Einstaklingar í sóttkví gætu hafa verið útsettir fyrir smiti þó þeir séu ekki veikir né sýna einkenni. Þess vegna skal samneyti við annað fólk vera takmarkað og gestir skulu dvelja í sínum herbergjum öllum stundum.

Ef nauðsynlegt reynist að yfirgefa herbergið (fyrir sýnatöku, læknisheimsókn eða annað neyðartilvik) þá er mikilvægt að þvo og sótthreinsa hendur um leið og þú yfirgefur og kemur aftur í herbergi þitt og snerta eins fáa yfirborðsfleti og mögulegt er. Þá er einnig mikilvægt að halda sér í a.m.k. tveggja metra/6 feta fjarlægð frá öðru fólki. Öllum gestum er skylt að bera andlitsgrímu þegar þeir eru fyrir utan herbergi sitt og þegar þeir eru í samskiptum við starfsfólk. Vinsamlega yfirgefðu ekki herbergi þitt án þess að hafa samband við afgreiðslu áður.

Mikilvægt er að fylgjast náið með flensulíkum einkennum eins og hóst, hita, hálssærindum, andþyngslum, bein- og vöðvaverkjum, þreytu, meltingarfæraeinkennum (sérstaklega hjá börnum) og skyndilegu tapi á lyktar- og bragðskyni. Ef þú finnur einhverjum þessara einkenna, jafnvel þótt þau séu væg, er mikilvægt að láta umsjónarmann hótelsins vita. Umsjónarmaður hótelsins mun þá sjá um að Covid-19 sýnataka fari fram eins fljótt og hægt er.

Ræsting herbergja

Gestir sjá sjálfir um ræstingu inná herbergjum. Ef það er nauðsynlegt að skipta um rúmföt skal hafa samband við afgreiðslu. Notuð rúmföt skulu sett í glæra plastpoka sem starfsfólk útvegar sé þess óskað.

  • Lokaða poka með óhreinum rúmfötum skal setja fyrir framan herbergisdyrnar. Þeir verða sóttir á milli kl. 10:30 og 11:00 daglega.
  • Fullum ruslapokum skal vandlega lokað og þeir settir fyrir utan herbergisdyrnar. Þeir verða sóttir á milli kl. 10:30 og 11:00 daglega. Starfsmenn munu sjá um að fjarlægja pokana.

Ef það er eitthvað sem þú þarfnast, t.d. verkjalyf, salernispappír, eða hreinlætisvörur, vinsamlegast hafðu samband við móttöku með því að smella á móttökuhnapp á símanum í herbergi þínu.

Matur og hressing

Starfsmenn munu afhenda gestum mat á fyrirframskilgreindum matartímum. Allar máltíðir eru afgreiddar í einnota matarílátum. Eftir máltíðina þurfa gestir að setja ílátið fyrir utan dyrnar sínar. Matur er borinn fram á eftirfarandi tímum:

  • Morgunmatur er borinn fram á milli kl. 08:00 og 09:30
  • Hádegismatur er borinn fram á milli kl. 11:30 og 13:00
  • Kvöldverður er borinn fram á milli kl. 18:00 og 19:30

Útivist

Reglur varðandi útivist eru sem hér segir:

  • Á sóttkvíarhótelum, þar sem því verður viðkomið vegna sóttvarnaráðstafana verður boðið uppá útiveru. Slík útivera er háð annarri umferð um hótelið og öðrum aðstæðum sem sett geta sóttvarnarráðstafanir í uppnám.
  • Gestur skal koma beiðni um útivist til starfsmanna hússins með því að hafa samband við móttöku. Starfsfólk hússins mun hafa samband við gestinn þegar mögulegt er að hleypa honum út.
  • Þessar ráðstafanir eru gerðar til að tryggja sóttvarnir og öryggi gesta.

PCR-próf 5 dögum eftir komu til Íslands

Gestir þurfa sjálfir að koma sér í seinni sýnatöku sem er framkvæmd að Suðurlandsbraut 34 en þar er opið:

  • Virka daga kl. 8:15-12:00 & 12:45-16:00
  • Um helgar kl. 9:00-12:00 & 12:45-15:00

Gestir sóttkvíarhótela eru beðnir að hunsa þann tíma sem þeim er úthlutað og þess í stað að mæta á milli kl. 8:15 og 10 á virkum dögum eða á milli kl. 9 og 10 um helgar. Ef gestir eru ekki farnir af stað kl. 9:30 mun starfsfólk hafa samband.

Áður en lagt er af stað í seinni sýnatöku biðjum við gest um að:

  • Þvo hendur 
  • Bera andlitsgrímu
  • Nota sótthreinsi áður en lyftur eru notaðar

Til að komast á Suðurlandsbraut getur þú:

  • Gengið (tekur c.a. 30 mínútur)
  • Tekið leigubíl á eigin kostnað  (kostar c.a. 5.500 kr.)
  • Notað einkabíl (þú mátt ekki fá far hjá öðrum aðila, jafnvel þó sá aðili sé bólusettur).
Að sýnatöku lokinni þarft þú að koma aftur á sóttkvíarhótelið og bíða inn á herbergi eftir að niðursaða úr prófinu berist. 

Umsjónarmaður hótels

Ef þú hefur einhverjar kvartanir eða áhyggjur á meðan á dvöl þinni stendur, vinsamlegast ýttu á móttökuhnappinn á símanum í herbergi þínu til að ná sambandi við móttöku. Umsjónarmaður á vakt mun hafa samband við þig innan tíðar til að ræða áhyggjur þínar. Einnig er hægt að koma til móts við óskir um mataræði og aðrar beiðnir í móttökunni.

Sendingar

Gestir geta látið senda til sín matvæli og nauðsynjavörur á herbergið sitt. Starfsfólk hótelsins tekur á móti sendingum í móttöku og kemur á herbergi gesta. Gestum er ekki heimilt að senda fatnað og búnað út af herbergi nema í undantekningatilfellum í samráði við starfsfólk.

Gagnleg símanúmer og þráðlaust internet

Eftirfarandi símanúmer eru opin allan sólarhringinn. Gestir eru hvattir til að hafa samband við starfsfólk í síma ef spurningar vakna.

  • Móttökuhnappur – Móttaka / Samband við Rauða kross starfsmann á vakt
  • 1700 – Læknavaktin
  • 1717 – Hjálparsími Rauða krossins
  • 112 – Sjúkrabifreið/Lögregla/Slökkvilið

Brot á sóttkví/einangrun og persónuverndarstefna

Vakin er athygli á því að brot á sóttkví eða einangrun getur leitt til sekta og aðkomu yfirvalda til að koma í veg fyrir brot.

Persónuverndarstefna – Sóttvarnir við komu til Íslands (ath. er á ensku)

Við vonum að dvölin verði þægileg.
Starfsfólk sóttkvíarhótels