• 20151117_094119

Mannvinir

Mannvinir Rauða krossins er þeir kallaðir sem styðja mannúðar- og hjálparstarf félagsins innanlands sem utan með mánaðarlegum framlögum og eru framlögin valfrjáls.



Gerast Mannvinur


Hvað eru Mannvinir Rauða krossins?

Mannvinir Rauða krossins eru mánaðarlegir styrktaraðilar Rauða krossins á Íslandi. Mannvinir Rauða krossins styðja við fjöldamörg verkefni Rauða krossins, bæði hér heima og erlendis, og gera Rauða krossinum kleift að bregðast við og aðstoða þar sem neyðin er mest. Alþjóðlegt hjálparstarf Rauða krossins á Íslandi nær á hverju ári til þúsunda fórnarlamba hamfara, ófriðar og fátæktar um allan heim. Á Íslandi miðast starf Rauða krossins að því að bæta og efla íslenskt samfélag þar sem þess er þörf og bregðast við á neyðarstundu. Rauði krossinn er hluti af Almannavörnum ríkisins og hefur viðamiklu hlutverki að gegna þegar vá ber að garði, rétt eins og stofnanir ríkisins og björgunarsveitir.

Hverjir geta gerst Mannvinir Rauða krossins?

Allir geta gerst Mannvinir Rauða krossins. Það eina sem þarf er bankareikningur eða kreditkort.

Ef ég er yngri en 18 ára get ég orðið Mannvinur Rauða krossins?

Já, þú getur orðið Mannvinur Rauða krossins. Það þarf að liggja fyrir leyfi frá foreldri/forráðamanni og þú þarft að vera með gilt kreditkort. Því miður geta einstaklingar undir 18 ára aldri ekki verið með beingreiðslufyrirkomulag af bankareikningi.

Hvernig skrái ég mig sem Mannvin Rauða krossins?

Hér geturðu skráð þigsem Mannvin Rauða krossins .  Þú getur einnig  haft samband við Rauða krossinn í síma 570 4000.

Hvað styrkja Mannvinir Rauða krossins um háa upphæð?

Mannvinir styrkja starf Rauða krossins með mánaðarlegu framlagi að eigin vali. Algengast er að styrkurinn sé á bilinu 2000-2500 krónur á mánuði. Alltaf er hægt að breyta styrktarupphæð á mánuði.

Hvaða verkefni styrkja Mannvinir Rauða krossins?

Mannvinir styrkja verkefni innanlands og alþjóðleg verkefni til jafns. Verkefni innanlands eru neyðarvarnir og Hjálparsíminn 1717 og netspjallið.

Alþjóðleg verkefni sem Mannvinir styrkja eru sendifulltrúar, stuðningur við flóttafólk í Úganda, konur og börn í Sómalíu og Malaví auk kvenna og barna í neyð á hamfara- og átakasvæðum.

Hvernig hjálpa Mannvinir Rauða krossins innanlands?

Framlög Mannvina renna til jafnt til hjálpar- og mannúðarstarfs innanlands og utan. Verkefni sem njóta góðs af stuðningi Mannvina Rauða krossins innanlands eru Hjálparsíminn 1717 og netspjallið auk neyðarvarna.

Skilar hjálp Mannvina Rauða krossins sér?

Já, hjálp Mannvina Rauða krossins  skilar sér sannarlega með beinum fjárframlögum til verkefna, eins og til kvenna og barna í Sómalíu og Malaví. Einnig til innlendra verkefna eins og Hjálparsímans 1717 og netspjallsins. 80% af framlögum Mannvina renna beint til verkefna en 20% fer í frekari öflun Mannvina.

Hvers vegna ætti ég að gerast Mannvinur Rauða krossins í stað þess að greiða eina staka greiðslu?

Rauði krossinn er þakklátur fyrir allan stuðning og fagnar hverju einasta framlagi. Mannvinir Rauða krossins gera Rauða krossinum kleift að bregðast skjótt við neyð, skipuleggja starf sitt til lengri tíma og ná betri árangri í hjálpar- og mannúðarstarfi.

Get ég fengið gíróseðil/greiðsluseðil?

Nei, því miður. Að senda gíróseðil eða greiðsluseðil er kostnaðarsamara en beingreiðsla af bankareikningi eða skuldfærsla með kreditkorti.Rauði krossinn leggur áherslu á að halda öllum kostnaði við fjáröflun í lágmarki.

Hvernig breyti ég greiðslu- eða persónuupplýsingum mínum?

Það er öruggast að hringja í Rauða krossinn í síma 570 4000 til að tilkynna nýjar banka- eða kreditkortaupplýsingar. Breytt heimilisfang eða netfang má tilkynna með því að senda tölvupóst á netfangið mannvinir@redcross.is.Rauði krossinn vill endilega fá tilkynningu um allar breytingar svo hægt sé að tryggja að fréttabréf berist til Mannvina Rauða krossins. Það er mikilvægt að tilkynna Rauða krossinum þegar skipt er um bankareikning eða kreditkort til tryggja að styrkir haldi áfram að berast. Ef upplýsingarnar eru ekki tilkynntar þá munu styrkirnir ekki berast Rauða krossinum.

Hvernig breyti ég mánaðarlegu framlagi mínu?

Þú getur alltaf hækkað eða lækkað framlag þitt með því að senda okkur línu á netfangið mannvinir@redcross.is eða með því að hringja í síma 570-4000. Takk fyrir þitt framlag sem Mannvinur Rauða krossins!

Hvernig hætti ég sem Mannvinur Rauða krossins?

Hægt er að hafa samband í síma 570 4000 til að hætta að vera Mannvinur Rauða krossins og er það afgreitt samdægurs til banka og greiðslukortafyrirtækja .

Hversu oft fæ ég efni sent frá Rauða krossinum?

Mannvinir Rauða krossins fá send fimm fréttabréf á ári í tölvupósti í því skyni að upplýsa um helstu verkefni sem þeir styðja hverju sinni og þakka þeim ómetanlegan stuðning við hjálparstarf Rauða krossins.

Hvernig kem ég ábendingum eða kvörtunum til skila?

Ef þú vilt koma með ábendingu um hvað megi betur fara eða vilt koma með athugasemd þá hvetjum við þig til þess að senda okkur tölvupóst á netfangið mannvinir@redcross.is eða hafa samband í síma 570 4000. 


https://www.youtube.com/watch?v=XIGbfSWOk2g&feature=youtu.be