Börn og umhverfi

  • 21.10.2019 - 30.10.2019, 17:15 - 20:00

Börn og umhverfi í Breiðholti 21., 23., 28., og 30., október

Rauði krossinn í Reykjavík heldur námskeiðið Börn og umhverfi í Breiðholti, dagana 21., 23., 28., og 30. október.

 Námskeiðið er ætlað ungmennum fædd á árinu 2007 og eldri (12 ára og eldri).

Kennsla fer fram í Fjölskylduðmiðstöðinni Gerðubergi, Gerðubergi 3-5, 111 Reykjavík, og skiptist á fjögur (4) kvöld. 

  • Mánudagurinn 21. október, kl: 17.15-20.00 - Efni: Rauði krossinn, þroski barna, samskipti - Leiðbeinandi Guðlaug Steinsdóttir leikskólakennari 
  • Miðvikudagurinn 23. október, kl: 17.15-20.00 - Efni: Leikir, leikföng, umönnun - Leiðbeinandi Guðlaug Steinsdóttir leikskólakennari 
  • Mánudagurinn 28. október, kl: 17.15-20.00 - Efni: Slysavarnir - Leiðbeinandi Dadda Árnadóttir hjúkrunarfræðingur 
  • Miðvikudagurinn 30. október, kl: 17.15-20.00 - Efni: Skyndihjálp - Leiðbeinandi Dadda Árnadóttir hjúkrunarfræðingur 

Á námskeiðinu er farið í ýmsa þætti sem varða umgengni og framkomu við börn. Rætt er um árangursrík samskipti, aga, umönnun og hollar lífsvenjur, leiki og leikföng. Lögð er áhersla á um­fjöllun um slysavarnir og algengar slysahættur í umhverfinu ásamt ítarlegri kennslu í skyndihjálp. Að auki fá þátttakendur innsýn í sögu og starf Rauða krossins. 

ATH! að taka með sér hollt og gott nesti fyrir pásu. 

Námskeiðsgjald er kr. 9.900,- og öll námskeiðsgögn eru innifalin. 

Leiðbeinendur eru leikskólakennarar og hjúkrunarfræðingar. 

Þátttakendur fá viðurkenningu að námskeiði loknu. 

SKRÁNING HÉR- skráið nafn og kennitölu barnsins áður en farið er í greiðslusíðu Valitors. Til að öðlast þátttökurétt þarf að ljúka skráningu með því að ganga frá greiðslu. 

ATH! Þátttökugjald er ekki endurgreitt ef styttra en þrír dagar eru í námskeið og læknisvottorð liggur ekki fyrir. Eftir að námskeiðið er hafið er þátttökugjaldið ekki endurgreitt. Allar nánari upplýsingar í síma 570 4000 og á thorsteinn@redcross.is