• Bornogumhverfi

Börn og umhverfi Kópavogur

  • 22.6.2020 - 25.6.2020, 17:00 - 20:00



Á námskeiðinu er farið í ýmsa þætti er varða umgengni og framkomu við börn. Rætt er um árangursrík samskipti, aga, umönnun og hollar lífsvenjur, leiki og leikföng. Lögð er áhersla á um­fjöllun um slysavarnir og algengar slysahættur í umhverfinu ásamt kennslu í skyndihjálp. Að auki fá þátttakendur innsýn í sögu og starf Rauða krossins.

Námskeiðsgjald er kr. 9.900,- og öll námskeiðsgögn eru innifalin. Athugið að mikilvægt er að ungmennin taki með sér hollt og gott nesti fyrir hlé. Leiðbeinendur eru leikskólakennarar og hjúkrunarfræðingar. Þátttakendur fá viðurkenningu að námskeiði loknu.

Vegna Covid-19 faraldurs verður 2 m fjarlægð haldið frá kennara öllum stundum og smitvarna gætt í hvarvetna, þ.á m. verður ekki kenndur blástur á dúkkum. Þátttakendur þurfa að hafa með sér skriffæri og nesti. Foreldrar/forráðamenn mega ekki koma inn í húsnæðið með börnunum, en næg bílastæði eru í kring til að bíða þegar þau eru sótt.


SKRÁNING - skráið nafn og kennitölu barnsins áður en farið er á greiðslusíðu Valitors. Athugið að sæti á námskeiðinu er ekki tryggt fyrr en þátttökugjald hefur verið greitt. Þátttökugjald er ekki endurgreitt ef styttra en þrír dagar eru í námskeið og læknisvottorð liggur ekki fyrir. Eftir að námskeiðið er hafið er þátttökugjaldið ekki endurgreitt.

Allar nánari upplýsingar í síma 570 4061og á silja@redcross.is