Grunnhundamat

Grunnhundamat verður haldið 24. febrúar 2021frá kl. 17:00-21.00 í Rauða krossinum í Kópavogi, Hamraborg 11, 2. hæð.

  • 24.2.2021, 17:00 - 21:00

Til að spara þér og sjálfboðaliðum sem halda utan um grunnmatið og þjálfun, þá ertu vinsamlega beðin/n að lesa vandlega yfir viðmiðin fyrir hundana áður en þú skráir þig. 

Nánari upplýsingar og færniviðmið eru á þessari síðu .

Grunnhundamatið er gert af reyndum sjálfboðaliðum í verkefninu sem meta hvort þú og hundurinn séu fær um að taka þátt í heimsóknarvinaverkefninu með hund.

Gert er ráð fyrir 15 mín fyrir hvert mat og verkefnisstjóri úthlutar tímum. Ef einhver tímasetning hentar engan vegin, vinsamlega skráið það í athugasemd. Vert er að taka fram að þetta verkefni hentar ekki öllum hundum og möguleiki er á því að hundurinn standist ekki matið eða þá að þú fáir endurgjöf þar sem þú og hundurinn gætu þurft að vinna í ákveðnum þáttum áður en hundanámskeiðið hefst.

Vinsamlegast komið með heilsufarsbók hundsins á grunnhundamatið og komið með hundinn í stífum taumi (ekki flexy taumi). Í matinu á hundurinn alltaf að vera í taumi eins og er í hundavinaheimsóknum á vegum Rauða krossins.

Ef þið standist færniviðmið og grunnhundamat verður ykkur boðið á námskeiðið sem er tvískipt. Bóklegi hlutinn (án hunds) og verklegi hlutinn með hund. Dagsetningar fyrir þau námskeið verða auglýst síðar.

 

Hlökkum til að sjá ykkur!