• Svava-3

Hundavinir. Grunnhundamat Kópavogi

  • 1.9.2020, 17:00 - 21:00

Heimsóknavinir með hund fara í gegnum bóklega og verklega þjálfun hjá reyndum sjálfboðaliðum verkefnisins. Í verkefninu gilda ákveðin viðmið og hafir þú áhuga á þátttöku með hundinn þinn þá ertu velkomin/n í grunnhundamat sem er forsenda fyrir þátttöku í verkefninu. Til að spara þér og sjálfboðaliðum sem halda utan um grunnmatið og þjálfun, þá ertu vinsamlega beðin/n að lesa vandlega yfir viðmiðin fyrir hundana áður en þú skráir þig.

Nánari upplýsingar og færniviðmið eru á þessari síðu.

Grunnhundamatið er gert af reyndum sjálfboðaliðum í verkefninu sem meta hvort þú og hundurinn séu fær um að taka þátt í heimsóknarvinaverkefninu með hund. Vert er að taka fram að þetta verkefni hentar ekki öllum hundum og möguleiki er á því að hundurinn standist ekki matið eða þá að þú fáir endurgjöf þar sem þú og hundurinn gætu þurft að vinna í ákveðnum þáttum áður en hundanámskeiðið hefst.

Grunnhundamat verður haldið 1. september 2020 frá kl. 17:00-21.00 í Rauða krossinum í Kópavogi, Hamraborg 11, 2. hæð. Gert er ráð fyrir 15 mín fyrir hvert mat og verkefnisstjóri úthlutar tímum. Ef einhver tímasetning hentar engan vegin, vinsamlega skráið það í athugasemd.

Vinsamlegast komið með heilsufarsbók hundsins á grunnhundamatið og komið með hundinn í stífum taumi (ekki flexy taumi). Í matinu á hundurinn alltaf að vera í taumi eins og er í hundavinaheimsóknum á vegum Rauða krossins.

Skráning í grunnhundamat er hér . Vinsamlega skráið aldur  og tegund hundsins í athugasemd

Ef þið standist færniviðmið og grunnhundamat verður ykkur boðið á námskeiðið sem er tvískipt. Bóklegi hlutinn (án hunds) er kenndur 8. september kl. 17-20 og sá verklegi (með hundi) 14. september kl. 17-20.

Hlökkum til að sjá ykkur!