Námskeið í sálrænum stuðningi

  • 19.10.2021, 17:30 - 20:30

Þriðjudaginn 19. október stendur Rauði krossinn fyrir námskeiði í sálrænum stuðningi. Námskeiðið fer fram á landsskrifstofu Rauða krossins, Efstaleiti 9, frá kl. 17:30 til kl. 20:30.

Á námskeiðinu fræðast þátttakendur um gildi sálræns stuðnings í aðstæðum sem geta valdið áföllum. Þátttakendur læra að gera sér betur grein fyrir eðlilegum viðbrögðum fólks sem lendir í sársaukafullum aðstæðum og hvernig þeir geti veitt stuðning og umhyggju. Leiðbeinandi er Elín Jónasdóttir, sálfræðingur.

Viðfangsefni eru meðal annars:

  • mismunandi tegundir áfalla
  • áhrif alvarlegra atvika á einstaklinginn
  • sálræn fyrsta hjálp (PFA)
  • stuðningur við úrvinnslu alvarlegs atviks

Sjálfboðaliðum Rauða krossins býðst að taka þetta námskeið sér að kostnaðarlausu og eru beðnir um að skrá sig hér að neðan.

Ath. að sætaframboð er takmarkað svo hægt sé að framfylgja sóttvörnum.

Leiðbeinandi er Elín Jónasdóttir, sálfræðingur

Ef óskað er eftir frekari upplýsingum, sendið tölvupóst á [email protected]