Rauði kross Íslands sendi föt til Afganistan. Hluti fatasendingarinnar var sérstaklega flokkaður og pakkaður fyrir börn á sjúkrahúsi sem Steina Ólafsdóttir sendifulltrúi Rauða krossins vann á.

Rauði kross Íslands stóð fyrir fatasöfnun á Lækjartorgi í maí sl. þar sem óskað var eftir hlýjum fatnaði á konur og börn í Afganistan. Almenningur brást vel við og söfnuðust um 10 tonn af fatnaði.

Þremur vikum síðar lenti á flugvellinum í Kabúl flugvél frá utanríkisráðuneytinu full af hjálpargögnum frá Rauða krossi Íslands og Hjálparstarfi kirkjunnar. Örn Ragnarsson formaður fataflokkunarstöðvar Rauða kross Íslands var með í för og afhenti fulltrúum Alþjóðasambands Rauða krossins og Indira Ghandi barnaspítalans hjálpargögnin.

Að vera sjálfboðaliði er um flest eins og að gegna starfi á vinnumarkaði. Maður hefur ákveðnar skyldur sem maður innir af hendi, oftast með reglubundnum hætti, fær til þess þjálfun og öðlast til þess reynslu. Maður hefur væntingar um starfið og leitast við að uppfylla þær væntingar sem gerðar eru til manns. Meginmunurinn er sá að sjálfboðaliðinn þiggur ekki laun önnur en ánægjuna af starfinu og þá trú að hann sé að gera gagn. Sjálfboðaliði er heldur ekki starfsheiti enda gegna sjálfboðaliðar afar fjölbreyttum störfum. Þúsund Íslendinga vinna sjálfboðið starf að staðaldri og gegna mikilvægu hlutverki á ýmsum sviðum samfélagsins. Í dag er einmitt alþjóðlegur dagur sjálfboðaliðans.

Þegar brugðist er við hamförum, svo sem flóðum, eldgosum eða þurrkum, þurfa hjálparstofnanir að taka með í reikninginn getu manna á staðnum til að hjálpa sér sjálfir. Þetta er grunntónninn í skýrslu um hamfarir í heiminum á síðasta ári.

Na witrynie internetowej oddzialu w Kópavogur sa teraz dostepne informacje w jezyku polskim. Wedle danych z urzedu miasta Kópavogur, Polacy sa najliczniejsza grupa zagranicznych obywateli zameldowanych w Kópavogur. Z tej okazji informacje o oddziale i jego pracy zostaly przetlumaczone na jezyk polski.

Nú er hægt að nálgast upplýsingar um Kópavogsdeild á pólsku á heimasíðunni. Samkvæmt tölum frá Kópavogsbæ eru Pólverjar fjölmennasti hópur erlendra ríkisborgara með lögheimili í Kópavogi. Af því tilefni hafa upplýsingar um deildina og helstu verkefni hennar verið þýddar yfir á pólsku.

Varla eru haldnir svo stórtónleikar á Reykjavíkursvæðinu öðruvísi en að Skyndihjálparhópurinn sé ekki kallaður til að sinna sjúkragæslu, enda vinnubrögð hópsins jafnan fagmannleg og fumlaus.

Meðlimir hópsins sinna þessum vöktum í sjálfboðnu starfi en vaktirnar eru  gott tækifæri fyrir meðlimi hópsins til að þjálfa færni sína og skipulag.  Þó er  tekið  hógvært gjald af þessari þjónustu til að mæta kostnaði við kaup á nauðsynlegum búnaði og þjálfun hópmeðlima.
 
Á sunnudaginn kemur verða sólskinsdrengirnir í Beach boys með tónleika í Laugardalshöll. Skyndihjálparhópurinn verður með sjúkragæslu á tónleikunum. Þeir meðlimir hópsins sem geta mætt á vaktina hafi samband við Birgi 1/2 verkefnastjóra, logos@internet.is eða Tuma, Tumi@redcross.is

Sjálfboðaliðar í Busl og Sjálfboðamiðlun sóttu saman námskeið í sálrænni skyndihjálp mánudagskvöldið sl.

Námskeiðið var haldið í húsnæði landsfélagsins að Efstaleiti 9. Verið er að vinna að því að útbúa nýtt húsnæði Reykjavíkurdeildar með þarfir hreyfihamlaðra í huga og verður það tilbúið innan tíðar.

Mjög góð mæting var á námskeiðið og gerðu þátttakendur góðan róm að fræðslunni en það var Margrét Blöndal hjúkrunarfræðingur sem kenndi

Leitað er eftir sjálfboðaliðum sem gætu aðstoðað ungt fólk á aldrinum 18-20 ára frá Víetnam og Taílandi við enskunám ca. einu sinni í viku.

Viðkomandi þurfa að hafa nokkuð gott vald á skrifaðri og talaðri ensku.

Aðstoðin er óformleg og fer þannig fram að hver sjálfboðaliði hittir einn nema á þeim tíma og stað sem báðum hentar.

Áhugasamir hafi samband við Tumi í síma 5450-407 eða Tumi @redcross.is

Þátttakendur flugslysáæfingarinnar nutu umönnunar sjálfboðaliða Rauða krossins.

Síðasta laugardag 6. nóvember var haldin umfangsmikil flugslysaæfing á Keflavíkurflugvelli og tóku þátt tæplega 800 manns.

Æft var eftir nýuppfærðri flugslysaáætlun fyrir Keflavíkurflugvöll undir stjórn sýslumannsins á Keflavíkurflugvelli sem er í aðgerðastjórn Keflavíkurflugvallar og eiga Rauða kross deildir á Suðurnesjum jafnframt fulltrúa í aðgerðastjórn almannavarnanefndarinnar.

Hjördís vann sem sendifulltrúi fyrir Rauða kross Íslands í Mósambík.

Stöðvarfjarðar- og Fáskrúðsfjarðardeildir RKÍ gengust sameiginlega fyrir námskeiðinu Mannúð og menning í Austurbyggð dagana 7. - 11. júní sl.  Leiðbeinendur voru Jóhanna Hauksdóttir og Aðalheiður Birgisdóttir.   
 

Alls söfnuðust tæplega 30 milljónir króna í landssöfnun Rauða krossins, Göngum til góðs, til aðstoðar stríðshrjáðum börnum. Söfnunin fór fram með því að á þriðja þúsund sjálfboðaliða gekk með bauka í hús síðastliðinn laugardag.

Allt fé sem safnaðist rennur óskipt til verkefna til stuðnings börnum á stríðssvæðum, einkum í Sierra Leone og í Palestínu. Í Sierra Leone fá yngstu fórnarlömb harðvítugrar borgarastyrjaldar, sem nú er yfirstaðin, aðstoð við endurhæfingu og aðlögun að samfélaginu. Í Palestínu verður börnum veittur sálrænn stuðningur til að þau geti betur tekist á við þær erfiðu kringumstæður sem þau búa við.

Sjálfboðaliðar Rauða krossins mættu miklum velvilja meðal landsmanna. Fjöldi fyrirtækja, íþróttafélaga og ýmissa hópa tók þátt í göngunni. Ólafur Ragnar Grímsson forseti Íslands var verndari söfnunarinnar.

Rauði krossinn kann öllum þeim sem tóku þátt í átakinu bestu þakkir.

Birta Þórsdóttir, Thelma Rut Hermannsdóttir, Erna Björk Ólafsdóttir og Áslaug Dóra Einarsdóttir söfnuðu 19.000 krónum fyrir börn í stríði ásamt vinkonu sinni Hörn Valdimarsdóttur sem er ekki á myndinni. Þær hafa því aldeilis gengið til góðs.

Söfnunarstöðvar verða opnar milli kl. 10 og 18 á laugardag. Við leggjum til að þú mætir snemma. Á söfnunarstöðinni færðu afhentan bauk, húfu og annað sem til þarf. Taktu endilega með þér börn, foreldra eða aðra ættingja og vini. Þetta verður skemmtilegt!

Gunnar Hersveinn er blaðamaður á Morgunblaðinu og birtist grein þessi í blaðinu 19. september 2004.

Kamilla Ingibergsdóttir, framkvæmdastjóri Kópavogsdeildar, afhendir Elísabetu Eyjólfsdóttur fræðslupakkann.

Námsefnið inniheldur litla brúðu og kennsluefni fyrir sex sögustundir. Rauða kross strákurinn Hjálpfús er í formi fingurbrúðu sem leikskólakennarar geta notað til að leiða börnin í gegnum námsefnið.

Mánudaginn 28. júní síðastliðinn lögðu fimmtán BUSLarar (Besta Unglingastarf Sjálfsbjargar) af stað til Sommarsol á Vejbystrand í Suður Svíþjóð ásamt níu leiðbeinendum.

Mikill undirbúningur hefur verið fyrir ferðina og ýmislegt gert til þess að safna fé. Markmið ferðarinnar er meðal annars að víkka sjóndeildarhring unglinganna og hvetja þau til þess að vera óhrædd að takast á við hið óþekkta í framtíðinni. Ýmislegt skemmtilegt var á dagskrá í ferðinni. Hópurinn hefur sett fréttir frá ferðinni á heimasíðuna  http://busl.vortex.is  þar sem finna má ýmislegt um þessa skemmtilegu ferð. Hópurinn kom heim 4. júlí síðastliðinn. 

Myndasýning

Þennan dag stendur til að fara í gönguferð á Gvendarskál fyrir ofan Hóla í Hjaltadal. Sumarbúðirnar eiga þar til gerðan sérsmíðaðan stól sem hægt er að bera í þá sem ekki komast af sjálfdáðum upp á fjallið. Því vantar sjálfboðaliða til að bera stólinn upp. 

Reiknað er með 4 tímum í gönguna frá kl. 11 til 15 þannig að gott væri að sjálfboðaliðar hefðu nesti með sér en síðan er boðið upp á miðdegiskaffi að Löngumýri um kl. 16 og sund fyrir þá sem vilja í Varmahlíð og svo kvöldmat á eftir að Löngumýri. Eitthvað pláss er inni í svefnpokaplássi og svo er hægt að tjalda í garðinum. Þá væri hægt að taka þátt í kvöldvöku sumarbúðanna en þær eru hin besta skemmtun.

Landsfundur Urkí  verður haldin í Efstaleiti 9 næstkomandi  laugardag (19. júní) klukkan 13:00.

Dagskrá fundarins er eftirfarandi:

1. Farið yfir starf síðasta árs
2. Starfsreglur yfirfarnar
3. Kosningar/val í stjórn Urkí næsta árs
4. Önnur mál

Stjórn Urkí fundar á 6-8 viknafresti - yfirleitt í Reykjavík.

Allir velkomnir