Birna er sendifulltrúi á Súmötru.

Ljósmynd: Birgir Freyr Skrifstofuatriðið - flóttamenn þurfa oft að hafa mikið fyrir því að nálgast ýmis eyðublöð og fá þau útfyllt.

Hlutverkaleikurinn Á flótta var leikinn um síðustu helgi. Þetta er leikur sem haldinn er um helgar og tekur um sólarhring að spila.

Leikurinn er einkum ætlaður unglingum á aldrinum 13-16 ára og þurfa þátttakendur að ganga í gegnum ýmsar dæmigerðar eldraunir sem flóttamenn mega þola. Leiðbeinendur í leiknum eru sjálfboðaliðar í Ungmennahreyfingu Rauða krossins.

Með því að upplifa þessar aðstæður  á eigin skinni eykst umburðarlyndi þátttakenda og skilningur á aðstæðum flóttamanna.

Eftir leikinn var svo haldið námskeið fyrir nýja leiðbeinendur. Kennari var Mikael Schollert einn af forsprökkum leiksins í Danmörku sem hingað var kominn til að kenna námskeiðið.

Átján nýjir leiðbeinendur voru á námskeiðinu og komu  margir þeirra  utan af landi fyrir milligöngu landsfélags Rauða krossins.

Robin er sendifulltrúi í Indónesíu.

Hildur er sendifulltrúi í Aceh í Indónesíu.

Hildur er sendifulltrúi í Aceh í Indónesíu.

Robin er sendifulltrúi í Indónesíu.

Hildur er sendifulltrúi í Aceh í Indónesíu.

Sjálfboðaliðar Kópavogsdeildar sáu um helgina leikritið Segðu mér allt í Borgarleikhúsinu. Borgarleikhúsið gaf deildinni fríðmiða á sýninguna og nýttu um 25 sjálfboðaliðar sér þetta kostaboð. Deildin færir Borgarleikhúsinu bestu þakkir fyrir miðana. 

Segðu mér allt fjallar um unga stúlku sem bundin er við hjólastól en hefur þó meiri fótfestu í lífinu en foreldrar hennar. Hún á sér draumaveröld en hún flýr á náðir hennar þegar foreldrar hennar ætlast til of mikils af henni.

Krakkarnir í starfi með ungum innflytjendum heimsóttu í gær, ásamt sjálfboðaliðum í verkefninu, Alþingi. Tekið var á móti hópnum og hann leiddur um húsið og fræddur um starfshætti Alþingis. Krakkarnir fræddust um fjölda þingmanna, fjölda ráðherra, upphaf Alþingis og fleira skemmtilegt. Auk þess fengu þau að sitja á pöllunum og fylgjast með þingumræðum um hvort hækka ætti hámarkshraða á Reykjanesbraut.

Eftir ánægjulega heimsókn lá leiðin á Kaffi París þar sem krökkunum var boðið upp á heitt kakó. Þar sátu þau, drukku ljúffengt kakó og spjölluðu saman um það sem fyrir augum bar á Alþingi.

Á myndinni eru frá vinstri Gunnhildur, Arnar Þór, Alexander og Róbert Heiðar

Rauði kross Íslands gaf þremur ungum drengjum skyndihjálpartöskur í dag, í viðurkenningarskyni fyrir hetjuleg viðbrögð þegar einn þeirra fann fyrir verk í brjósti þegar þeir voru staddir í Kringlunni á laugardag.

Alexander Theódórsson og Arnar Þór Stefánsson, 11 ára, hjálpuðu vini sínum Róberti Heiðari Halldórssyni, 10 ára, eftir að hann fann fyrir sárum verk og lagðist í jörðina. Framganga drengjanna sýnir að allir geta lært grundvallaratriði skyndihjálpar.

Viðhorf og virðing hjá Árnesingadeild. Heimsóknarþjónustunámskeið fyrir geðfatlaða.

Heimsóknarvinir Árnesingasdeildar ætla að sitja námskeiðið  "Viðhorf og virðing" næstkomandi fimmtudag þann 24. febrúar.

Stöðvarfjarðardeild RKÍ heldur uppteknum hætti og bryddaði upp á ýmsum uppákomum fyrir áramótin. Í tengslum við 80 ára afmæli Rauða krossins bauð deildin til kaffisætis og fatamarkaðar, þar sem seldur var notaður fatnaður.  Gerður var góður rómur að uppátækinu sem var vel sótt af heimamönnum og öðrum.

Bolungarvík er með opið hús fyrsta laugardag hvers mánaðar. Í grunnskólanum á Þingeyri fá nemendur í 10. bekk kennslu í almennri skyndihjálp. Fatasöfnun eykst jafnt og þétt á  Vestfjörðum. Ísafjarðardeild og Bolungarvíkurdeild opnuðu fjöldahjálparstöðvar í byrjun árs. Styrktartónleikar voru haldnir á Þingeyri í janúar og söfnuðust yfir 300 þúsund krónur. Vinadeildin í Uzice í Serbíu og Svartfjallalandi hefur óskað eftir aðstoð við að koma upp ungmennastarfi.

Flugslysaæfinguna á Akureyri verður 28. maí.  Vinnuhópur um vinadeildasamstarf vinnur að undirbúningi ferðar sjálfboðaliða til Mosambik þann 11. mars.  Nú líður að aðalfundartíma deilda og er ársskýrsla og reikningsform að dett inn í tölvur formanna þessa dagana. Nýtt form er á ársskýrslunni sem ætti að auðvelda og flýta fyrir vinnslu hennar. Aðalfundur Rauða kross Íslands verður haldinn 20. og 21. maí og formannafundur 2. apríl. Fjöldahjálparstjórnarnámskeið verður haldið á Akureyri í húsnæði deildarinnar að Viðjulundi 2, dagana 25. og 26. febrúar.

Rauði kross Íslands hefur gefið út bækling í skyndihjálp sem inniheldur einfaldar upplýsingar um hvernig bregðast má við neyð. Markmiðið með bæklingnum er að kynna fyrir almenningi helstu atriði skyndihjálpar með stuttum og hnitmiðuðum hætti og myndrænni lýsingu. Allar myndir í bæklingnum sýna rétt viðbrögð.

Bæklingurinn tekur á þremur megin þáttum; endurlífgun, slysum og bráðum veikindum. Í bæklingnum er einnig upplýsingar um sálrænan stuðning og Rauða kross hreyfinguna. Innihald bæklingsins er aðeins ítarlegra en innihald veggspjaldsins í skyndihjálp sem Rauði krossinn gaf út í janúar og dreifði m.a. í alla skóla landsins. Sérfræðiráðgjöf við gerð bæklingins veitti Hjalti Már Björnsson læknir.

Á myndinni eru talið frá vinstri til hægri: Í aftari röð: Dagný Davíðsdóttir, Sigríður Benediktsdóttir og Málfríður Björnsdóttir frá Héraðs og Borgarfjarðardeild Rauða kross Íslands. Í fremri röð:.Jóhanna Kolbjörg Sigurþórsdóttir, Anna Karín og Rut Malmberg.

Héraðs- og Borgarfjarðardeild Rauða kross Íslands á Egilsstöðum veitti tveim ungum stúlkum, Jóhönnu Kolbjörgu Sigurþórsdóttur 10 ára og Rut Malmberg 11 ára, viðurkenningu fyrir að hafa bjargað lífi vinkonu sinni Önnu Karínar 10 ára, þegar hún fékk ofnæmislost, með því að hringja strax á sjúkrabíl og hlúa að henni á meðan þær biðu eftir aðstoð. Auk þess fengu þær skyndihjálpartöskur að gjöf frá deildinni.

Anna Karín er með lífshættulegt jarðhnetuofnæmi. Hún hefur alltaf á sér adrenalínpenna og þarf hún að fá sprautu ef hún fær ofnæmisviðbrögð. Óhappið varð þegar hún hafði borðað hunang. Það er alveg nauðsynlegt fyrir alla sem eru með bráðaofnæmi að lesa vel á umbúðir og athuga innihald áður en borðað er.

Heimsóknarvinir Árnesingasdeildar ætla að sitja námskeiðið  "Viðhorf og virðing" næstkomandi fimmtudag þann 24. febrúar.

Nemendur Menntaskólans í Kópavogi fengu nýverið kynningu á sjálfboðnu starfi Kópavogsdeildar Rauða krossins. Kynningin var í höndum Kamillu Ingibergsdóttur, framkvæmdastjóra deildarinnar, og Pálínu Jónsdóttur heimsóknavinar en þær ræddu um stöðu aldraðra og kynntu fjölbreytt verkefni deildarinnar.

Nemendurnir, sem allir eru í áfanga um þroskasálfræði, sýndu starfinu mikinn áhuga og fjöldi þeirra hefur í hyggju að gerast sjálfboðaliðar. Kópavogsdeild býður þau hjartanlega velkomin til starfa.  

Tveimur Ungmennum (16 til 27 ára) gefst kostur á að fá 25 þúsund króna styrk til að fara á eftirfarandi Rauða kross sumarbúðir í Munchen í Þýskalandi, dagana 21. til 29. maí 2005. Þema búðanna er "media og communication: qualify yourself". Gæti hentað þeim sem hafa áhuga á að vinna meira í heimasíðu URKÍ.

Áhugasamir hafi samband við Sólveigu (5704035), í síðasta lagi föstudaginn 25. febrúar.

Gunnar Kristmundsson, Sigrún Kristjánsdóttir, Njörður Helgason svæðisfulltrúi Rauða kross Íslands, Unnur Einarsdóttir og Gunnar Álfar Jónsson.

Tveir heiðursmenn á Selfossi þeir Gunnar Kristmundsson, 71 árs, og Gunnar Álfar Jónsson, 70 ára hlutu sérstaka viðurkenningu Rauða kross Íslands, sl. föstudag á 11.2. deginum. Þeir nafnarnir björguðu lífi félaga síns Halldórs Guðmundssonar sem fékk hjartaáfall á íþróttaæfingu eldri borgara vorið 2004, með því að hnoða og blása lífi í hann þar til sjúkraflutningamenn og læknar komu á vettvang. Félagi þeirra er hinn hressasti í dag.

„Þetta gerðist á íþróttaæfingu hjá okkur í félagi eldri borgaranna hér á Selfossi. Við vorum búin að vera að gera æfingar undir stjórn Halldórs. Ég sá að hann lagðist á gólfið og hélt fyrst að þetta væri hluti af því sem hann var að láta okkur gera, en sá svo að eitthvað var óeðlilegt,” sagði Gunnar Kristmundsson.

Ásgeir Sigurðsson til vinstri og Anton Gylfi Pálsson til hægri á myndinni ásamt Sigrúnu Árnadóttur sem kynnir valið á Skyndihjálparmanni ársins.

Rauði kross Íslands hefur valið Anton Gylfa Pálsson sem Skyndihjálparmann ársins fyrir rétt viðbrögð á neyðarstundu. Sigrún Árnadóttir framkvæmdastjóri Rauða krossins afhenti Antoni Gylfa viðurkenninguna við hátíðlega athöfn á 1-1-2 deginum í dag. Anton Gylfi beitti kunnáttu sinni í skyndihjálp til bjargar mannslífi, með hetjulegri framgöngu þegar á reyndi.

Tólf ára gamalt skyndihjálparnámskeið Antons Gylfa Pálssonar rifjaðist upp fyrir honum á svipstundu þegar hann sýndi snarræði og bjargaði mannslífi með því að hann hnoða og blása lífi í Ásgeir Sigurðsson sem fengið hafði hjartastopp eftir að hafa verið áhorfandi á handboltaleik. 

Skyndihjálparmenn ársins á síðasta ári, þær Kolfinna Jóna og Sigrún Guðbjörg ásamt Atli Reynir sem þær björguðu svo frækilega.

Skyndihjálparmaður ársins verður valinn á 112 degi sem haldinn er í fyrsta sinn á Íslandi í Smáralindinni á föstudaginn.

Þegar á bjátar höfum við aðgang að geysilega öflugu neti viðbragðsaðila og hjálparliðs í gegnum eitt samræmt neyðarnúmer fyrir landið og miðin ? 112. Með einu símtali í 112 er unnt að virkja á augabragði lögreglu, slökkvilið, almannavarnir, Landhelgisgæsluna, sjúkraflutningamenn, lækna, hjálparlið sjálfboðaliða og barnaverndarnefndir. Yfir 300 þúsund erindi bárust 112 á síðasta ári.

Hrafn Jökulsson Hróksformaður og Jón Kristjánsson heilbrigðisráðherra tefla á skákmótinu í Vin á sl. ári.

Í dag eru 12 ár liðin síðan Vin, athvarf fyrir geðfatlaða, hóf starfsemi sína á Hverfisgötunni. Á afmælisdaginn verður heitt á könnunni fyrir þá sem vilja heimsækja Vin og kynna sér athvarfið. Allir eru velkomnir.

Í Vin er starfandi skákfélag sem hefur undanfarin tvö árin verið í samstarfi við skákfélagið Hrókinn. Í gær var haldið skákmót þar sem átta keppendur tóku þátt. Tefldar voru 7 mínútna skákir eftir Monrad kerfi. Allir keppendur fengu verðlaun en efstu fjögur sætin hrepptu: Hendrik Danielsen stórmeistari, Rafn Jónsson, Kristian Guttesen og Örn Sigurðsson. Penninn, JPV útgáfa og Skífan gáfu vinningana. Mótinu var stýrt af Hrafni Jökulssyni og Róberti Harðarsyni.

Elín er sendifulltrúi á Sri Lanka

Elín er sendifulltrúi á Sri Lanka

Þriðjudaginn 1. febrúar var haldinn fræðslufundur og hópefli fyrir heimsóknavini Kópavogsdeildar að Hamraborg 11. Starfsmaður frá hjúkrunarheimilinu Landakoti hélt fyrirlestur um aðhlynningu aldraðra, en kynningar af því tagi eru fastur liður í starfi heimsóknavina Rauða krossins.

'Fræðslufundir af þessu tagi hjálpa okkur að bæta þjónustuna sem við veitum og ekki er síður mikilvægt að við sjáum og hittum hver aðra. Hér á þessum fundum ræðum við starf okkar og það sem  þarf að gera í framtíðinni,' segir Pálína Jónsdóttir heimsóknarvinur.

Rúmlega 25 heimsóknavinir fara reglulega í heimsóknir á dvalarheimili aldraðra í Sunnuhlíð í Kópavogi og Skjólbraut og Gullsmára, sambýli fyrir aldraða. 12 manns til viðbótar heimsækja einstaklinga sem enn búa heima hjá sér en hafa þörf fyrir félagsskap og afþreyingu. 

Frank er sendifulltrúi á Haiti.