Fréttir

31. mars 2005 : Krakkar leika sér alls staðar eins

Það var stuð hjá krökkunum í Alþjóðahúsinu.

Krakkarnir í starfi með ungum innflytjendum heimsóttu í gær Alþjóðahúsið í Reykjavík. Þar tók á móti þeim Amal Tamimi fræðslufulltrúi og sýndi þeim húsið. Krakkarnir fræddust um börn um allan heim og að öll eigum við meira sameiginlegt en okkur grunar. Hún tók sem dæmi leik barna og sýndi krökkunum ýmsar myndir sem þau áttu síðan geta til um hvaðan kæmu. Krakkarnir höfðu mjög gaman af þessari fræðslu.


29. mars 2005 : Árshátíð Urkí-R var mjög vel heppnuð

Árshátíð URKÍ-R var haldin miðvikudaginn 23. mars síðastliðinn á Póstbarnum. Gleðin byrjaði klukkan 19:00 og matur borin fram klukkan átta.

Við fengum alveg rosa góðan mat, sjávarréttarsúpu í forrétt, lambakjöt í aðalrétt og súkkulaðiköku í forrétt. Þema árshátíðarinnar var Mulin Ruge, og voru sumir greinilega búnir að stúdera myndina betur en aðrir. Nonni var Cristian sem er aðal karlpersónan í myndinni og hún Unnur var Satine sem er aðal kvenpersónan. Þau voru rosa flott. Eins var Inga Birna í rosa búning og sló öllum við. 

Á meðan við vorum að borða var Mulin Ruge myndinni varpað á vegg og var það mjög flott og tónlistin úr myndinni spiluð. Salurinn var magnaður, rauðleitur og djarfur eins og myndin er.

29. mars 2005 : Kannt þú skyndihjálp?

Kópavogsdeild Rauða kross Íslands heldur námskeið í almennri skyndihjálp miðvikudaginn 6. apríl kl. 18-22 í Hamraborg 11, 2. hæð.

Á námskeiðinu læra þátttakendur grundvallaratriði í skyndihjálp og endurlífgun. Markmiðið er að þátttakendur verði hæfir til að veita fyrstu hjálp á slysstað.

Námskeiðsgjald er 4900 kr. Sjálfboðaliðar deildarinnar eiga þó kost á að sitja námskeiðið endurgjaldslaust.

Skráning fer fram í síma 554 6626 eða á [email protected] eigi síðar en 4. apríl.

28. mars 2005 : Fólkið skelfingu lostið segir Birna

Hólmfríður Garðarsdóttir, Hildur Magnúsdóttir og Birna Halldórsdóttir við störf sín á Banda Aceh. Birna sem er lengst til hægri er enn úti en Hólmfríður og Hildur eru komnar heim.

Birna Halldórsdóttir sendifulltrúi Rauða kross Íslands segir að mikil skelfing hafi gripið um sig í Banda Aceh eftir harðan skjálfta sem þar varð um kl. 16.09 í dag að íslenskum tíma. Fólk þusti út úr húsum sínum allt í kringum hana, en Birna dvelur á svæði sem varð fyrir flóðbylgjunni 26. desember.

Skömmu síðar varð allt rólegra og ljóst að ekki yrði af flóðbylgju í Banda Aceh eins og annan dag jóla.

?Ég sit hér í tungsljósinu núna og það er allt rólegt,? sagði Birna nú undir kvöld. Birna starfar við dreifingu hjálpargagna á vegum Alþjóða Rauða krossins.

21. mars 2005 : Póstkort frá Hófi í Banda Aceh

Hólmfríður Garðarsdóttir ljósmóðir er sendifulltrúi í Banda Aceh

21. mars 2005 : Póstkort frá Hófi í Banda Aceh

Hólmfríður Garðarsdóttir ljósmóðir er sendifulltrúi í Banda Aceh

18. mars 2005 : Enduruppbyggingin í Sri Lanka

Börnin bíða í röð eftir að fá úthlutað hjálpargögnum. Meira en 180 þúsund þeirra sem urðu fórnarlömb flóðbylgunnar á Sri Lanka hafa notið aðstoðar Rauða krossins.

Klukkan er átta að morgni og hjálparlið alþjóðasamtaka Rauða krossins og Rauða hálfmánans í Galle í suðurhluta Sri Lanka hefur verið á ferð í tvær klukkustundir. Hjálparliðið leiðir nokkra vörubíla sem hlaðnir eru hjálpargögnum og eiga þau að fara til margra tjaldbúða sem hafa sprottið upp við ströndina til að hýsa þá hálfu milljón manna sem misstu heimili sín í flóðbylgjunum í desember.

Á meðan gerir Charles Blake, leiðtogi hjálparliðsins, áætlanir fyrir dreifingu hjálpargagna í þessari viku en það eina sem hann hefur sem aðstöðu er heitt og rykugt tjald sem komið hefur verið upp í vöruhúsi.

16. mars 2005 : Upplýsingar á taílensku á heimasíðu Kópavogsdeildar

15. mars 2005 : Sjálfboðaliðar flokka föt fyrir ungt fólk

María og Lísa stóðu sig vel við flokkunina.

Hópur sjálfboðaliða hóf í gær störf við flokkun fatnaðar fyrir ungt fólk. Hópurinn mun hittast einu sinni í mánuði og flokka föt sem verða svo seld í búðum Rauða krossins í Reykjavík og Hafnarfirði. Sjálfboðaliðarnir eru flestir nemendur í Menntaskólanum í Kópavogi og nýir sjálfboðaliðar hjá Kópavogsdeild.

Árlega berast um 500 tonn af notuðum fötum til Rauða krossins. Það sem ekki er nýtt beint til hjálparstarfa er selt. Fataflokkunin er mikilvæg tekjuöflun Rauða krossins sem skilar sér beint í alþjóðlega neyðaraðstoð. 
 

10. mars 2005 : Ásgeir Jóhannesson er fyrsti heiðursfélagi Kópavogsdeildar

Ásgeir Jóhannesson og Garðar Guðjónsson, formaður Kópavogsdeildar.

Stjórn Kópavogsdeildar hefur gert Ásgeir Jóhannesson að fyrsta heiðursfélaga deildarinnar í viðurkenningarskyni fyrir mikið og farsælt starf hans í þágu Rauða krossins.

Garðar H. Guðjónsson formaður tilkynnti þetta á fjölmennum aðalfundi deildarinnar sem haldinn var í gærkvöldi og afhenti Ásgeiri skjal þessu til staðfestingar. Ásgeir var formaður Kópavogsdeildar um árabil. Hann átti stóran þátt í uppbyggingu hjúkrunarheimilisins Sunnuhlíðar, stofnun Rauðakrosshússins, athvarfs fyrir ungmenni í vanda, stofnun Vinjar, athvarfs fyrir geðfatlaða, og síðast en ekki síst stofnun Fjölsmiðjunnar í Kópavogi. Kópavogsdeild er afar þakklát Ásgeiri fyrir eldmóð, dugnað og fórnfýsi hans í störfum sínum fyrir Rauða krossinn.

8. mars 2005 : Aðalfundur Kópavogsdeildar haldinn á miðvikudag

Aðalfundur Kópavogsdeildar Rauða kross Íslands verður haldinn miðvikudaginn 9. mars kl. 20 í Hamraborg 11, 2, hæð.

Dagskrá:
Venjuleg aðalfundarstörf
Önnur mál

Veitingar og spjall í lok fundarins. Allir velkomnir!

8. mars 2005 : Þykir vænt um Austfirðinga

Viðtal við Maríu Helenu Haraldsdóttur svæðisfulltrúa Rauða krossins á Austurlandi sem birtist í Austurglugganum.

7. mars 2005 : Sigríður kveður eftir frábært starf í Dvöl

Í þakklætisskyni færði Helga Pálsdóttir (t.v.) Sigríði gjöf.

Sigríður H. Bjarnadóttir kvaddi  á föstudaginn formlega gesti og starfsfólk Dvalar en hún hafði sinnt starfi forstöðumanns frá opnun athvarfsins árið 1998. Í hennar stað hefur verið ráðin Björk Guðmundsdóttir.

Starfsemi Dvalar hefur dafnað vel frá opnun og aðsóknin verið góð og hefur Sigríður átt stóran hlut í velgengni athvarfsins. Gestir eru sammála um að notalegt andrúmsloft og vistlegt umhverfi einkenni athvarfið. Þeir einstaklingar sem sækja athvarfið koma flestir til að rjúfa einangrun og fá stuðning en þetta er mjög breiður hópur á aldrinum 20 til 70 ára. Bæði konur og karlar sækja athvarfið.

 

3. mars 2005 : Nýtur sannarlega hverrar stundar

Sigríður segir krökkunum sögur.

„Ég trúi því að geri maður öðrum gott, gerir maður sjálfum sér best,“ sagði Sigríður Pálsdóttir, sjálfboðaliði Kópavogsdeildar, í viðtali sem birtist í Morgunblaðinu nú á dögunum. Blaðamaður og ljósmyndari Morgunblaðsins heimsóttu deildina og spjölluðu við krakkana í starfi með ungum innflytjendum og Sigríði.

Þegar Sigríður Pálsdóttir sá fram á starfslok um sjötugt, bjó hún sér til stundaskrá.  Hún hefur verið á fullum dampi í tíu ár og er nú m.a. sjálfboðaliði hjá Kópavogsdeild Rauða krossins. Hún sagði Jóhönnu Ingvarsdóttur að viljinn til sjálfshjálpar væri mikilvægur því ef menn reyndu ekki að hjálpa sér sjálfir, væri varla von að aðrir gerðu það.


2. mars 2005 : Heimsóknavinir fræðast um flóðin í Asíu

Guðbjörg segir frá reynslu sinni í Aceh.

Heimsóknavinir komu saman í gær og hlustuðu á fyrirlestur Guðbjargar Sveinsdóttur, sendifulltrúa Rauða kross Íslands. Guðbjörg eyddi mánuði Aceh héraði í Indónesíu stuttu eftir að hörmungarnar dundu yfir í Asíu. Hún sagði frá reynslu sinni og sýndi myndir frá dvölinni.