Efnt var til söfnunar í framhaldi af þemaviku um Afríku sem haldin var í Árskóla á Sauðárkróki í lok nóvember síðastliðinn. Nemendur og starfsmenn voru hvattir til að gefa sem svaraði andvirði eins matarmiða eða um 160 kr. og styðja um leið starf Rauða kross Íslands við börn í Mósambík.

Söfnunin gekk vel og margir lögðu fram drjúgan skerf  úr sparibauknum. Alls söfnuðust um 62 þúsund krónur. Söfnunarféð mun renna óskipt til barnaheimilisins Boa Esperansa í Mósambík.

Á aðfangadag eru liðin 50 ár frá því að ríkisstjórn Íslands veitti fyrst flóttamönnum hæli á Íslandi í samvinnu við Flóttamannastofnun Sameinuðu þjóðanna og Rauða kross Íslands. Um var að ræða flóttamenn frá Ungverjalandi sem höfðu flúið til Austurríkis undan innrás Sovétmanna sem vildu bæla niður uppreisn í landinu.

Alls flúðu um 200.000 manns Ungverjaland á örfáum vikum undir lok árs 1956 og leituðu langflestir þeirra, eða um 180.000, skjóls í Austurríki en aðrir í þáverandi Júgóslavíu.

Sunnudaginn 17. desember var hátt á annan tug starfsmanna og sjálfboðaliða Rauða hálfmánans í Írak numinn á brott frá einni af skrifstofum félagsins í Bagdad. Nokkrum hefur þegar verið sleppt en margir eru enn í haldi.

Rauði kross Íslands sameinast alþjóðahreyfingu Rauða krossins og Rauða hálfmánans í að krefjast þess að þeir verði leystir skilyrðislaust úr haldi nú þegar.

Starfsmenn og sjálfboðaliðar Rauða hálfmánans í Írak aðstoða samlanda sína alls staðar í landinu með mannúð og hlutleysi að leiðarljósi. Þeir vinna mannúðarstarf sitt við hættuleg skilyrði og fórna miklu fyrir þetta starf.

Akureyrardeild Rauða kross Íslands sendir sjálfboðaliðum sínum og velunurum bestu jóla og nýárskveðjur. Með þökk fyrir samstarfið á liðnu ári. 

Skrifstofa deildarinnar verður lokuð milli jóla og nýárs en fyrir viðkomandi skal bent á fatagáma fyrir utan húsnæði deildarinnar.

Skrifstofan opnar aftur þann 2. janúar 2007

Nemendur Hamraskóla héldu litlu jólin hátíðleg miðvikudaginn 20. desember meðal annars með því að færa Rauða krossinum andvirði jólapakka sem nemendur höfðu safnað. Í stað þess að halda jólagjafaleik á litlu jólunum skreyttu börnin umslög með fénu í til að gefa Rauða krossinum.

Fjölnir Sigurjónsson nemandi í 4.-5. A bekk afhenti fulltrúa frá Rauða krossi Íslands rúmlega 80 þúsund krónur en upphæðin rennur í Hjálparsjóð Rauða krossins.

-Það er ánægjulegt að finna ungt fólk sýna samkennd og leggja sitt af mörkum til að gera öðrum lífið léttbærara. Féð rennur í Hjálparsjóð Rauða krossins sem nýttur er þegar vá ber að garði.

Kópavogsdeild Rauða krossins óskar sjálfboðaliðum og samstarfsfólki gleðilegra jóla og farsældar á komandi ári með þökk fyrir starfið á árinu sem er að líða.

Sjálfboðamiðstöð Kópavogsdeildar opnar aftur eftir jólaleyfi fimmtudaginn 4. janúar kl. 11.

Fyrirtækið Mýr í Reykjanesbæ stóð á dögunum fyrir söfnun á jólapökkum fyrir þá sem minna mega sín. Mýr er jólamarkaður í eigu Helgu Steinþórsdóttur til húsa í Glerhúsinu á Fitjum. Viðskiptavinirnir settu jólapakka undir jólatréð merktan strák eða stelpu og aldur. Þeir voru síðan afhentir Suðurnesjadeild Rauða krossins sem kom pökkunum til barnanna.

Fyrirtækið Nesraf ehf. sem er í eigu þeirra Hjörleifs Stefánssonar, Jóns Ragnars Reynissonar og Reynis Ólafssonar færði Suðurnesjadeildinni að gjöf mikið magn af jólaskreytingum; seríum og allskonar gluggaskreytingum. Andvirði gjafarinnar er um  kr. 350.000. Mun deildin koma þeim til skila.

Þetta er frábært framtak og kann deildin þeim bestu þakkir fyrir.

Gestkvæmt var í Dvöl, athvarfi fyrir geðfatlaða, í vikunni þegar jólamatur var þar á borðum. Fulltrúar Kópavogsdeildar Rauða krossins og bæjarstjóri Kópavogs voru á meðal gesta. Boðið var upp á bæði londonlamb og svínasteik en í eftirrétt var heimalagaður ís. Eftir matinn settust fastagestirnir í Dvöl saman og lásu jólakortin sem höfðu borist athvarfinu. Gestirnir fengu einnig afhenta jólapakka frá Kópavogsdeild Rauða krossins til að taka með sér heim og opna á aðfangadagskvöld.

Á Þorláksmessu munu sjálfboðaliðar Kópavogsdeildar Rauða krossins sjá um að halda athvarfinu opnu kl. 13-16. Síðan verður opið dagana 27.-29. desember og eftir áramótin opnar aftur 2. janúar. Í Dvöl er opið alla virka daga kl. 9-16 nema fimmtudaga kl. 10-16.

Nú á dögunum var tekinn í notkun nýr vefur Rauða kross Íslands og þar undir nýr vefur Barna- og ungmennastarfs (URKÍ).
Þessa dagana er unnið hörðum höndum að því að koma inn auknu efni á vefinn, svosem fundargerðum, upplýsingum um stjórnarmenn og fleira.

Tengiliður URKÍ-stjórnar við vefinn er Gunnlaugur Br. Björnsson sem situr í stjórn URKÍ. Senda má efni á hann, netfangið hans er gbb@mmedia.is

Það er von okkar í stjórninni að hinn nýi vefur muni leggjast vel í notendur vefsins og að þær upplýsingar sem hér eru að finna megi nýtast ykkur í leik og starfi.

Vegahúsið á Egilsstöðum er eitt ungmennahúsa sem Rauði kross Íslands tekur þátt í að reka ásamt sveitarfélaginu. Í nóvember var stofnaður mömmuklúbbur. Allt að 20 mömmur mæta vikulega, alveg í skýjunum með þessa nýju þjónustu á svæðinu.

Tóku mömmurnar þátt í námskeiði í þæfingu sem haldið var á dögunum og tókst það rosalega vel. Upp úr jólum verður boðið upp á skyndihjálparnámskeið með leiðbeinanda frá Rauða krossinum.

Þrjátíu manns, flestum írönskum starfsmönnum Rauða hálfmánans, var rænt í gærmorgun þar sem þeir voru við störf á skrifstofu Rauða hálfmánans í Bagdad, höfuðborg Íraks. Ekki er vitað hverjir ræningjarnir eru en þeir voru vopnaðir.

Pierre Krähenbühl yfirmaður Alþjóða Rauða krossins og Rauða hálfmánans hefur krafist þess að mönnunum verði sleppt tafarlaust og án skilyrða. -Starfsmenn íranska Rauða hálfmánans leggja hart að sér við að aðstoða alla Íraka í neyð. Þeir stunda störf sín af alúð við erfiðar aðstæður og þá ber að virða og aðstoða en ekki valda þeim erfiðleikum og skaða, sagði Krähenbühl.

Þann 3. desember síðast liðinn héldu konur í hópi heimsóknavina Kópagvogsdeildar í Sunnuhlíð sína árlegu aðventuhátíð fyrir heimilisfólk, fjölskyldur þess og starfsfólk. Sáu þær um skipulag hátíðarinnar, dagskrá og veitingar.

Margt skemmtilegt var á dagskrá hátíðarinnar í ár. Hún hófst á því að allir fengu sér hressingu og piparkökur og að því búnu var séra Ægir Fr. Sigurgeirsson með hugvekju. Þá tók við söngur og að lokum var öllum boðið upp á kaffi og kökur. Dagmar Huld Matthíasdóttur hjúkrunarforstjóri í Sunnuhlíð sagði gesti hátíðarinnar hafa verið um 150 talsins og fannst henni hátíðin í ár vera sérlega vel lukkuð.

Það var í nógu að snúast hjá konunum í Mæðrastyrksnefnd þegar þær voru heimsóttar sl. fimmtudag. Þær voru í óðaönn að gera klárt fyrir úthlutun sem hefjast átti daginn eftir.  Greinilegt að þær höfðu víða farið og vel verið tekið á móti þeim því þarna voru staflar af alls kyns matvöru sem án efa á eftir að koma í góðar þarfir á einhverjum heimilum.

Alþjóði Rauða krossinn stóð fyrir hringborðsumræðum í Amman, höfuðborg Jórdaníu, 11.-13. desember. Þar hittust 16 fulltrúar óopinberra samtaka í Írak til að ræða áhrif stríðsátaka á konur í Írak.

-Það eru mörg vandamál sem konur búa við þegar stríðátök geisa. Þær verða viðskila við ástvini sína, verða fyrir kynferðislegu ofbeldi og aðgangur að heilsugæslu verður erfiðaðri. Erfitt reynist að halda tengslum milli fjölskyldumeðlima, segir Florence Tercier Holst-Roness, sem sér um verkefnið Konur og stríð á vegum Alþjóða Rauða krossins. -Aðstæður þessara kvenna myndu batna ef alþjóðleg mannúðarlög væru virt að fullu.

Andrúmsloftið var tilfinningaþrungið þegar fulltrúarnir lýstu reynslu sinni og lýstu skoðunum sínum á því ástandi sem nú er við lýði. Einn þátttakandi frá Bagdad lagði áherslu á það hversu mikilvægar konur í Írak hefði verið í gegnum tíðina.

Viðtal sem birtist í Rauða borðanum- tímariti Alnæmissamtakanna í desember 2006

Í ágústmánuði síðastliðnum héldu þau Ellen Kristjánsdóttir og Eyþór Gunnarsson til Malaví með fleira fólki. Tilefnið var útgáfa á diskinum Vísnabók heimsins

Þann 14. desember verður árleg skýrsla Alþjóða Rauða krossins um hamfarir í heiminum kynnt á alheimsvísu. Þetta er í fjórtánda sinn sem skýrslan kemur út, og er henni ætlað að líta með gagnrýnum augum á hvernig tekist hefur til að veita neyðaraðstoð í kjölfar hamfara.

Sérstakt þema er tekið fyrir ár hvert, og í þetta sinn er tekin fyrir neyð víða í heiminum sem fyrir einhverjar sakir nýtur lítillar eða engrar athygli ráðamanna né fjölmiðla eða jafnvel hjálparsamtaka í sumum tilfellum.

Í skýrslunni er fjallað um samspil umfjöllunar fjölmiðla og fjármögnunar neyðaraðstoðar og það mikla ójafnvægi sem þar gætir.

Svanfríður D. Karlsdóttir hefur veitt Rauða krossi Íslands leyfi til að birta á heimasíðu sinni rannsókn sem hún vann árið 2003 og var styrkt af Nýsköpunarsjóði.

Síðasti fundur heimsóknarvina deildarinnar fyrir jól var haldinn 4. desember sl.   Aðalefni fundarinns var fræðsluerindi Líneyjar Úlfarsdóttur, en hún  starfar sem sálfræðingur hjá Reykjavíkurborg. Erindi Líneyjar fjallaði um meðvirkini og var mjög fróðlegt í alla staði.

Að loknu erindinu var boðið upp á kvöldverð og  opnað  fyrir spurningar og umræður bæði um erindi Líneyjar,  sem og um verkeni heimsóknavinanna.

Gríðarleg flóð í Sómalíu hafa nú áhrif á líf hundruð þúsunda manna. Suðurhluti landsins hefur orðið verst úti og fjöldi þeirra sem þurfa á aðstoð að halda eykst sífellt í héruðunum Hiran, Shabelle, Juba og Gedo.
Nýleg þurrkatíð hefur þó gert það að verkum að vegirnir eru betri á sumum svæðum en þeir voru áður þannig að auðveldara er að dreifa hjálpargögnum á þessa staði. Veðurspár gera hins vegar ráð fyrir frekari flóðum fram í janúar.

Flóðin, sem orsakast af óvenju mikilli rigningu í október og nóvember, hafa valdið gríðarlegum skemmdum á ræktarlandi, eyðilagt mat og einangrað heilu þorpin. Á mörgum svæðum hefur fólk flúið upp á flóðgarða þar sem vatn er allt í kring og krókódílar eru á sveimi. Þetta fólk hefur ekkert húsaskjól, vatn eða mat. Frést hefur af fólki sem hefur þurft að klifra upp í tré til að flýja villt dýr.

Konur í dagvist á hjúkrunarheimilinu Sunnuhlíð afhentu Kópavogsdeild nýlega ellefu ungbarnateppi og þrjár ungbarnahúfur að gjöf. Teppin og húfurnar renna í verkefni deildarinnar sem kallast Föt sem framlag. Verkefnið felst í því að útbúnir eru fatapakkar til neyðaraðstoðar erlendis, einkum í Afríku, og eru teppi og húfa hluti þess sem er í pakkanum.

Anna Bjarnadótttir, hópstjóri sjálfboðaliða Kópavogsdeildar í Föt sem framlag, tók á móti teppunum og húfunum og fannst henni sérlega gleðilegt að konur í Sunnuhlíð gæfu þessa gjöf. Konurnar hafa líka skrifað börnunum og fjölskyldum þeirra bréf sem fylgir teppunum. Bréfinu fylgir mynd af konunum þar sem þær eru að prjóna. Fulltrúar Rauða kross Íslands ætla að gera það sem þeir geta til að bréfið berist á leiðarenda um leið og teppin.

Þann 1. desember hélt hópur heimsóknavina Árnesingadeildar Rauða krossins flóamarkað í húsnæði deildarinnar að Eyrarvegi 23 á Selfossi. Fatnaður, sem deildin fékk frá fataflokkun Rauða krossins í Hafnarfirði, var þar til sölu, ásamt ýmsu prjónalesi frá prjónahóp deildarinnar. Margir lögðu leið sina í Rauðakrosshúsið þennan dag og virðist einsýnt að þetta muni verða árvisst fyrir jólin, þar sem undirtektir voru svo jákvæðar.  

Mikið úrval var af fatnaði fyrir fólk á öllum aldri og var hægt að gera mjög góð kaup, enda verðið mjög hagstætt. Fullur plastpoki af fatnaði kostaði aðeins þúsund krónur og var fólk afar ánægt með það fyrirkomulag.

Kristín Steinsdóttir rithöfundur heimsótti hópinn Enter, unga innflytjendur á aldrinum 9-12 ára, síðastliðinn miðvikudag. Hún sagði þeim frá tveimur bókum sínum, Rissa vill ekki fljúga og Hver étur ísbirni?. Bækurnar vöktu mikla lukku, börnin hlustuðu öll af athygli og sum þeirra könnuðust við eða höfðu þegar lesið bækurnar sem Kristínu fannst gleðilegt.

Kristín sagði frá því að verið væri að þýða bækur hennar á hin ýmsu tungumál og að í framtíðinni væri gaman að geta boðið erlendum börnum á Íslandi að lesa úrval íslenskra barnabóka á móðurmáli þeirra. Judita Virbickaite, sem er ein af sjálfboðaliðunum í Enter, kemur frá Litháen og var ánægð að sjá Kristínu með litháíska útgáfu af bók sinni Engill í Vesturbænum. Hún sagði að mörg litháísk börn á Íslandi gætu haft gaman af að lesa hana á móðurmáli sínu.

Filippseyjar hafa orðið illa úti vegna fjölda fellibylja sem gengið hafa yfir eyjarnar síðustu tvo mánuði. Hafa þeir valdið gríðarlegum skemmdum á stóru svæði og 20 héruð hafa orðið fyrir þeim. Í fellibylnum Durian var vindhraðinn 190 km á klukkustund, og allt að 225 km í hviðum.

Hús hafa hreinlega skolast burt vegna aurskriða sem komu í kjölfar stórrigninga og árnar hafa hörfað undan aurskriðunum. Mikið af ræktarlandi hefur eyðilagst og vatnsveitur eru mikið skemmdar í öllum borgum og þorpum sem hafa orðið fyrir fellibyljum. Ekki er enn vitað hversu mengað drykkjarvatnið er. Margir sjómenn hafa misst lífsviðurværi sitt þar sem bátar þeirra hafi skemmst eða net þeirra glatast.

Þann 1. desember hélt hópur heimsóknavina Árnesingadeildar Rauða krossins flóamarkað í húsnæði deildarinnar að Eyrarvegi 23 á Selfossi. Fatnaður, sem deildin fékk frá fataflokkun Rauða krossins í Hafnarfirði, var þar til sölu, ásamt ýmsu prjónalesi frá prjónahóp deildarinnar. Margir lögðu leið sina í Rauðakrosshúsið þennan dag og virðist einsýnt að þetta muni verða árvisst fyrir jólin, þar sem undirtektir voru svo jákvæðar.  

Mikið úrval var af fatnaði fyrir fólk á öllum aldri og var hægt að gera mjög góð kaup, enda verðið mjög hagstætt. Fullur plastpoki af fatnaði kostaði aðeins þúsund krónur og var fólk afar ánægt með það fyrirkomulag.

Þann 1. desember hélt hópur heimsóknavina Árnesingadeildar Rauða krossins flóamarkað í húsnæði deildarinnar að Eyrarvegi 23 á Selfossi. Fatnaður, sem deildin fékk frá fataflokkun Rauða krossins í Hafnarfirði, var þar til sölu, ásamt ýmsu prjónalesi frá prjónahóp deildarinnar. Margir lögðu leið sina í Rauðakrosshúsið þennan dag og virðist einsýnt að þetta muni verða árvisst fyrir jólin, þar sem undirtektir voru svo jákvæðar.  

Mikið úrval var af fatnaði fyrir fólk á öllum aldri og var hægt að gera mjög góð kaup, enda verðið mjög hagstætt. Fullur plastpoki af fatnaði kostaði aðeins þúsund krónur og var fólk afar ánægt með það fyrirkomulag.

Sólveig Þorvaldsdóttir, sem hélt á vegum Rauða krossins til Filippseyja á mánudag er nú komin til starfa á hamfarasvæðinu. Sólveig leiðir eitt af þremur alþjóðlegum neyðarteymum Rauða krossins sem skipuleggur neyðaraðstoð til þeirra sem misstu heimili sín í kjölfar fellibylsins Durian sem gekk yfir eyjarnar fyrir viku.

Sólveig hélt til Albey í gær en þar hefur fjöldi bæja og þorpa grafist undir aurskriðum sem féllu úr eldfjallinu Mayon vegna gífurlegs vatnsveðurs sem fylgdi fellibylnum. Talið er að allt að eitt þúsund manns hafi farist í hamförunum og að um 600.000 manns þurfi á einhverri aðstoð að halda.

Umsóknir um pólitískt hæli hafa breyst og þyngri mál koma nú inn á borð Útlendingastofnunar og lögmanna.

Guðrún Helga Sigurðardóttur blaðamaður á Fréttablaðinu tók viðtal við Katrínu Theodórsdóttur lögfræðing. Birtist viðtalið í  Fréttablaðinu 23. nóvember 2006.

Sólveig Þorvaldsdóttir, sem hélt á vegum Rauða krossins til Filippseyja á mánudag er nú komin til starfa á hamfarasvæðinu. Sólveig leiðir eitt af þremur alþjóðlegum neyðarteymum Rauða krossins sem skipuleggur neyðaraðstoð til þeirra sem misstu heimili sín í kjölfar fellibylsins Durian sem gekk yfir eyjarnar fyrir viku.

Sólveig hélt til Albey í gær en þar hefur fjöldi bæja og þorpa grafist undir aurskriðum sem féllu úr eldfjallinu Mayon vegna gífurlegs vatnsveðurs sem fylgdi fellibylnum. Talið er að allt að eitt þúsund manns hafi farist í hamförunum og að um 600.000 manns þurfi á einhverri aðstoð að halda.

Stöðvarfjarðardeild Rauða kross Íslands bauð nýverið heimsóknavinum sem starfa með eldri borgurum og þeim sem áhuga hafa á að vinna við heimsóknaþjónustu upp á fyrirlestur um Sorg og sorgarviðbrögð eldri borgara. Fyrirlesari var séra Gunnlaugur Stefánsson.

Þótt stöðugt fleiri fyrirtæki stundi viðskipti á svæðum þar sem vopnuð átök standa yfir eða hafa staðið yfir er flestum fyrirtækjunum ekki kunnugt um skyldur sínar og réttindi samkvæmt alþjóðlegum mannúðarlögum.

Einn duglegasti hópur sjálfboðaliða eru yngstu börnin sem standa fyrir tombólusölum til styrktar Rauða krossinum. Á þessu ári voru það 400 börn sem færðu Rauða krossinum hagnað tombólusölu, flöskusöfnunar eða annarra safnana að fjárhæð 600 þúsund krónum.

Undanfarin ár hefur Ungmennadeild Reykjavíkurdeildar staðið fyrir bíósýningu í viðurkenningarskyni og Laugarásbíó gaf eins og áður eina sýningu. Að þessu sinni var það myndin Ástríkur og víkingarnir. Sýningin var á degi sjálfboðaliðans þann 5. desember og fjölmenntu krakkarnir í bíó. Mátti heyra hlátrasköll í salnum á meðan á myndinni stóð og að henni lokinni voru húrra hróp og lófaklapp.

Laugardaginn 2. desember var hópur sjálfboðaliða hjá Akranesdeild Rauða krossins með þátt í útvarpi Akranes. Það var Sundfélag Akraness sem stóð að útvarpsútsendingum fyrstu helgina í desember, og hefur þetta verið liður í fjáröflun félagsins undanfarin átján ár. Á Akranesi hafa skapast hefðir í kringum þessar útsendingar og hlustun er mikil.

Í þætti sjálfboðaliðanna var fjallað um Henry Dunant og upphaf Rauða krossins, markmiðunum sjö gerð skil og sagt frá fjölbreyttum verkefnum sem framundan eru á aðventunni hjá Akranesdeildinni. Einnig voru lesin ljóð og fluttur pistill um hvernig hver og einn getur lagt sitt af mörkum til þess að byggja betra samfélag, en sjálfboðaliðahópurinn hefur verið að skipuleggja ýmis verkefni á Akranesi undir kjörorðunum Byggjum betra samfélag.

Stöðvarfjarðardeild Rauða kross Íslands bauð nýverið heimsóknavinum sem starfa með eldri borgurum og þeim sem áhuga hafa á að vinna við heimsóknaþjónustu upp á fyrirlestur um Sorg og sorgarviðbrögð eldri borgara. Fyrirlesari var séra Gunnlaugur Stefánsson.

Stöðvarfjarðardeild Rauða kross Íslands bauð nýverið heimsóknavinum sem starfa með eldri borgurum og þeim sem áhuga hafa á að vinna við heimsóknaþjónustu upp á fyrirlestur um Sorg og sorgarviðbrögð eldri borgara. Fyrirlesari var séra Gunnlaugur Stefánsson.

Húsfyllir var á opnu húsi Kópavogsdeildar á alþjóðadegi sjálfboðaliðans. Sjálfboðaliðar deildarinnar úr fjölbreyttum verkefnum komu saman ásamt mörgum góðum gestum. Skemmtiatriðin vöktu mikla lukku og jólalega veitingar runnu ljúflega niður.

Einar Már Guðmundsson rithöfundur flutti valin ljóð úr nýútkominni ljóðabók sinni Ég stytti mér leið framhjá dauðanum. Einar Már svaraði síðan fyrirspurnum áheyrenda. Hann sagði að sjálfsagt mætti líkja starfi Rauða krossins að einhverju leyti við þá sýn í nokkrum ljóðanna að þegar maður er kominn í öngstræti birtir til að nýju.

Nýtt tvíeyki á tónlistarsviðinu, Elísabet Eyþórsdóttir söngkona og Börkur Hrafn Birgisson gítarleikari, braut upp upplesturinn með því að flytja nokkur ljúf lög af geisladisknum Þriðja leiðin en lögin samdi Börkur Hrafn við ljóð Einars Más.

Hjá deildum Rauða krossins á Suðurlandi og Suðurnesjum er í gangi sérstakt átak til að efla starfsemi heimsóknarvina. Þetta er gert með kynningu á verkefninu, bæði meðal sjálfboðaliða og annarra félagsmanna Rauða kross deilda og einnig meðal annarra félagasamtaka og almennings. Haldnir hafa verið kynningarfundir og hefur þátttaka og undirtektir verið góðar. 

Þann 22. nóvember var kynning í Vík í Mýrdal og var þátttaka góð, þrátt fyrir leiðinlegt vetrarveður og erfiða færð. Tveir sjálfboðaliðar, annar frá Árnesingadeild og hinn frá Rangárvallasýsludeild, sögðu frá reynslu sinni af því að vera heimsóknarvinir. Fundarmenn sýndu málefninu áhuga og sköpuðust ágætar umræður og í kjölfar kynningarinnar verður stefnt að námskeiði fyrir heimsóknarvini.

Hjá deildum Rauða krossins á Suðurlandi og Suðurnesjum er í gangi sérstakt átak til að efla starfsemi heimsóknarvina. Þetta er gert með kynningu á verkefninu, bæði meðal sjálfboðaliða og annarra félagsmanna Rauða kross deilda og einnig meðal annarra félagasamtaka og almennings. Haldnir hafa verið kynningarfundir og hefur þátttaka og undirtektir verið góðar. 

Þann 22. nóvember var kynning í Vík í Mýrdal og var þátttaka góð, þrátt fyrir leiðinlegt vetrarveður og erfiða færð. Tveir sjálfboðaliðar, annar frá Árnesingadeild og hinn frá Rangárvallasýsludeild, sögðu frá reynslu sinni af því að vera heimsóknarvinir. Fundarmenn sýndu málefninu áhuga og sköpuðust ágætar umræður og í kjölfar kynningarinnar verður stefnt að námskeiði fyrir heimsóknarvini.

Á hverjum degi sýna milljónir sjálfboðaliða og sanna að þrátt fyrir  fátækt og hatur og sinnuleysi og öll torleyst vandamál heimsins, þá geta einstaklingar breytt heiminum til batnaðar. 

Í smáu jafnt sem stóru hafa sjálfboðaliðar breytt samfélögum sínum og heiminum öllum. Og á þessum tímum þar sem vandamál virða ekki landamæri, hvort heldur sem er, HIV/Alnæmi, alþjóðlegt mansal eða smygl, eru sjálfboðaliðar svar grasrótarinnar við brýnustu vandamálum mannkynsins. 

Það var að venju kátt á hjalla hjá sjálfboðaliðum deildarinnar sem lestuðu fatagám og innrömmuðu batikmyndir í sl. viku. Í tilefni af komandi aðventu var boðið upp á kiparkökur, kakó og jólaöl og var mæting það góð að skipt var liði þannig að hluti hópsins tók til við að ramma inn myndir á meðan aðrir lestuðu gám. 

Kópavogsdeild fagnar í dag alþjóðlegum degi sjálfboðaliðans sem er tileinkaður þeim fjölmörgu einstaklingum sem vinna sjálfboðið starf í þágu annarra.

„Það er ánægjulegt að segja frá því nú á alþjóðadegi sjálfboðaliðans að fjöldi sjálfboðaliða Kópavogsdeildar hefur um það bil þrefaldast á síðastliðnum þremur árum“, segja þau Garðar H. Guðjónsson, formaður Kópavogsdeildar, og Fanney Karlsdóttir, framkvæmdastjóri deildarinnar, í eftirfarandi grein sem birtist í Morgunblaðinu í tilefni dagsins. Í greininni er fjallað um vaxandi þátttöku í sjálfboðnu Rauða kross starfi.

Ungt fólk gefur af sér í sjálfboðnu starfi

Kópavogsdeild Rauða krossins hefur á undanförnum árum beint kröftum sínum að því að efla sjálfboðið starf á vegum deildarinnar, styrkja rótgróin verkefni og hefja ný. Við stóðum frammi fyrir þeirri staðreynd fyrir fáeinum árum að sáralítil endurnýjun hafði orðið í hópi sjálfboðaliðanna um nokkurt árabil og meðalaldur þeirra var orðinn allhár.
Okkur þótti því tímabært að blása til sóknar og freista þess að auka verulega nýliðun í hópi sjálfboðaliðanna. Það var að hluta til takmark í sjálfu sér að fjölga sjálfboðaliðum en fyrst og fremst kölluðu aðkallandi verkefni eftir fjölgun sjálfboðaliða.

Sólveig Þorvaldsdóttir heldur til Filippseyja í dag til neyðarstarfa á vegum Rauða krossins vegna fellibylsins Durians sem gekk yfir landið aðfaranótt föstudagsins 30. nóvember. Óttast er að allt að eitt þúsund manns hafi farist þegar aurskriður féllu á fjölda bæja í kjölfar úrfellis sem fylgdi fellibylnum. Talið er að um 40.000 manns hafi misst heimili sín þegar veðurofsinn gekk yfir miðbik eyjaklasans.

Sólveig er ein af níu manna neyðarteymi Alþjóðasambands Rauða krossins sem heldur utan í dag til að aðstoða filippseyska Rauða krossinn við neyðaraðstoð. Sjálfboðaliðar Rauða krossins hafa verið að störfum á hamfarasvæðunum frá því að hörmungarnar gengu yfir, og hafa þrjú neyðarteymi filippseyska Rauða krossins þegar hafið dreifingu hjálpargagna til íbúa á svæðinu.

Sólveig Þorvaldsdóttir heldur til Filippseyja í dag til neyðarstarfa á vegum Rauða krossins vegna fellibylsins Durians sem gekk yfir landið aðfaranótt föstudagsins 30. nóvember. Óttast er að allt að eitt þúsund manns hafi farist þegar aurskriður féllu á fjölda bæja í kjölfar úrfellis sem fylgdi fellibylnum. Talið er að um 40.000 manns hafi misst heimili sín þegar veðurofsinn gekk yfir miðbik eyjaklasans.

Sólveig er ein af níu manna neyðarteymi Alþjóðasambands Rauða krossins sem heldur utan í dag til að aðstoða filippseyska Rauða krossinn við neyðaraðstoð. Sjálfboðaliðar Rauða krossins hafa verið að störfum á hamfarasvæðunum frá því að hörmungarnar gengu yfir, og hafa þrjú neyðarteymi filippseyska Rauða krossins þegar hafið dreifingu hjálpargagna til íbúa á svæðinu.

Sólveig Þorvaldsdóttir heldur til Filippseyja í dag til neyðarstarfa á vegum Rauða krossins vegna fellibylsins Durians sem gekk yfir landið aðfaranótt föstudagsins 30. nóvember. Óttast er að allt að eitt þúsund manns hafi farist þegar aurskriður féllu á fjölda bæja í kjölfar úrfellis sem fylgdi fellibylnum. Talið er að um 40.000 manns hafi misst heimili sín þegar veðurofsinn gekk yfir miðbik eyjaklasans.

Sólveig er ein af níu manna neyðarteymi Alþjóðasambands Rauða krossins sem heldur utan í dag til að aðstoða filippseyska Rauða krossinn við neyðaraðstoð. Sjálfboðaliðar Rauða krossins hafa verið að störfum á hamfarasvæðunum frá því að hörmungarnar gengu yfir, og hafa þrjú neyðarteymi filippseyska Rauða krossins þegar hafið dreifingu hjálpargagna til íbúa á svæðinu.

Í tilefni alþjóðadags sjálfboðaliðans, þriðjudaginn 5. desember, verður opið hús í sjálfboðamiðstöð Kópavogsdeildar Rauða krossins kl. 19.30-21.00 að Hamraborg 11. Sjálfboðaliðar deildarinnar eru hvattir til að fjölmenna ásamt vinum og ættingjum. Auk þess eru allir velkomnir sem vilja kynna sér starf deildarinnar og skemmta sér í tilefni dagsins. Boðið verður upp á skemmtiatriði og ljúffengar veitingar með jólalegu ívafi.

Dagskrá:
•  Einar Már Guðmundsson rithöfundur les brot úr bókum sínum og ljóð úr nýútkominni ljóðabók sinni Ég stytti mér leið framhjá dauðanum.
•  Börkur Hrafn Birgisson gítarleikari og Elísabet Eyþórsdóttir söngkona flytja lög af nýja geisladisknum Þriðja leiðin.
•  Eldhugar Kópavogsdeildar Rauða krossins flytja frumsaminn leikþátt um mikilvægi vináttu og virðingar í samfélaginu.
•  Nemendur Ólafar Kolbrúnar Harðardóttur söngkonu flytja nokkur lög.

Rauði kross Íslands hlaut í dag tveggja milljóna króna styrk frá Góða hirðinum sem ætlað er að nýta í verkefnið Framtíð í nýju landi (FÍNL). Tilgangur þess er að aðstoða víetnömsk ungmenni á aldrinum 15-25 ára við að afla sér menntunar og ná markmiðum sínum. Um er að ræða þriggja ára þróunarverkefni og er lokaárið að hefjast. Við lok þess verður til fyrirmynd sem mun nýtast öðrum hópum innflytjenda og auðvelda þeim aðlögun að íslensku samfélagi. Helga G. Halldórsdóttir, sviðsstjóri innanlandssviðs Rauða krossins, tók við styrknum fyrir hönd félagsins.

Auk Rauða krossins hlutu eftirtalin samtök styrk við þetta sama tilefni: Hjálparstarf kirkjunnar, Umhyggja, Bandalag kvenna, Hjálpræðisherinn, Mæðrastyrksnefnd Reykjavíkur, Mæðrastyrksnefnd Kópavogs og Mæðrastyrksnefnd Hafnarfjarðar. Samtals voru þetta 10 milljónir króna og eru þær ágóði af rekstri Góða hirðisins á árinu.

Einu sinni í viku sér sjálfboðaliði Kópavogsdeildar Rauða krossins um að bjóða gestum í Dvöl í kínverska leikfimi. Sjálfboðaliðinn, Guðbjörg Sveinsdóttir, hefur staðið fyrir leikfimi í Dvöl undanfarin ár og sér auk þess um að leiðbeina gestum í handavinnu í beinu kjölfari af leikfiminni. Framtak Guðbjargar er svo sannarlega vel metið af gestum athvarfsins. Leikfimin er stunduð utanhúss þegar veður leyfir enda eykur það á frískleikann. Þess má geta að systir Guðbjargar er einnig sjálfboðaliði í Dvöl því hún býður gestum í nudd.

Sjálfboðaliðar í Dvöl koma víða að og þessa dagana eru þeirra á meðal Maria frá Grikklandi, Temitope frá Nígeríu og Romuald frá Frakklandi. Þau eru öll á Íslandi á vegum Alþjóðlegra ungmennaskipta. Mynd af þeim fylgir hér fyrir neðan.

Eldhugar Kópavogsdeildar heimsóttu í síðustu viku jafnaldra sína í Hafnarfjarðardeild Rauða krossins sem hittast þar á sama tíma vikulega. Hafnfirðingarnir tóku vel á móti hópnum og buðu upp á myndasýningu. Sýndar voru þrjár stuttmyndir sem unglingar í starfi Gamla bókasafnsins í Hafnarfirði gerðu síðastliðið sumar. Í myndunum er á gamansaman hátt fjallað um fordóma og mismunun í nútíma samfélagi. Myndirnar vöktu mikla athygli og þóttu hin besta skemmtun þrátt fyrir að umfjöllunarefnið hefði alvarlegan undirtón.

Ungmennin fengu svo tíma til að kynnast betur og áður en þau vissu af var rútan mætt til að aka Eldhugum aftur í heimahagana. Eldhugar þakka fyrir góðar móttökur og hafa fullan hug á að bjóða Hafnfirðingunum í heimsókn til sín eftir áramót.

Eldhugar hafa í þessari viku æft leikþætti sem sýndir verða á opnu húsi í sjálfboðamiðstöðinni Hamraborg 11 á alþjóðadegi sjálfboðaliðans 5. desember.