Hafnarfjarðardeild Rauða krossins tók við framlagi leikskólans Norðurbergs til styrktar bágstöddum börnum í Malaví. Með því að vera dugleg og týna dósir í labbitúrum ásamt því að fá dósir að heiman náðu krakkarnir að safna 10.230.- krónum.

Malavi er í suðurhluta Afríku og er meðal fátækustu landa í heimi. Mörg börn eiga enga foreldra og í bænum Nkalo eru rúmlega 4.000 börn sem Rauði kross Íslands hjálpar á ýmsan hátt svo þau geti haldið áfram í skóla. Byggð hafa verið þrjú athvörf og verða peningarnir notaðir til að kaupa borð og stóla, leikföng og skóladót.

Í vikunni fyrir jól var sjálfboðaliðum Hveragerðisdeildar boðið til kaffisamsætis í húsnæði deildarinnar að Austurmörk 7 í Hveragerði. Mikil hátíðarstemming ríkti, enda búið að skreyta húsið og leggja fallega á jólaborð fyrir gestina. Sjálfboðaliðar á öllum aldri áttu skemmtilega stund saman.

Um leið og Eyrún Sigurðardóttir varaformaður deildarinnar bauð gesti velkomna þakkaði hún þeim fyrir þeirra frábæra og óeigingjarna starf sem unnið er í nafni Rauða krossins. Síðan var lesið skemmtilegt ljóð um Blómabæinn Hveragerði og lesin stutt saga. 

Nú, þegar þrjú ár eru liðin frá flóðbylgjunni hrikalegu í Indlandshafi, hefur Alþjóða Rauði krossinn stutt þúsundir samfélaga við Bengalflóa í að taka mikilvæg skref á vegferð þeirra til bata.

Samkvæmt þriggja ára skýrslu Alþjóða Rauða krossins, þar sem teknar eru saman aðgerðir meira en þrjátíu landsfélaga Rauða krossins og Rauða hálfmánans, hafa hjálpargögn og aðstoð við uppbyggingu náð til 3.873.000 manns í tíu löndum.

Aðstoð Rauða kross Íslands, sem fer að langmestu leyti í gegnum Alþjóða Rauða krossinn, heldur áfram í samstarfi við Rauða kross félögin á svæðinu. Heildarframlög Rauða kross Íslands til verkefna vegna flóðbylgjunnar námu samtals rúmlega 150 milljónum íslenskra króna.

Alþjóða Rauði krossinn gerir ráð fyrir að klára endurreisn að mestu í lok árs 2009. Hægt er að hlaða niður þriggja ára skýrslu Alþjóða Rauða krossins á slóðinni www.ifrc.org/tsunami

Hjá Hveragerðisdeild tók á haustdögum til starfa prjóna- og saumahópur í húsnæði deildarinnar. Hópurinn hittist einu sinni í viku, á fimmtudögum, klukkan 13:00 – 16:00. Strax í fyrstu viku komu nokkrar konur saman til að sauma og prjóna til góðra verka og um leið og þetta spurðist út fjölgaði í hópnum.

Verkefnin eru tvíþætt. Annars vegar eru framleiddar prjónavörur sem seldar eru til styrktar hjálparstarfi. Hinsvegar eru útbúnir fatapakkar fyrir ungabörn 0-1 árs samkvæmt fyrirfram ákveðinni uppskrift verkefnisins „Föt sem framlag”.  Ungbarnapakkarnir verða sendir til vinadeildar Rauða krossins í  Lower River í Gambíu, þar sem þeim verður dreift í samstarfi við heilsugæsluna til ungra fátækra mæðra.

Bæjaryfirvöld á Akranesi veittu Rauða krossinum styrk að upphæð hundrað og fimmtíu þúsund krónur til verkefna í Gambíu. Styrkurinn er þannig til kominn að í stað þess að senda út jólakort til viðskiptavina Akraneskaupstaðar var ákveðið að veita þeim fjármunum sem til þess hefði verið kostað í verðugt mannúðarverkefni.

Deildir á Vesturlandi hafa um árabil átt í vinadeildarsamstarfi við Rauða kross deildina í Western Region í Gambíu. Íslensku deildirnar styðja systurdeild sína á ýmsan hátt, m.a. með þjálfun sjálfboðaliða sem veita fólki á svæðinu fjölbreytta aðstoð. Um fimm þúsund flóttamenn frá Senegal hafa flúið til vesturhluta Gambíu og njóta þeir liðsinnis sjálfboðaliða Rauða krossins. Einnig er áhersla lögð á að aðstoða þá sem missa hús sín í bruna eða flóðum sem eru tíð í Gambíu.

Bæjaryfirvöld á Akranesi veittu Rauða krossinum styrk að upphæð hundrað og fimmtíu þúsund krónur til verkefna í Gambíu. Styrkurinn er þannig til kominn að í stað þess að senda út jólakort til viðskiptavina Akraneskaupstaðar var ákveðið að veita þeim fjármunum sem til þess hefði verið kostað í verðugt mannúðarverkefni.

Deildir á Vesturlandi hafa um árabil átt í vinadeildarsamstarfi við Rauða kross deildina í Western Region í Gambíu. Íslensku deildirnar styðja systurdeild sína á ýmsan hátt, m.a. með þjálfun sjálfboðaliða sem veita fólki á svæðinu fjölbreytta aðstoð. Um fimm þúsund flóttamenn frá Senegal hafa flúið til vesturhluta Gambíu og njóta þeir liðsinnis sjálfboðaliða Rauða krossins. Einnig er áhersla lögð á að aðstoða þá sem missa hús sín í bruna eða flóðum sem eru tíð í Gambíu.

Krakkarnir í Eldhugum sömdu ljóð á dögunum eins og fram hefur komið á þessari síðu og hér fyrir neðan kemur annað sköpunarverk Eldhuga í tilefni þess að jólin eru á næsta leyti.

Jólin eru bæði fyrir svarta og hvíta
Og þá á enginn að vera að kýta
Þá ríkir ást og friður
Eins og jólanna er siður
Hvíti jólasnjórinn fellur til jarðar
Alla leið frá Kópavogi til Ísafjarðar
Stjarna skær á himni skín
Og allir fara í jólafötin sín
Öllum líður vel
Og dagana til jóla ég tel
Þá borða allir saman
Og hafa mjög gaman
              
               -Eydís Eldhugi

Hrókurinn og Skákfélag Vinjar héldu árlegt jólamót á mánudaginn. 10 manns mættu og var mótið býsna sterkt enda glæsilegir vinningar í boði frá bóka- og tónlistarútgáfunni SÖGUR.
 
Tefldar voru fimm umferðir og var umhugsunartími sjö mínútur. Talsverð spenna lá í loftinu enda mönnum meinilla við að tapa, eins og gengur. Að loknum þremur umferðum var gerð kaffipása, enda bornar í keppnisfólkið smákökur og jólailmurinn sveif um í stofunni.
 
Fyrir mót var ákveðið að verðlaunapeninga fengju þeir sem voru með undir 2000 elo stigum, þar sem von var á nokkrum fræknum kempum sem eiga fullt af medalíum. Flestir forfölluðust vegna mikillar vinnu eða hinnar alræmdu desemberflensu. Stórmeistarinn Henrik Danielsen, sem er einn þeirra sem hafa verið með æfingar í Vin undanfarin ár, keppti því sem heiðursgestur og hafði hann að lokum sigur í öllum sínum skákum en fékk þó veglega mótspyrnu.

Hjá Hveragerðisdeild tók á haustdögum til starfa prjóna- og saumahópur í húsnæði deildarinnar. Hópurinn hittist einu sinni í viku, á fimmtudögum, klukkan 13:00 – 16:00. Strax í fyrstu viku komu nokkrar konur saman til að sauma og prjóna til góðra verka og um leið og þetta spurðist út fjölgaði í hópnum.

Verkefnin eru tvíþætt. Annars vegar eru framleiddar prjónavörur sem seldar eru til styrktar hjálparstarfi. Hinsvegar eru útbúnir fatapakkar fyrir ungabörn 0-1 árs samkvæmt fyrirfram ákveðinni uppskrift verkefnisins „Föt sem framlag”.  Ungbarnapakkarnir verða sendir til vinadeildar Rauða krossins í  Lower River í Gambíu, þar sem þeim verður dreift í samstarfi við heilsugæsluna til ungra fátækra mæðra.

Rauði krossinn fagnar því að ríkari þjóðir heims skuli ætla að stofna sérstakan sjóð til að auðvelda þróunarríkjum að aðlagast lofslagsbreytingum. Stofnun sjóðsins var samþykkt á loftslagsþinginu í Balí nú um helgina.

 

Á Alþjóðaráðstefnu Rauða krossins í lok nóvember sem sótt var af 192 ríkisstjórnum og 186 landfélögum Rauða krossins og Rauða hálfmánans var skorað á þátttakendur í loftslagsþinginu í Balí um að auka aðstoð við fátækar þjóðir sem þurfa að takast á við æ fleiri náttúruhamfarir sem afleiðingar loftslagsbreytinga.

Í lok síðasta mánaðar kvaddi Björk Guðmundsdóttir gesti og starfsfólk Dvalar en Björk hefur gengt stöðu forstöðumanns frá því í byrjun febrúar 2005.  Í hennar stað hefur verið ráðin Ingibjörg Hrönn Ingimarsdóttir.

Starfsemi Dvalar hefur dafnað vel frá opnun og aðsóknin verið góð og hefur Björk átt stóran hlut í velgengni athvarfsins. Gestir eru sammála um að notalegt andrúmsloft og vistlegt umhverfi einkenni athvarfið. Þeir einstaklingar sem sækja athvarfið koma flestir til að rjúfa einangrun og fá stuðning en þetta er mjög breiður hópur á aldrinum 20 til 70 ára. Bæði konur og karlar sækja athvarfið. Athvarfið er opið alla virka daga kl. 9-16 nema á fimmtudögum en þá er opið kl. 10-16 og kl. 13-16 á laugardögum.

Í gær veittu bæjaryfirvöld á Akranesi Rauða krossinum styrk að upphæð hundrað og fimmtíu þúsund krónur til verkefna í Gambíu. Styrkurinn er þannig til kominn að í stað þess að senda út jólakort til viðskiptavina Akraneskaupstaðar var ákveðið að veita þeim fjármunum sem til þess hefði verið kostað í verðugt mannúðarverkefni.

Deildir á Vesturlandi hafa um árabil átt í vinadeildarsamstarfi við Rauða kross deildina í Western Region í Gambíu. Íslensku deildirnar styðja systurdeild sína á ýmsan hátt, m.a. með þjálfun sjálfboðaliða sem veita fólki á svæðinu fjölbreytta aðstoð. Um fimm þúsund flóttamenn frá Senegal hafa flúið til vesturhluta Gambíu og njóta þeir liðsinnis sjálfboðaliða Rauða krossins.. Einnig er áhersla lögð á að aðstoða þá sem missa hús sín í bruna eða flóðum sem eru tíð í Gambíu.

Alþjóðaráð Rauða krossins hefur gefið út neyðarbeiðni fyrir árið 2008 þar sem óskað er eftir rúmum milljarði svissneskra franka (um það bil 55 milljörðum íslenskra króna) til að fjármagna mannúðarstarf félagsins í 80 löndum.

„Vopnuð átök eiga sér stað um allan heim og það er mikilvægara en nokkru sinni að Alþjóðaráð Rauða krossins bregðist við þeim mannúðarvanda sem af því hlýst. Stundum skapast alvarlegt neyðarástand mjög skyndilega og þá þarf að taka á því tafarlaust. Víða ríkir einnig langvarandi mannúðarvandi af völdum ófriðar og þar er þörf fyrir hjálparstarf til lengri tíma,“ sagði Jakob Kellenberger formaður Alþjóðaráðsins þegar árleg neyðarbeiðni félagsins var birt styrktaraðilum í Genf. „Hlutleysi og sjálfstæði Alþjóða Rauða krossins gerir okkur mögulegt að ná til þeirra sem þurfa á vernd og hjálp að halda á átakasvæðum.“

Landsfélög Rauði krossins og Rauði hálfmánans um allan heim fordæma morðið á sjálfboðaliða Rauða krossins í Sri Lanka þann 14. desember síðastliðinn.  Sooriyakanthy Thavarajah var sjálfboðaliði í deild Rauða krossins í Jaffna í norðurhluta landsins. Hann var numinn á brott af heimili sínu á föstudaginn var. Lík hans fannst í gær, sunnudag.  Ekki er vitað hverjir voru að verki.

Thavarajah hafði unnið fyrir Rauða krossinn í Sri Lanka í fjöldamörg ár. Árið 2005 hlaut hann sjálfboðaliðaviðurkenningu landsfélags síns fyrir óeigingjörn störf í þágu fórnarlamba flóðbylgjunnar miklu

Rauði krossinn hefur bætt nýjum kafla við vef-fræðsluefnið „Ef bara ég hefði vitað”. Kaflinn heitir Ungar mæður og tekur á ýmsum málum sem varða kynlíf unglinga.

Á unglingsárunum verða margar líkamlegar, félagslegar og andlegar breytingar. Unglingurinn byrjar til dæmis að þroskast sem kynvera og kynferðislegar langanir vakna. Margir unglingar eru óöruggir þegar kemur að kynlífi, t.d. hvernig þeir eiga að fara að því að koma í veg fyrir þungun og smit af völdum kynsjúkdóma. Oft er það svo að unglingum finnst að ekkert geti komið fyrir þá.

„Ef bara ég hefði vitað” er fræðsluefni sem fjallar um hvernig maður getur hjálpað sjálfum sér, og öðrum, þegar maður upplifir alvarlega atburði. Með alvarlegum atburðum er átt við t.d. skilnað, dauðsfall, umferðarslys, alvarlega ólæknandi sjúkdóma, þunglyndi, ástarsorg og einelti.

Á sunnudaginn var seinni móttökudagur vegna jólagjafasöfnunar í þágu bágstaddra barna á Akranesi og í Hvalfjarðarsveit.

Þetta er í annað sinn sem Rauði krossinn á Akranesi efnir til söfnunar af  þessu tagi, en verkefnið er unnið í samvinnu við félagsþjónustu Akraneskaupstaðar og Hvalfjarðarsveitar.  Á síðasta ári fengu 84 börn á Vesturlandi jólagjafir og töluvert magn sem afgangs varð eftir úthlutun á vegum Mæðrastyrksnefndar og Hjálparstarfs kirkjunnar í Reykjavík.

Mikill fjölda gjafa hefur safnast  undir tréð í Rauða kross húsinu enda stefnan tekin á að ekkert barn verði útundan um jólin í okkar samfélagi.

Á sunnudaginn var seinni móttökudagur vegna jólagjafasöfnunar í þágu bágstaddra barna á Akranesi og í Hvalfjarðarsveit.

Þetta er í annað sinn sem Rauði krossinn á Akranesi efnir til söfnunar af  þessu tagi, en verkefnið er unnið í samvinnu við félagsþjónustu Akraneskaupstaðar og Hvalfjarðarsveitar.  Á síðasta ári fengu 84 börn á Vesturlandi jólagjafir og töluvert magn sem afgangs varð eftir úthlutun á vegum Mæðrastyrksnefndar og Hjálparstarfs kirkjunnar í Reykjavík.

Mikill fjölda gjafa hefur safnast  undir tréð í Rauða kross húsinu enda stefnan tekin á að ekkert barn verði útundan um jólin í okkar samfélagi.

Lífsskilyrði íbúa á herteknu svæðunum í Palestínu hafa versnað mikið á undanförnum misserum vegna takmarkana á ferðafrelsi og vöruinnflutningi. Alþjóða Rauði krossinn hefur lýst yfir sérstökum áhyggjum vegna þeirra erfiðleika sem almenningur býr við af þessum sökum.

„Aðgerðir Ísraelsmanna hafa gríðarleg áhrif á lífskjör Palestínumanna. Almenningur hefur ekki nóg til að geta lifað af því sómasamlega," sagði Béatrice Mégevand Roggo sem hefur yfirumsjón með aðgerðum Alþjóða Rauða krossins í Mið-Austurlöndum og Norður-Afríku. „Þjáningar almennings fara stöðugt vaxandi vegna átaka milli Ísraelshers og stríðandi fylkinga Palestínumanna. Innbyrðis ófriður meðal Palestínumanna gera ástandið enn verra. Það er fyrst og fremst almenningur í Palestínu sem þjáist af þessum sökum."

Á miðvikudögum er opið fram á kvöld í Vin, athvarfi Rauða krossins fyrir fólk með geðraskanir. Þá er eitthvað skemmtilegt í gangi og nú fyrir jól, sem og reyndar fyrri jól, er rithöfundum boðið að lesa upp úr nýjum bókum sínum og í léttan mat á eftir.

Meðal þeirra sem þegið hafa boðið eru þau Vigdís Grímsdóttir og Valur Gunnarsson. Stofan var full af fólki þar sem jólatréð glitraði og kertaljós lýstu upp í rökkrinu þannig að samkoman var virkilega hátíðleg.

Vigdís reið á vaðið með lestri úr bók sinni „Bíbí" og fórst það vel. Byrjaði með léttum hugleiðingum og sannaði hve mikil sögumanneskja hún er. Valur, sem starfað hefur sem blaðamaður undanfarin ár og var nú að senda frá sér sína fyrstu skáldsögu, „konung norðursins" kynnti fyrir hlustendum heim lappanna í Finnlandi, en í sögu hans fléttast fornir heimar saman við þá nýju. Já, nútíminn mætir goðsögnum og galdri í ævintýrinu hans Ilkka Hampurilainen.

Rauða kross deildir á Austurlandi stóðu fyrir fatamarkaði á Egilsstöðum dagana 8. og 9. desember.

Ágóðinn af sölunni rennur til styrktar fólki sem smitað er af alnæmi í Suður-Afríku en Rauði krossinn á Austurlandi er í vinadeildarsamstarfi við deild í Western-Cape í Suður-Afríku. Fjöldi sjálfboðaliða tók þátt í fatamarkaðnum og gekk salan vel.

Á Alþjóðadegi sjálfboðaliða þann 5. desember sl. var sjálfboðaliðum  boðið að hittast í húsnæði deildarinnar. Sjálfboðaliðar úr ýmsum verkefnum streymdu í hús  og var öllum boðið upp á hangikjöt í tilefni dagsins.
Vinadeildarhópur reið á vaðið kvöldið áður, en í hádeginu komu sjálfboðaliðar úr ýmsum verkefnum. Um kvöldið var síðan samvera heimsóknarvina og að lokum hittist stjórnarfólk og starfsfólk  á fimmtudeginum.

 

Í gær var síðasti tíminn hjá Enter-krökkunum í sjálfboðamiðstöðinni fyrir jól. Það voru hin svokölluðu “litlu jól” hjá krökkunum og fengu þau jólasmákökur og hlustuðu á jólatónlist í tilefni dagsins. Föndruðu þau líka ýmislegt, klipptu út stjörnur og hjörtu ásamt því að teikna. Þau fengu einnig hundinn Leó í heimsókn en Leó vekur gjarnan mikla lukku hjá krökkunum þegar hann heimsækir þá. Hann mætti með jólatrefil og fengu krakkarnir að klappa honum og knúsa.

Í gær kom hópur sjálfboðaliða saman í húsnæði Skagaleikflokksins, þar sem úthlutun Mæðrastyrksnefndar fer fram í desember á ári hverju til að undirbúa matarúthlutun sem verður á morgun, föstudaginn 14. desember. Þá verða sjálfboðaliðarnir til taks við úthlutunina sjálfa og hluti þeirra verður í útkeyrslu. Margir þeirra sem þiggja aðstoð eru aldraðir og öryrkjar sem eiga erfitt með að sækja matinn sjálfir. Þá eiga ekki allir bíl og þar sem sendingin er vel útilátin, þökk sé örlæti þeirra fjölmörgu aðila sem styrkja mæðrastyrksnefnd með framlagi, er ómögulegt annað en keyra pokana heim.

Reiknað er með að um 80 fjölskyldur  af öllum stærðum og gerðum leiti til Mæðrastyrksnefndar á Akranesi í  ár. Í gær höfðu borist ríflega fimmtíu umsóknir, en reynslan sýnir að margir leggja ekki inn umsókn heldur mæta óboðaðir  á úthlutunardaginn

Í dag verður árleg skýrsla Alþjóða Rauða krossins um hamfarir í heiminum kynnt á heimsvísu. Þetta er í fimmtánda sinn sem skýrslan kemur út, og er henni ætlað að skoða með gagnrýnum augum á hvernig tekist hefur til að veita neyðaraðstoð í kjölfar hamfara.

Sérstakt þema er tekið fyrir ár hvert, og í þetta sinn er tekin fyrir mismunun í neyðarstarfi. Þar er litið til þess hvaða hópar verða helst útundan í slíku starfi og hvers vegna, hvaða áhrif slík mismunun hefur og hvernig fórnarlömbin verða því berskjaldaðri fyrir afleiðingum hamfara

Rauði hálfmáninn í Alsír tók strax virkan þátt í björgunarstörfum eftir að tvær sprengjur sprungu í miðborg Algeirsborgar í gær. Önnur sprengjan féll á skólabíl en hin við skrifstofu Flóttamannastofnunar Sameinuðu þjóðanna í Hydra hverfi þar sem skrifstofur sendiráða og fjármálaráðuneytið eru staðsett. Fréttir herma að um 26 manns hafi látist. Sprengingin olli miklum skemmdum á byggingu Flóttamannastofnunar og starfsfólk stofnunarinnar er meðal þeirra sem létust. Sprengingarnar eru taldar tengjast Al Kaída hryðjuverkamönnum.

Á annað hundrað sjálfboðaliðar Rauða hálfmánans frá nærliggjandi stöðum fóru á vettvang og hjálpuðu við leitar- og björgunaraðgerðir. Settar voru upp neyðarstöðvar þar sem veitt er skyndihjálp. Sjálfboðaliðar eru einnig til staðar á vettvangi og á sjúkrahúsum þar sem þeir sinna sálrænum stuðningi og flutningi á slösuðum með sjúkrabílum Rauða hálfmánans.

Hópur sjálfboðaliða á Akranesi kom saman seinni partinn í gær til þess að föndra jólakort sem send verða þeim sem búa við einsemd og einangrun fyrir jólin. Kortin eru öll unnin úr myndum af mjólkurfernum, servíettum eða gömlum jólakortum. Sumir teiknuðu líka fallega mynd á krotin. Það má því segja að jólkortin í ár hjá Rauða krossinum á Akranesi séu endurunnin og umhverfisvæn.

Þetta var ákaflega notaleg samverustund, boðið var upp á kaffi og piparkökur, jólalögin ómuðu og allir lögðu sig fram við að búa til falleg kort sem gleðja.

Þessar duglegu stelpur héldu tombólu fyrir Rauða kross Íslands og söfnuðu 11.400  kr. Þær eru 11 ára gamlar og heita Ragnheiður Eva, Guðný Björk og Fanney Rún.

Hrókurinn og Skákfélag Vinjar héldu jólamót á Kleppsspítala á mánudaginn. Ákveðið var að stöðva sigurgöngu deildar 12 sem hefur hneppt bikarinn undanfarin ár og skyldi öllu til tjaldað. Tvær deildir, 32C og 36, sendu harðsnúnar sveitir á vettvang en auk þeirra tóku þátt skáksveitir Vinjar, athvarfs Rauða krossins og Bergiðjunnar. Þrír voru í liði og að hámarki einn starfsmaður innanborðs. Róbert Lagerman var skákstjóri og á hann reyndi því svo mikill hiti var í mönnum á tímabili.

Björn Þorlákur Björnsson, fjármálastjóri hins nýstofnaðs bókaforlags Skugga lék fyrsta leikinn í skák þeirra Björns Agnarssonar og Erlings Þorsteinssonar. Þrjú efstu liðin fengu einmitt glænýjar bækur frá útgáfunni í verðlaun.

Hrókurinn og Skákfélag Vinjar héldu jólamót á Kleppsspítala á mánudaginn. Ákveðið var að stöðva sigurgöngu deildar 12 sem hefur hneppt bikarinn undanfarin ár og skyldi öllu til tjaldað. Tvær deildir, 32C og 36, sendu harðsnúnar sveitir á vettvang en auk þeirra tóku þátt skáksveitir Vinjar, athvarfs Rauða krossins og Bergiðjunnar. Þrír voru í liði og að hámarki einn starfsmaður innanborðs. Róbert Lagerman var skákstjóri og á hann reyndi því svo mikill hiti var í mönnum á tímabili.

Björn Þorlákur Björnsson, fjármálastjóri hins nýstofnaðs bókaforlags Skugga lék fyrsta leikinn í skák þeirra Björns Agnarssonar og Erlings Þorsteinssonar. Þrjú efstu liðin fengu einmitt glænýjar bækur frá útgáfunni í verðlaun.

Á hverju ári hittast heimsóknavinir á Akranesi og eiga saman jólastund á aðventunni. Að þessu sinni hittist hópurinn ásamt formanni, hluta stjórnar og starfsfólki í Garðakaffi á Safnasvæðinu að Görðum. Boðið var upp á kaffi og kakó, kleinur og kökur. Formaður deildarinnar, Sveinn Kristinsson, ávarpaði hópinn og þakkaði sjálfboðaliðunum þeirra frábæru störf. Heimsóknavinir Akranesdeildarinnar hafa margir hverjir starfað sem sjálfboðaliðar að því að létta sjúku og einmana fólki lífið í yfir þrjátíu ár og slíka tryggð og trúmennsku ber að virða og þakka.

Þá gerði verkefnastjóri deildarinnar, Anna Lára Steindal, grein fyrir þeim fjölmörgu verkefnum sem hæst bera i í desember

Rauða kross húsið á Akranesi er aldeildis komið í jólabúning, en í morgun kom stór hópur barna með alskonar fallega hluti í farteskinu.

6. bekkur í Grundaskóla kom með fallegar stjörnur sem þau föndruðu að pólskum sið, en það var nemandi af pólskum uppruna í skólanum sem kenndi þeim réttu tökin. Þetta var einmitt það sem vantaði til þess að setja á toppinn á jólatrénu. Þau komu líka með myndir og kramarhús og fleira fallegt.

Elsta deild í Skátaseli kom líka færandi hendi með fallegt gluggaskraut, jólasveina úr tré og kertastjaka svo eitthvað sé nefnt.

Eldhugarnir hittust í síðasta skipti fyrir jól á fimmtudaginn í síðustu viku og fóru á kaffihús. Fengu þeir kakó og köku og röbbuðu heilmikið saman og kynntust betur. Þeir sömdu einnig nokkur jólaljóð eins og það sem birtist hér fyrir neðan.

Á jólunum er allt skreytt
En skrautið það verður breytt
Á jólunum ríkir ást og friður
Jólatréð er gamall siður
Snjókornin falla út um allt
Gleðin ríkir þúsundfalt
Jesúbarnið fæddist hér
Og því skemmta allir sér
                 
                   -Konný Eldhugi

Haldin hafa verið tvö námskeið undir yfirskriftinni „Að setjast að í nýju landi,” fyrir flóttamannafjölskyldurnar sem komu til landsins í haust. Farið var yfir það hvernig best er að takast á við hugsanir og tilfinningar sem fólk upplifir þegar það flytur í annað land.

Það getur verið flókið að koma sér fyrir í framandi menningarumhverfi og oft fylgir því mikið tilfinningalegt álag. Að flytja til annars lands er erfið reynsla sem getur valdið kvíða og álagi og jafnvel verið áfall fyrir viðkomandi. Markmiðið með námskeiðunum var að auðvelda fólkinu aðlögun að íslensku samfélagi.

Deildir á Norðurlandi hafa verið í vinadeildasamstarfi við Rauða kross deildina í Mapútó í Mósambík síðustu fjögur árin og er nú verið að endurskoða samstarfið. Deildirnar hafa meðal annars selt batíkmyndir eftir mósambíska listamenn sem sjálfboðaliðar Akureyrardeildar ramma inn. Á föstudaginn var farið í söluherferð á Glerártorgi og í Ketilhúsinu á laugardaginn. Gekk salan vel.

Vinnuhópur sem heldur utan um vinadeildasamstarfið kom saman í síðustu viku til að skipuleggja næstu skref. Á fundinum voru lögð fram fyrstu drög að þeirri vinnu. Samþykkt var að setja þá peninga sem safnast vegna sölu á batíkmyndunum til menntunarverkefnis barna á barnaheimilinu Boa Esperansa. Lögð verður fram föst fjárhæð á ári, næstu þrjú árin, til að styðja ákveðin fjölda barna til að sækja sér iðnmenntun sem gerir þeim kleift að sjá sér og sínum farborða í framtíðinni.

 

Búðardalsdeild Rauða krossins hóf í haust heimsóknir á hjúkrunarheimilið Fellsenda í Dölum. Á Fellsenda er heimili fyrir 28 geðfatlaða einstaklinga á efri árum lífs síns. Flestir búa langt frá heimahögum og aðstandendum og er því vel þegið að fá þessar heimsóknir frá sjálfboðaliðum Rauða krossins.

Sjálfboðaliðarnir sóttu námskeið fyrir heimsóknavini sem heimsækja geðfatlaða. Hafa þeir mikla ánægju af heimsóknunum ekki síður en þeir sem heimsóttir eru og starfsfólk heimilisins.
 
Mikið hefur verið rætt og hlegið, tekið í spil og listaverk heimilismanna skoðuð. Þegar eru komnar hugmyndir um að fjölga sjálfboðaliðum í þetta verkefni sem og að fjölga stöðum sem yrðu heimsóttir.

Búðardalsdeild Rauða krossins hóf í haust heimsóknir á hjúkrunarheimilið Fellsenda í Dölum. Á Fellsenda er heimili fyrir 28 geðfatlaða einstaklinga á efri árum lífs síns. Flestir búa langt frá heimahögum og aðstandendum og er því vel þegið að fá þessar heimsóknir frá sjálfboðaliðum Rauða krossins.

Sjálfboðaliðarnir sóttu námskeið fyrir heimsóknavini sem heimsækja geðfatlaða. Hafa þeir mikla ánægju af heimsóknunum ekki síður en þeir sem heimsóttir eru og starfsfólk heimilisins.
 
Mikið hefur verið rætt og hlegið, tekið í spil og listaverk heimilismanna skoðuð. Þegar eru komnar hugmyndir um að fjölga sjálfboðaliðum í þetta verkefni sem og að fjölga stöðum sem yrðu heimsóttir.

Nemendur frá Menntaskólanum í Kópavogi afhentu á dögunum fulltrúa frá alþjóðasviði Rauða kross Íslands, Gesti Hrólfssyni, 95 þúsund krónur sem söfnuðust á fatamarkaði sem nemendurnir stóðu fyrir í nóvember. Peningarnir renna í hjálparsjóð Rauða krossins sem er notaður til að efla menntun fátækra ungmenna í Mósambík.

Bókin Skyndihjálp og endurlífgun > Þú getur hjálpað þegar á reynir er komin út. Bókin tekur mið af nýjum evrópskum leiðbeiningum í skyndihjálp og endurlífgun sem byggja á alþjóðlegum vísindarannsóknum og sérfræðiráðgjöf og eru viðurkenndar um allan heim.

Fjallað er um öll helstu atriði skyndihjálpar á einfaldan og skýran hátt í máli og myndum. Bókin, sem er einungis 53 blaðsíður, er gott uppflettirit og nýtist við kennslu á styttri sem lengri skyndihjálparnámskeiðum.
 
Einnig hefur verið gefinn út margmiðlunardiskur fyrir leiðbeinendur í skyndihjálp. Á disknum eru kynningarmyndbönd Rauða kross Íslands og kennsluglærur sem ná yfir alla fjóra kafla bókarinnar, auk inngangs, samantektar og viðbótarefnis fyrir lengri skyndihjálparnámskeið.

Á aðventunni er mikið um að vera hjá Rauða krossinum á Akranesi og mikið líf í Rauða kross húsinu. Sú skemmtilega hefð hefur komist á að í desember streyma leik- og grunnskólabörn  í heimsókn með jólaskraut sem  þau hafa búið til í pokahorninu. Þau skreyta svo húsið hátt og lágt og þiggja  kakó, piparkökur og mandarínur. Einnig fá þau fræðslu um Rauða krossinn og í ár var Hjálpfús með í partýinu á breiðtjaldi. Krakkarnir eru svo leyst út með smá glaðningi þegar þau snúa aftur í skólann, í ár fá þau öll reglustiku, sem merkt er Rauða krossinum , í þakklætisskini fyrir þeirra framlag til verkefna deildarinnar.

Börn í Kópavogi eru dugleg að halda tombólur eins og svo oft áður og hafa 33 börn búsett í Kópavogi haldið tombólur á árinu 2007.

Rúmlega 300 börn um allt land stóðu fyrir tombólum til styrktar starfi Rauða krossins á árinu og söfnuðu alls um 500.000 kr. Framlag tombólubarnanna rennur alltaf til ungmenna- og barnastarfs Rauða krossins víða um heim, og að þessu sinni verða peningarnir notaðir til að hjálpa börnum í Malaví í suðurhluta Afríku.

Sjálfboðaliðar Rauða krossins á Ísafirði héldu Afríkumarkað til styrktar Rauða kross deildinni í North Bank í Gambíu um síðustu helgi.

 

Ungmennadeild Reykjavíkurdeildar Rauða krossins stóð fyrir bíósýningu fyrir öll þau tombólubörn á höfuðborgarsvæðinu sem styrktu Rauða krossinn á árinu á degi sjálfboðaliðans í gær. Bíómyndin var Ævintýraeyjan Ibba og var sýningin í boði Laugarásbíós sem hefur undanfarin ár gefið sýningu í þessu skyni.

Framlag þessara yngstu styrktaraðila Rauða krossins nam rúmlega 500.000 krónum á árinu. Krakkarnir hagnast með ýmsum aðferðum; tombólusölu, flöskusöfnun, sölu á eigin listaverkum og ein lítil stúlka á Akranesi seldi hundasúrur.

Sjálfboðaliðar Kópavogsdeildar fylltu sjálfboðamiðstöðina á fagnaði sem haldinn var í gærkvöldi í tilefni af alþjóðadegi sjálfboðaliðans. Sjálfboðaliðar og gestir þeirra áttu notalega stund saman, hlýddu á upplestur, söng og tónlist og nutu góðra veitinga. Garðar H. Guðjónsson, formaður Kópavogsdeildar, greindi frá því í stuttu ávarpi að sjálfboðaliðum deildarinnar hefur fjölgað verulega á árinu eins og á undanförnum árum.

Samningsbundnir sjálfboðaliðar voru 175 fyrir réttu ári en þeim hefur síðan fjölgað í 240 eða um 37 af hundraði. Garðar þakkaði sjálfboðaliðum fyrir frábært framlag þeirra á árinu og sagðist vonast til að sjá sem flesta að störfum á nýju ári.

Sjálfboðaliðar Kópavogsdeildar fylltu sjálfboðamiðstöðina á fagnaði sem haldinn var í gærkvöldi í tilefni af alþjóðadegi sjálfboðaliðans. Sjálfboðaliðar og gestir þeirra áttu notalega stund saman, hlýddu á upplestur, söng og tónlist og nutu góðra veitinga. Garðar H. Guðjónsson, formaður Kópavogsdeildar, greindi frá því í stuttu ávarpi að sjálfboðaliðum deildarinnar hefur fjölgað verulega á árinu eins og á undanförnum árum.

Samningsbundnir sjálfboðaliðar voru 175 fyrir réttu ári en þeim hefur síðan fjölgað í 240 eða um 37 af hundraði. Garðar þakkaði sjálfboðaliðum fyrir frábært framlag þeirra á árinu og sagðist vonast til að sjá sem flesta að störfum á nýju ári.

Alþjóðadagur sjálfboðaliðans er haldinn hátíðlegur um allan heim þann 5. desember. Að því tilefni vill Rauði krossinn sérstaklega þakka tombólubörnunum, sem eru yngstu sjálfboðaliðar félagsins, fyrir stuðninginn á árinu.

Rúmlega 300 börn um allt land stóðu fyrir tombólum til styrktar starfi Rauða krossins á árinu og söfnuðu alls um 500.000 kr. Framlag tombólubarnanna rennur alltaf til ungmenna- og barnastarfs Rauða krossins víða um heim, og að þessu sinni verða peningarnir notaðir til að hjálpa börnum í Malaví í suðurhluta Afríku.

Rauði kross Íslands hefur unnið að alnæmisverkefnum í samstarfi við Rauða krossinn í Malaví frá árinu 2002. Tugþúsundir barna í Malaví hafa misst foreldra sína úr alnæmi, og eiga því um sárt að binda. Í bænum Nkalo í suðurhluta  landsins eru rúmlega 4.000 börn sem Rauði kross Íslands hjálpar á ýmsan hátt svo þau geti haldið áfram í skóla. Byggð hafa verið þrjú athvörf og verða peningar tombólubarnanna notaðir til að kaupa borð og stóla, leikföng og skóladót.

Sjálfboðaliðar hjá Akranesdeild Rauða krossins tóku sig saman og mættu kyrfilega merktir til vinnu og annarra daglegra starfa á degi sjálfboðaliðans, 5. desember. Þannig mátti sjá fólk í bolum sem á stendur „Ég er sjálfboðaliði” í skólum, á bæjarskrifstofunni, í Fjöliðjunni, á Alþingi, á Fréttablaðinu, í þreksalnum og víðar.

Framtakið vakti heilmikla athygli á störfum sjálfboðaliðanna og um leið verkefnum deildarinnar í  þágu mannúðar. 

Hjá Arkanesdeildinni starfa um 50 virkir sjálfboðaliðar að fjölbreyttum, reglubundnum verkefnum. Þá eru ótaldir allir þeir sem taka þátt í átaksverkefnum á borð við Göngum til góðs, vinna að neyðarvörnum, allur sá fjöldi tombólubarna sem safnar fé til styrktar félaginu og stór hópur barna sem kemur mjög við sögu í jólaverkefnum deildarinnar.

Brýn nauðsyn er á að skerpa línurnar milli mannúðarstarfs hlutlausra og óháðra samtaka eins og Rauða krossins og þeirrar aðstoðar sem ríki veita í pólitískum og hernaðarlegum tilgangi á átakasvæðum.

 

Sjálfboðaliðar hjá Akranesdeild Rauða krossins tóku sig saman og mættu kyrfilega merktir til vinnu og annarra daglegra starfa á degi sjálfboðaliðans, 5. desember. Þannig mátti sjá fólk í bolum sem á stendur „Ég er sjálfboðaliði” í skólum, á bæjarskrifstofunni, í Fjöliðjunni, á Alþingi, á Fréttablaðinu, í þreksalnum og víðar.

Framtakið vakti heilmikla athygli á störfum sjálfboðaliðanna og um leið verkefnum deildarinnar í  þágu mannúðar. 

Hjá Arkanesdeildinni starfa um 50 virkir sjálfboðaliðar að fjölbreyttum, reglubundnum verkefnum. Þá eru ótaldir allir þeir sem taka þátt í átaksverkefnum á borð við Göngum til góðs, vinna að neyðarvörnum, allur sá fjöldi tombólubarna sem safnar fé til styrktar félaginu og stór hópur barna sem kemur mjög við sögu í jólaverkefnum deildarinnar.

Í dag, 5. desember er alþjóðadagur sjálfboðaliðans og því verður haldin hátíð í sjálfboðamiðstöðinni í Hamraborg 11 fyrir alla sjálfboðaliða deildarinnar. Hátíðin stendur yfir frá kl. 20-22 og verður margt góðra gesta.

Boðið verður upp á ljúffengar veitingar með jólalegu ívafi. Þetta er kjörið tækifæri fyrir sjálfboðaliða deildarinnar til að hittast og skemmta sér saman á aðventunni og taka með sér gesti, svo sem vini, maka, foreldra, systkini og börn. Nýir sjálfboðaliðar velkomnir.

Með þessari frétt opnar ný heimasíða Akranesdeildarinnar þar sem fjallað verður um það sem efst er á baugi hjá deildinni hverju sinni.

Það má reikna með því að síðan verði nokkuð lífleg í desember því mikið er framundan hjá deildinni á aðventunni.  Má þar nefna jólagjafasöfnun handa bágstöddum börnum á Akranesi og Hvalfjarðarsveit í samvinnu við félagsþjónustu sveitarfélaganna, föndurstund þar sem búin verða til jólakort sem send verða döprum og einmana með kærleikskveðju frá sjálfboðaliða í Rauða krossinum og árlega Friðargöngu á Þorláksmessu. 

Föstudaginn 30. nóvember var hópur sjálfboðaliða hjá Akranesdeild Rauða krossins með þátt í Útvarpi Akranes undir yfirskriftinni Byggjum betra samfélag.

Það er Sundfélag Akraness sem stendur að útvarpsútsendingum fyrstu helgina í desember ár hvert og hefur skapst mikil hefð í kringum útsendingunaog hlustun er mikil, enda má segja að Skagamenn hefji jólaundirbúninginn með útvarpinu.

Um þáttinn sáu sjálfobðaliðar úr Fimmtudagshópnum sem skipaður er örykjum sem hittast á fimmtudagsmorgnum í Rauða kross húsinu.

Með þessari frétt opnar ný heimasíða Akranesdeildarinnar þar sem fjallað verður um það sem efst er á baugi hjá deildinni hverju sinni.

Það má reikna með því að síðan verði nokkuð lífleg í desember því mikið er framundan hjá deildinni á aðventunni.  Má þar nefna jólagjafasöfnun handa bágstöddum börnum á Akranesi og Hvalfjarðarsveit í samvinnu við félagsþjónustu sveitarfélaganna, föndurstund þar sem búin verða til jólakort sem send verða döprum og einmana með kærleikskveðju frá sjálfboðaliða í Rauða krossinum og árlega Friðargöngu á Þorláksmessu. 

Árleg samvera hóp- og verkefnisstjóra heimsóknavina var haldin á laugardaginn. Alls mættu 27 manns víðsvegar að af landinu. Veðrið setti strik í reikninginn en útlit var lengi vel fyrir að fólk kæmist ekki frá Akureyri og Austfjörðum. Austfirðingarnir komust með miklu harðfylgi eftir hádegi og náðu í skottið á samverunni.

Tekið var fyrir hvernig hóp- og verkefnisstjórar gætu veitt sjálfboðaliðum í heimsóknaþjónustu handleiðslu og sálrænan stuðning. Þá var fjallað um heimsóknir til fólks með geðraskanir og meðal annars kom heimsóknavinur sem fer á sambýli til fólks með geðraskanir og sagði frá reynslu sinni.

Í gangi er söfnun Sparisjóðsins til styrktar geðheilsu barna og unglinga undir yfirskriftinni „Þú gefur styrk". Rauði krossinn er eitt þeirra félaga sem nýtur styrks úr söfnuninni.
 
Með því að fara inn á heimasíðuna www.spar.is er hægt að leggja málefninu lið. Ef þú ert viðskiptavinur leggur Sparisjóðurinn 1.000 krónur í söfnunina en til viðbótar getur viðskiptavinurinn lagt fram sinn hlut, en allir geta gefið styrk.

 

Á Alþjóðlega alnæmisdeginum 1. desember var Ungmennahreyfing Rauða krossins stödd í Smáralindinni til að vekja athygli á málefninu. Boðið var upp á frí faðmlög til þess að sýna fram á að alnæmi berst ekki með snertingu auk þess sem að krakkarnir bjuggu til alnæmismerkið á gólfi Smáralindar.

Krakkarnir seldu rauðar alnæmisnælur sem búnar voru til af fólki sem tekur þátt í sjálfshjálparhópi smitaðra á vegum Rauða krossins í Malaví og rennur allur ágóði af sölunni til hópsins. Á tveimur tímum náðist að safna um 27.000 krónum og á sá peningur eftir að koma að góðum notum.

Fyrr í vetur kom fulltrúi frá alþjóðasviði Rauða krossins og fræddi krakkana í Ungmennahreyfingunni um alnæmisvandann í sunnanverðri Afríku og starf Rauða krossins á þeim slóðum. Einnig komu læknanemar í heimsókn og voru með fræðslu um kynsjúkdóma og þar á meðal alnæmi.

Á Alþjóðlega alnæmisdeginum 1. desember var Ungmennahreyfing Rauða krossins stödd í Smáralindinni til að vekja athygli á málefninu. Boðið var upp á frí faðmlög til þess að sýna fram á að alnæmi berst ekki með snertingu auk þess sem að krakkarnir bjuggu til alnæmismerkið á gólfi Smáralindar.

Krakkarnir seldu rauðar alnæmisnælur sem búnar voru til af fólki sem tekur þátt í sjálfshjálparhópi smitaðra á vegum Rauða krossins í Malaví og rennur allur ágóði af sölunni til hópsins. Á tveimur tímum náðist að safna um 27.000 krónum og á sá peningur eftir að koma að góðum notum.

Fyrr í vetur kom fulltrúi frá alþjóðasviði Rauða krossins og fræddi krakkana í Ungmennahreyfingunni um alnæmisvandann í sunnanverðri Afríku og starf Rauða krossins á þeim slóðum. Einnig komu læknanemar í heimsókn og voru með fræðslu um kynsjúkdóma og þar á meðal alnæmi.

Laugardaginn 1. desember kl. 14-16 munu Eldhugar ásamt öðrum ungmennum í Rauða kross starfi selja rauð alnæmismerki í Smáralind sem búin eru til af fólki sem tekur þátt í sjálfshjálparhópi smitaðra á vegum Rauða krossins í Malaví og rennur allur ágóði af sölunni til hópsins.

Fulltrúi frá alþjóðasviði Rauða krossins fræddi Eldhuga fyrr í vetur um alnæmi í sunnanverðri Afríku og starf Rauða krossins á þeim slóðum. Einnig komu læknanemar í heimsókn og voru með fræðslu um kynsjúkdóma og þar á meðal alnæmi.

Í tilkynningu Alþjóða Rauða krossins á Alþjóðlega alnæmisdeginum er lögð á það höfuðáhersla að hjálpa samfélögum að taka frumkvæðið í baráttunni gegn alnæmi og ójafnri stöðu kynjanna.

Í gær komu börn frá Arnardal í heimsókn í Rauðakrosshúsið til að skoða sjúkrabíla. Þessi börn eru úr sérdeild Brekkubæjarskóla.

Sjúkraflutningmennirnir Gísli og Óli sýndu þeim sjúkrabílana og höfðu þau mjög gaman af því. Þegar börnin voru búin að skoða þá keyrðu sjúkraflutningsmenn þau aftur í Arnardal í sjúkrabíl.

Síðasta prjónakaffi ársins var haldið í sjálfboðmiðstöð Kópavogsdeildar í gær og mættu 27 hressar prjónakonur. Komu þær með afrakstur síðasta mánaðar og nýttu síðan samveruna til þess að prjóna, fá sér kaffi og ræða saman um hin ýmsu mál.

 

Alþjóða Rauði krossinn hefur nú lagt fram nýja neyðarbeiðni fyrir Bangladess að upphæð tæplega 1,4 milljörðum íslenskra króna (24.500.000 CHF). Það fé sem safnast verður notað til að hjálpa 1,2 milljónum manna sem orðið hafa fórnarlömb fellibylsins Sidr. Rauði kross Íslands sendi þriggja milljóna króna framlag til neyðaraðstoðarinnar þann 19. nóvember.

Aðstoðin mun ná til níu af þeim héruðum landsins þar sem fellibylurinn olli mestu tjóni. Þar verður  fjölskyldum sem misst hafa heimili sín í hamförunum séð fyrir mat, húsaskjóli, heilbrigðisþjónustu, vatni og hreinlætisaðstöðu. Neyðaraðstoðinni er ætlað að koma til móts við mikilvægustu þarfir fórnarlambanna. Dreift verður byggingarefni, mat, fötum og fólkinu séð fyrir hreinu vatni og  heilbrigðisþjónustu.

Formaður ungmennahreyfingar Rauða kross Íslands, URKÍ, Jón Þorsteinn Sigurðsson sat fund Alþjóðahreyfingar Rauða krossins og Rauða hálfmánans sem haldinn var í Genf í síðustu viku.

Helsta breytingin á lögum sem snerta ungmenni innan Alþjóða Rauða krossinn var að Ungmennaráðið (Youth Commission) var sett í fastari skorður innan laganna auk þess sem formaður nefndarinnar á nú fast sæti í stjórn alþjóðahreyfingarinnar.

„Þar með eru ungmenni innan Rauða krossins að sækja á innan hreyfingarinnar og vonast er til að fleiri landsfélög sendi fulltrúa ungmenna á fundi í framtíðinni," segir Jón Þorsteinn.  „Það var samdóma álit ungmenna sem hittust reglulega á hliðarfundum að sameinaður kraftur okkar er afl sem ekki er hægt að horfa framhjá."

Ungmennahreyfing Rauða krossins á höfuðborgarsvæðinu mun þann 1. desember, frá kl. 14 – 16, selja merki með mynd af alnæmisborðanum í Smáralind.

Merkin eru handgerð úr perlum og eru búin til af fólki sem er smitað af alnæmi og tekur þátt í sjálfshjálparhópum í Malaví. Þetta er mjög fátækt fólk og verður ágóða af merkjasölunni varið til þess að efla starf með alnæmissmituðum í Malaví auk þess sem félagar í sjálfshjálparhópunum fá hluta af ágóðanum til eigin nota.

Í síðustu samveru Eldhuga byrjuðu krakkarnir að perla nælu til eigin nota og fengu þannig góða tilfinningu fyrir vinnunni að baki merkjunum sem á að fara að selja. Nú er talið að tæpar 40 milljónir manna séu smitaðar af alnæmisveirunni og munu fleiri líða vegna alnæmis, t.d. um 4,6 milljónir barna í sunnanverðri Afríku sem orðið hafa munaðarlaus.

Rauði kross Svartfjallalands (Montenegro) hefur verið formlega samþykktur af Alþjóða Rauða krossinum, og eru landsfélög Rauða krossins og Rauða hálfmánans nú 186 að tölu um allan heim. 

Þó svo að Rauði krossinn í Svartfjallalandi sé nýjasta landsfélagið í Rauða kross hreyfingunni fer því fjarri að það sé nýtekið til starfa. Félagið var stofnað árið 1875, en varð síðan deild innan Rauða kross Júgóslavíu þegar ríkið var stofnað í lok fyrri heimstyrjaldar árið 1918 og allt þar til landið hlaut sjálfstæði árið 2006 þegar það gekk úr ríkjasambandi við Serbíu.

Alþjóða Rauði krossinn hefur lýst yfir vonbrigðum sínum með þau þjóðríki sem eiga aðild að alþjóðasáttmála um takmörkun hefðbundinna vopna, en fulltrúar aðildarríkjanna samþykktu

Viðbragðsaðilar neyðarvarna Rauða krossins á höfuðborgarsvæðinu komu saman í síðustu viku til þess að læra á tetra tæki sem Rauði krossinn er að taka í notkun sem hluti af búnaði sínum í neyðarvörnum.

Sérfræðingar frá Slökkviliði höfuðborgarsvæðis komu á staðinn og kynntu notkun tækjanna. Einnig var tækifærið nýtt til að ræða samstarf Rauða krossins og Slökkviliðsins og farið yfir ferlið frá tilkynningu bruna til Neyðarlínu þar til viðbragðshópur Rauða krossins er kallaður út. Einnig var farið yfir drög að starfsreglum viðbragðshópsins og neyðarkerra neyðarnefndar skoðuð.

Viðbragðsaðilar neyðarvarna Rauða krossins á höfuðborgarsvæðinu komu saman í síðustu viku til þess að læra á tetra tæki sem Rauði krossinn er að taka í notkun sem hluti af búnaði sínum í neyðarvörnum.

Sérfræðingar frá Slökkviliði höfuðborgarsvæðis komu á staðinn og kynntu notkun tækjanna. Einnig var tækifærið nýtt til að ræða samstarf Rauða krossins og Slökkviliðsins og farið yfir ferlið frá tilkynningu bruna til Neyðarlínu þar til viðbragðshópur Rauða krossins er kallaður út. Einnig var farið yfir drög að starfsreglum viðbragðshópsins og neyðarkerra neyðarnefndar skoðuð.

Í ræðu sinni á aðalfundi Alþjóða Rauða krossins fjallaði Dr Asha-Rose Migiro varaframkvæmdastjóri Sameinuðu þjóðanna sérstaklega um þá vaxandi samvinnu við Alþjóða Rauða krossinn sem stofnunin hefur notið á undanförnum árum.

Alþjóðaráðstefna Rauða krossins og Rauða hálfmánans hófst í Genf í dag. Búist er við því að um 1.500 fulltrúar Rauða kross hreyfingarinnar og þjóðríkja sem eiga aðild að Genfarsamningunum taki þátt í  ráðstefnunni sem haldin er undir kjörorðunum „Saman í þágu mannúðar.”

Alþjóðaráðstefnan er haldin á fjögurra ára fresti. Eitt af meginmarkmiðum hennar nú er að fjalla um þann margslungna vanda sem steðjar að jarðarbúum á komandi áratugum. Meðal helstu umræðuefna má nefna stórfellda fólksflutninga milli landa og heimshluta, vaxandi glæpi og ofbeldi í borgum, sjúkdómsfaraldra, loftslagsbreytingar og annan umhverfisvanda. Á ráðstefnunni munu samstarfsaðilar ræða hvað þeir geti gert í sameiningu til að hjálpa bágstöddum samfélögum að takast á við framtíðina.

Sjálfboðaliðar úr hópi heimsóknavina Kópavogsdeildar fylgdu vistfólki hjúkrunarheimilisins Sunnuhlíðar á Kjarvalsstaði í síðustu viku en deildin hefur boðið vistfólkinu upp á svipaðar ferðir í nokkur ár, í ferðina að þessu sinni fóru 37 manns.

Á Kjalvarsstöðum voru skoðaðar sýningar Birgis Snæbjörns, Óla Jóhanns Ásmundssonar og Kjarvalssýningin. Eftir skoðun á sýningunum bauð deildin upp á kaffi og meðlæti.

Nú var að ljúka aðalfundi Alþjóðahreyfingu Rauða krossins og Rauða hálfmánans sem haldin var í Genf daganna 19. til 22. þ.m.  Formaður sótti fundin fyrir okkar hönd sem hefur verið baráttumál fyrrum formanna sem og annarra ungmenna í heiminum sem nú er í gegn. 

Aðal málefni fundarins voru Loftlagsbreytingar, fólksflutningar, sjúkdómar, ofbeldi og breyting á lögum félagsins.  Helsta breyting á lögum sem snertir okkur og ungmenni innan IFRC var að Ungmennaráðið (Youth Commission) var sett í fastari skorður innan laganna auk þess sem formaður nefndarinnar á nú fast sæti í stjórn alþjóðahreyfingarinnar.  Þar með eru ungmenni innan Rauða krossins að sækja á innan hreyfingarinnar og vonast er til að fleiri landsfélög sendi fulltrúa ungmenna á fundi framtíðarinnar. Nánar er hægt að lesa um fundin hér og hér. 

Ungmennaverðlaunin voru veitt og voru það 5 landsfélög sem hlutu þau þetta árið. Má lesa nánar um það hér hverjir hlutu þessi verðlaun.  Samdóma álitt ungmenna, sem hittust reglulega á hliðar-fundum, er að sameinaður kraftur okkar ungmenna er afl sem ekki er hægt að horfa

Tvö ár eru síðan Jeimmy Andrea Gutiérrez Villanueva kom til Íslands eftir að hafa flúið frá heimalandi sínu Kólumbíu til Ekvadors. Jóhanna Ingvarsdóttir smakkaði nautalifur og jólabúðing að hætti Kólumbíumanna. Greinin birtist í Morgunblaðinu þann 16. nóvember 2007.

Sjöunda samverustund Alþjóðlegra foreldra fór fram í gær í Mekka, félagsmiðstöð Hjallaskóla. Sjálfboðaliðar Kópavogsdeildar Rauða krossins sáu um dagskrána og stýrðu henni með söng, leik og gleði. Þátttakendur komu með mat frá sínum heimalöndum.

Alþjóðlegir foreldrar hittast í Mekka alla fimmtudaga frá kl.10.30-12.00. Síðasta samveran verður næstkomandi fimmtudag þann 29. nóvember og verður þá föndrað fyrir jólin.

Kópavogsdeild vantar sjálfboðaliða til að vera í Dvöl á laugardögum frá kl. 13-16. Venjulega eru tveir sjálfboðaliðar á vakt hvern laugardag. Verkefnið býður upp á einstakt tækifæri til að láta gott af sér leiða og öðlast dýrmæta reynslu.

Dvöl er athvarf fyrir geðfatlaða og er ætlað að rjúfa félagslega einangrun, draga úr fordómum og auka lífsgæði þeirra sem eiga við að geðsjúkdóma að stríða. Sjálfboðaliðar gegna mikilvægu hlutverki í rekstri Dvalar með því að taka þátt í starfsemi athvarfsins og veita gestunum félagsskap.

Sjálfboðaliðar í Dvöl þurfa að vera 18 ára eða eldri og sækja grunnnámskeið um hugsjónir Rauða krossins.

Þeir sem hafa áhuga á því að sinna sjálfboðnu starfi í þessu verkefni vinsamlega hafi samband við Kópavogsdeild í síma 554 6626 eða með tölvupósti á kopavogur@redcross.is.

Á fatamarkaði sem nemendur í áfanga um sjálfboðið starf í Menntaskólanum í Kópavogi héldu um síðustu helgi söfnuðust um 95 þúsund krónur. Fjöldi manns kom á markaðinn og gerði góð kaup á notuðum dömu-, herra- og barnafatnaði ásamt dóti. Allur ágóðinn rennur til styrktar börnum og ungmennum í Mósambík.

MK-nemarnir völdu föt fyrir markaðinn í fataflokkunarstöð Rauða krossins en hann var settur upp í sjálfboðamiðstöð Kópavogsdeildar með aðstoð bæði Eldhuga og Enter-krakkanna.

Fatamarkaðurinn var lokaverkefni nemendanna í áfanganum um sjálfboðið Rauða kross starf. Menntaskólinn í Kópavogi er enn sem komið er eini framhaldsskólinn á landinu sem býður upp á þess háttar áfanga. Nemendurnir hafa unnið sjálfboðin störf fyrir Kópavogsdeild Rauða krossins, svo sem starf með ungum innflytjendum í Enter og Eldhugunum og aðstoð við langveik börn í Rjóðrinu.

Skyndihjálparhópur deilda á Norðurlandi kom saman á dögunum í fyrsta sinn eftir sumarfrí. Leiðbeinandi að þessu sinni var Jón Knutsen.
 
Í fyrstu sögðu þau Helga Jóhannsdóttir og Jón Þorsteinn Sigurðsson frá upplifun sinni af því að taka þátt í flugslysaæfingunni á Sauðárkróki síðast liðið vor og hvernig þjálfunin sem þau fengu skilaði sér.
 
Síðan var lagt fyrir mannskapinn upprifjunarpróf þar sem tekið var fyrir  það efni sem kennt hefur verið fram að þessu. Að því búnu var farið yfir prófið og sammælst um rétt svör.

Skyndihjálparhópur deilda á Norðurlandi kom saman á dögunum í fyrsta sinn eftir sumarfrí. Leiðbeinandi að þessu sinni var Jón Knutsen.
 
Í fyrstu sögðu þau Helga Jóhannsdóttir og Jón Þorsteinn Sigurðsson frá upplifun sinni af því að taka þátt í flugslysaæfingunni á Sauðárkróki síðast liðið vor og hvernig þjálfunin sem þau fengu skilaði sér.
 
Síðan var lagt fyrir mannskapinn upprifjunarpróf þar sem tekið var fyrir  það efni sem kennt hefur verið fram að þessu. Að því búnu var farið yfir prófið og sammælst um rétt svör.

Hópur kvenna sem kalla sig hekluklúbb færði á dögunum Rauða krossinum 50 þúsund krónur sem þær höfðu safnað. Hópurinn kemur saman reglulega til að hekla og prjóna og um leið njóta  félagskapar hver af annari.  Afrakstur handavinnunnar hafa þær síðan selt og nýtt ágóðann til ýmissa góðra verka.

 

Jólakortasala Kvenadeildar Reykjavíkurdeildar Rauða krossins er í fullum gangi. Fyrirtækið Penninn gaf jólakortin og er þetta annað árið í röð sem Penninn styrkir starf deildarinnar með þessum hætti. Allur ágóði af sölu jólakortanna rennur óskiptur til fatlaðra barna á Íslandi.

 

Í hverjum pakka eru 5 kort og kosta þau 500 krónur. Hægt er að nálgast jólakortin í sölubúðum Kvennadeildarinnar á Landspítala Háskólasjúkrahúsi Fossvogi og við Hrinbraut. Einnig verða kortin seld á Jólabasar Kvennadeildarinnar í Kringlunni, 2. hæð næst Herragarðinum, föstudaginn 23. nóvember. Þar verða til sölu handunnir munir.

Heilsugæslustöð sem Rauði krossinn og Þróunarsamvinnustofnun Íslands reistu í sameiningu í Mósambík var formlega opnuð þann 30. október. Stöðin var afhent heilbrigðisyfirvöldum í Mósambík til rekstrar.

Sjálfboðaliðar Rauða krossins í Mongólíu vinna ötullega að blóðsöfnun og gengur hún langbest meðal nemenda í skóla einum í Ulaanbaatar. Greinin er eftir Francis Markus hjá Alþjóða Rauða krossinum í Mongólíu.

Sjálfboðaliðar Rauða krossins í Mongólíu vinna ötullega að blóðsöfnun og gengur hún langbest meðal nemenda í skóla einum í Ulaanbaatar. Greinin er eftir Francis Markus hjá Alþjóða Rauða krossinum í Mongólíu.

Rauði kross Íslands sendi í dag þriggja milljóna króna framlag til neyðaraðstoðar í Bangladess vegna fellibyljarins Sidr sem gekk yfir landið á fimmtudag. Alþjóða Rauða krossinn kallaði í gær eftir 213 milljónum íslenskra króna til að aðstoða 235.000 manns á hamfarasvæðunum næstu níu mánuðina. 

Sjálfboðaliðar og starfsfólk Rauða hálfmánans í Bangladess hafa unnið sleitulaust að neyðaraðstoð frá því að hamfarirnar gengur yfir. Fjöldi látinna er nú talin rúmlega 3.000, en óttast er að enn fleiri hafi farist þar sem aðstoð hefur enn ekki borist á afskekktari svæði.

Á fatamarkaði sem nemendur í áfanga um sjálfboðið starf í Menntaskólanum í Kópavogi héldu um helgina söfnuðust um 95 þúsund krónur. Fjöldi manns kom á markaðinn og gerði góð kaup á notuðum dömu-, herra- og barnafatnaði ásamt dóti. Allur ágóðinn rennur til styrktar börnum og ungmennum í Mósambík. MK-nemarnir höfðu farið í fataflokkunarstöð Rauða krossins og valið föt á markaðinn. Síðan settu þeir hann upp í sjálfboðamiðstöð Kópavogsdeildar með aðstoð bæði Eldhuganna og Enter-krakkanna.

Fatamarkaðurinn var lokaverkefni nemendanna í áfanganum um sjálfboðið Rauða kross starf. Menntaskólinn í Kópavogi er enn sem komið er eini framhaldsskólinn á landinu sem býður upp á þess háttar áfanga. Í áfanganum hafa nemendurnir unnið sjálfboðin störf fyrir Kópavogsdeild Rauða krossins, svo sem starf með ungum innflytjendum í Enter, Eldhugunum og aðstoð við langveik börn í Rjóðrinu.

Fjölmargir sjálfboðaliðar Kópavogsdeildar Rauða krossins sáu sýninguna LEG um helgina í boði Þjóðleikhússins. Sýningin er eftir Hugleik Dagsson og er söngleikur um ólétta táningsstúlku. Hljómsveitin FLÍS samdi alla tónlistina fyrir verkið og er hún víst einkar litrík og fjölbreytt.

Kópavogsdeild þakkar Þjóðleikhúsinu kærlega fyrir boðið og að viðurkenna með þessum hætti störf sjálfboðaliða Rauða krossins.

Neyðarlínan leitaði til Rauða krossins snemma í morgun vegna bruna í íbúð við Fannarfell. Óskað var eftir aðstoð við íbúana sem þurftu að yfirgefa íbúðir sínar en fengu skjól í strætisvagni sem þegar kom á staðinn. Tveir voru fluttir á sjúkrahús vegna gruns um reykeitrun.

Þrír sjálfboðaliðar úr viðbragðshópi neyðarnefndar höfuðborgarsvæðis fóru þegar á vettvang. Greiðlega gekk að reykhreinsa og fengu íbúarnir fljótlega að fara til íbúða sinna.

Rauði krossinn fylgdi íbúunum eftir og veitti aðstoð og upplýsingar eftir því sem þurfti og nokkrir þáðu sálrænan stuðning. Aðstoðinni verður fylgt eftir eins og þörf er á.

Rauði krossinn hefur upp á fjölmargt að bjóða sjálfboðaliðum. Júlíana Elín Kjartansdóttir sagði Guðrúnu Guðlaugsdóttur hvers vegna hún valdi að leiðbeina nýbúabörnum og Jón Ingi Bergsteinsson kynnti hana fyrir spilagleði á Skjólbraut. Greinarnar birtust í Morgunblaðinu 13.11.2007.

Hekla María Arnardóttir er fjögurra ára snót á Akranesi sem lætur ekki sitt eftir liggja í baráttunni fyrir mannúðlegri og betri heimi. Í síðustu viku kom hún í  heimsókn á skrifstofu Rauða krossins á Akranesi, ásamt móður sinni, með fjárupphæð sem hún vildi að notuð yrði til þess að hjálpa börnum sem eiga bágt. En hvernig stendur fjögurra ára hnáta að fjáröflun fyrir mannúðarsamtök?

„Ég seldi hundasúrur á Írskum dögum í sumar. Fyrst tíndi ég fullt af hundasúrum í poka og seldi öllum sem voru í götugrillinu heima hjá mér. Það voru frekar margir sem keyptu hundasúrur, sjáðu ég er með fullan poka af peningum og meira að segja einn rauðan bréfpening!”

Þegar talið er upp úr pokanum kemur í ljós að Hekla María hefur aflað eittþúsund fjögurhundruð áttatíu og fimm króna með sölumennskunni, sem hlýtur að teljast nokkuð góður árangur.

Nemendur í Menntaskólanum í Kópavogi halda fatamarkað í dag, föstudag, kl. 15-19 og á morgun, laugardag, kl. 12-16 í sjálfboðamiðstöð Kópavogsdeildar Rauða krossins að Hamraborg 11. Seld verða notuð föt á konur, karla, ungmenni og börn, ásamt alls kyns varningi, á verðinu 300-1500 krónur. Allur ágóði rennur til styrktar börnum og ungmennum í Mósambík.

 

Undirbúningur fyrir fatamarkaðinn sem haldinn verður hjá Kópavogsdeild á morgun og laugardaginn gengur vel. Í gær tóku Enter-krakkarnir vel til hendinni og grófflokkuðu fötin sem komin eru í sjálfboðamiðstöðina. Afrísk tónlist var sett í geislaspilarann og skemmtu krakkarnir sér vel við að flokka og kannski ekki síst við að máta föt og skó. Í dag taka svo Eldhugarnir við undirbúningnum ásamt nemendum MK í áfanga um sjálfboðið starf en þeir síðarnefndu sjá um markaðinn.

Námskeið um lagaumhverfi innflytjenda var haldið í Rauða kross húsinu á Akranesi á fimmtudaginn . Um samstarfsverkefni Símenntunarmiðstöðvarinnar á Vesturlandi , Akranesdeildarinnar og Aþjóðahúss var að ræða.

Margrét Steinarsdóttir, lögfræðingur í Alþjóðahúsi, var fyrirlesari á námskeiðinu og spunnust líflegar umræður um umfjöllunarefni þess, enda höfðu þátttakendur allir mikla reynslu af vinnu með innflytjendum.

Á Akranesi er um þessar mundir unnið að viðamikilli aðgerðaráætlun í málefnum innflytjenda í samvinnu Rauða krossins og sveitarfélagsins og búist við því að hún liggi fyrir í byrjun næsta árs.

Strákarnir í 6. K í Lundarskóla heimsóttu Akureyrardeild Rauða krossins og kynntu sér starf Rauða krossins. Þeir fengu einnig fræðslu um skyndihjálp og æfingu í að veita endurlífgun.

Strákarnir voru ófeimnir við að spyrja og sumir voru ágætlega að sér um sögu og tilgang Rauða krossins. Nokkrar umræður sköpuðust um það hvernig mætti forðast slys með því t.d. að nota hlífðarbúnað við íþrótta- og tómstundaiðkun. Að lokum var boðið upp á pítsu og endað með því að skella sér í nokkra leiki

Þær vinkonur Birna og Sólveig gengu í hús í hverfinu sínu og söfnuðu dóti til að hafa á tombólu sem þær ætluðu að halda til styrktar Rauða krossinum. Tombóluna héldu þær síðan í verslunarmiðstöðinni Glerártorgi og gekk hún bara ágætlega. Þær stöllur vildu þó endilega gera eitthvað meira og af því að þær hafa báðar gaman af því að baka þá datt þeim í hug að halda kökulottó.

 

 

María Guðrún Gunnlaugsdóttir sjálfboðaliði URKÍ-R fór til Gambíu og starfaði með vinadeild Reykjavíkurdeildar í Banjul. Fréttablaðið tók viðtal við Maríu sem birtist þann 17. október síðastliðinn.

María Guðrún Gunnlaugsdóttir sjálfboðaliði URKÍ-R fór til Gambíu og starfaði með vinadeild Reykjavíkurdeildar í Banjul. Fréttablaðið tók viðtal við Maríu sem birtist þann 17. október síðastliðinn.

Nemendur í Menntaskólanum í Kópavogi halda fatamarkað föstudaginn 16. nóvember kl. 15-19 og laugardaginn 17. nóvember kl. 12-16 í sjálfboðamiðstöð Kópavogsdeildar Rauða krossins að Hamraborg 11. Seld verða notuð föt á konur, karla, ungmenni og börn, ásamt alls kyns varningi, á verðinu 300-1500 krónur. Allur ágóði rennur til styrktar börnum og ungmennum í Mósambík.

Fatamarkaðurinn er lokaverkefni nemendanna í áfanga um sjálfboðið Rauða kross starf (SKA 112). Þetta er fjórða önnin í röð sem nemendur í MK geta valið áfangann en MK er fyrsti og enn sem komið er eini framhaldsskólinn sem kennir slíkan áfanga á landinu.

Konur á dvalarheimilinu Sunnuhlíð afhentu nýlega Kópavogsdeild Rauða krossins 58 ungbarnateppi. Teppin eru kærkomin gjöf og renna í verkefni deildarinnar sem kallast Föt sem framlag. Þau eru send erlendis, einkum til Afríku, þar sem börn í neyð njóta góðs af þeim. Við þökkum konunum í Sunnuhlíð kærlega fyrir þessa hlýju gjafir.