31. janúar 2008 : Enter-krakkarnir heimsækja Latabæ

Enter-hópurinn fór í heimsókn í myndver Latabæjar í gær og fékk mjög svo góðar móttökur. Hópurinn fékk fræðslu um starfsemi Latabæjar og kynningu á hinum ýmsu deildum fyrirtækisins. Krakkarnir skoðuðu meðal annars teiknideildina og sáu hvernig persónur í Latabæjarþáttunum eru búnar til á teikniborðinu. Þau sáu brúðurnar eins og Sigga sæta og Höllu hrekkjusvín og var sýnt hvernig þeim er stjórnað.

Þau fóru einnig í upptökusalinn og hittu sjálfan skapara Latabæjar, Magnús Scheving, sem dró fram íþróttaálfinn í sér og tók nokkrar leikfimiæfingar með krökkkunum. Hoppuðu þau og sprikluðu og reyndu að herma eftir alls konar hundakúnstum íþróttaálfsins. Krakkarnir voru svo leystir út með gjöfum, alsælir, eftir vel heppnaða heimsókn. Þökkum við Magnúsi og starfsfólki Latabæjar kærlega fyrir þessar góðu móttökur.

30. janúar 2008 : Markaður gekk vel

Um nýliðna helgi var haldinn enn einn markaðurinn hjá deildinni og gekk hann að venju vel. Áætla má að nærri þrjú hundruð manns hafi litið við hjá deildinni og væntanlega margir gert góð kaup. Sjálfboðaliðar deildarinnar sem sjá nánast alfarið um markaðinn og undirbúning hans hafa valið fatnaðinn sem er í mörgum tilvikum mjög góður og gullmolar þar innan um.

29. janúar 2008 : Hagkaup styrkja Föt sem framlag í þrjú ár

Hagkaup og Kópavogsdeild Rauða krossins hafa gert með sér samning um að Hagkaup styrki verkefnið Föt sem framlag árlega í þrjú ár. Styrkur Hagkaupa nemur um helmingi af kostnaði Kópavogsdeildar við verkefnið og gerir deildinni kleift að standa að verkefninu af þeim krafti og metnaði sem hugur stendur til.

Sjálfboðaliðar á öllum aldri sauma og prjóna fatnað fyrir verkefnið og útbúa ungbarnapakka sem sendir eru til neyðaraðstoðar víðs vegar um heim, mest til Malaví og Gambíu. Sjálfboðaliðar Kópavogsdeildar hafa frá árinu 2002 útbúið tæplega 3.000 ungbarnapakka en um 50 sjálfboðaliðar starfa við verkefnið. Síðasta miðvikudag hvers mánaðar kl. 16-18 mæta að jafnaði um 35 konur í sjálfboðamiðstöð deildarinnar til að vinna að verkefninu.

29. janúar 2008 : Námskeið fyrir fjöldahjálparstjóra

Námskeið fyrir fjöldahjálparstjóra var haldið í húsnæði Suðurnesjadeildar Rauða krossins síðastliðinn laugardag. Þrátt fyrir slæmt veður og vonda færð var góð þátttaka.

 

29. janúar 2008 : Námskeið fyrir fjöldahjálparstjóra

Námskeið fyrir fjöldahjálparstjóra var haldið í húsnæði Suðurnesjadeildar Rauða krossins síðastliðinn laugardag. Þrátt fyrir slæmt veður og vonda færð var góð þátttaka.

 

29. janúar 2008 : Austur- Húnavatnssýsludeild fer af stað með heimsóknaþjónustu

Námskeið fyrir heimsóknavini var haldið á Blönduósi á mánudaginn og sóttu það sjö konur.
 
Í kjölfar námskeiðsins bætist Austur- Húnavatnssýsludeild Rauða krossins í hóp þeirra deilda sem bjóða upp á þjónustu heimsóknavina.
 
Námskeiðið var með hefðbundnu sniði. Farið var yfir tilgang verkefnisins og verklag. Leiðbeinandi var Guðný H. Björnsdóttir svæðisfulltrúi á Norðurlandi og Einar Óli Fossdal formaður Austur -Húnavatssýsludeildar sagði frá starfi deildarinnar.

29. janúar 2008 : Austur- Húnavatnssýsludeild fer af stað með heimsóknaþjónustu

Námskeið fyrir heimsóknavini var haldið á Blönduósi á mánudaginn og sóttu það sjö konur.
 
Í kjölfar námskeiðsins bætist Austur- Húnavatnssýsludeild Rauða krossins í hóp þeirra deilda sem bjóða upp á þjónustu heimsóknavina.
 
Námskeiðið var með hefðbundnu sniði. Farið var yfir tilgang verkefnisins og verklag. Leiðbeinandi var Guðný H. Björnsdóttir svæðisfulltrúi á Norðurlandi og Einar Óli Fossdal formaður Austur -Húnavatssýsludeildar sagði frá starfi deildarinnar.

28. janúar 2008 : Neyðarsjúkrahús Rauða krossins – starf fyrir þig?

Hildur Magnúsdóttir er hjúkrunarfræðingur á Landspítala háskólasjúkrahúsi og hefur unnið sem sendifulltrúi fyrir Rauða krossins í átta löndum, síðast í Pakistan eftir jarðskjálftann í október 2005. Greinin birtist í Curator blaði hjúkrunarfræðinga.

28. janúar 2008 : Neyðarsjúkrahús Rauða krossins – starf fyrir þig?

Hildur Magnúsdóttir er hjúkrunarfræðingur á Landspítala háskólasjúkrahúsi og hefur unnið sem sendifulltrúi fyrir Rauða krossins í átta löndum, síðast í Pakistan eftir jarðskjálftann í október 2005. Greinin birtist í Curator blaði hjúkrunarfræðinga.

25. janúar 2008 : Rauði krossinn bregst við flóðum í sunnanverðri Afríku

Alþjóða Rauði krossinn hefur sent frá sér neyðarbeiðni sem hljóðar upp á tæpar 490 miljónir króna (8 milljónir svissneskra franka) til að styðja Rauða kross félög í suðurhluta Afríku í neyðarviðbrögðum þeirra vegna flóða.

 „Stöðugar rigningar síðasta mánuðinn hafa orðið til þess að ár hafa flætt yfir bakka sína, sérstaklega Zambezi fljótið. Af þeim sökum hafa flóð valdið miklu tjóni og búsifjum í Mósambík, Sambíu og Simbabve. Auk þess hafa stormar með hagléljum valdið miklum usla í Lesótó og Svasílandi. Í Caprivi héraði í Namibíu, sem og í Malaví hafa verið miklar rigningar upp á hvern einasta dag," segir Francoise Le Goff, yfirmaður svæðisskrifstofu Alþjóða Rauða krossins í suðurhluta Afríku, en sú skrifstofa styður öll Rauða kross félögin á svæðinu.

25. janúar 2008 : Ríkisstjórnin veitir fé til Rauða krossins vegna neyðaraðstoðar í Kenía

Utanríkisráðuneytið hefur veitt Rauða krossinum sjö milljónir króna til neyðaraðstoðar í Kenía. Féð rennur til aðgerða Alþjóða Rauða krossins og er framlag Íslands þá samtals tíu milljónir en Rauði kross Íslands lagði þrjár milljónir til hjálparstarfsins í byrjun janúar.

Ástandið í Kenía er ennþá spennuþrungið, sérstaklega í Nairóbí, Rift dalnum, í Mombassa og í vesturhluta landsins. Þrátt fyrir sáttaumleitanir, nú síðast með milligöngu Kofí Annan fyrrverandi aðalritara Sameinuðu þjóðanna, eru engin merki um að ástandið sé að lagast.

25. janúar 2008 : Sjálfboðaliðar óskast í Alþjóðlega foreldra

Kópavogsdeild óskar eftir góðu fólki til að sinna sjálfboðnum störfum í verkefninu Alþjóðlegir foreldrar. Markmið verkefnisins er að rjúfa félagslega einangrun innflytjenda sem eiga börn á aldrinum 0-6 ára. Alþjóðlegu foreldrarnir hittast vikulega með börnin sín, á fimmtudögum kl. 10.00-11.30, í sjálfboðamiðstöð deildarinnar. Á þessum samverum bjóðum velkomna foreldra allra landa sem eru heima með 0-6 ára börn sín og vilja hitta aðra með lítil börn. Boðið er upp á stutta íslenskukennslu fyrir foreldrana í hvert sinn ásamt fjölbreyttum kynningum og eru það sjálfboðaliðarnir sem sjá um dagskrána.

25. janúar 2008 : Afródans hjá Eldhugum

Í gær kom danskennari frá Kramhúsinu í sjálfboðamiðstöðina og kenndi Eldhugunum afródans frá Vestur-Afríku. Eldhugarnir lærðu ýmiss spor og settu þau svo saman í heilan dans. Þeir horfðu einnig á myndbrot af dönsurum í Afríku og fræddumst um dansinn sjálfan. Það hefur verið Afríku-þema hjá Eldhugunum undanfarið en í síðustu viku fengu þeir kynningu á Úganda í Austur-Afríku. Fræddust þeir um sögu landsins og aðstæður þar í dag. Sáu þeir einnig fjölmargar myndir af Úgandabúum og mjög svo grænu landi þeirra.

24. janúar 2008 : VegaHÚSIÐ á Egilsstöðum komið í stærra húsnæði

VegaHÚSIÐ var enduropnað í Sláturhúsinu sem er menningarsetur Fljótsdalshéraðs 22. janúar og í tilefni þess var haldin hátíð þar sem bæjarbúar fjölmenntu.

24. janúar 2008 : VegaHÚSIÐ á Egilsstöðum komið í stærra húsnæði

VegaHÚSIÐ var enduropnað í Sláturhúsinu sem er menningarsetur Fljótsdalshéraðs 22. janúar og í tilefni þess var haldin hátíð þar sem bæjarbúar fjölmenntu.

24. janúar 2008 : Sífellt bætist í hóp alþjóðlegra foreldra

Mikið líf og fjör var í sjálfboðamiðstöð Kópavogsdeildar í morgun þegar foreldrar mættu með börnin sín til að taka þátt í verkefninu Alþjóðlegir foreldrar. Alls mættu tíu foreldrar og þar af fimm nýjir. Koma foreldrarnir frá hinum ýmsu löndum eða Þýskalandi, Póllandi, Bandaríkjunum, Kanada, Guyana, Spáni og Svíþjóð auk íslensku þátttakendanna. Sáu þeir íslensku um dagskrána sem að þessu sinni snerist um líkamann og var því íslenskukennsla tengd honum. 

24. janúar 2008 : Fjör hjá Enter-krökkunum

Krakkarnir í Enter komu í sjálfboðamiðstöðina í gær. Það var mikið fjör hjá þeim en þau fóru í leiki og spiluðu á spil. Fannst þeim sérstaklega gaman í stoppdansleiknum þar sem þau gátu hoppað og dansað að hjartans list. Þau fengu einnig hund í heimsókn, tíkina Karó, og vakti hún mikla lukku. Krakkarnir fengu hana til að setjast og heilsa og launuðu henni það með sérstöku hundagóðgæti, knúsum og klappi.

22. janúar 2008 : 12 prósent Víkurbúa sóttu skyndihjálparnámskeið

Helgin hjá íbúum Víkur fór í að bæta skyndihjálparkunnáttuna. Rauða kross deildin í Vík stóð fyrir þremur námskeiðum. Starfsfólk sundlauganna í Vík og á Kirkjubæjarklaustri sótti 24 klukkustunda námskeið í Skyndihjálp og björgun. Síðan var haldið 16 kennslustunda námskeiði í almennri skyndihjálp fyrir aðra íbúa Víkur og að lokum var námskeið fyrir starfsfólk Vegagerðarinnar.

Þátttakendur voru 37 sem telst vera 12 % Víkurbúa. Yngsti þátttakandinn var 14 ára. Kennt var eftir nýrri bók Skyndihjálp og endurlífgun, þú getur hjálpað þegar á reynir.

22. janúar 2008 : 12 prósent Víkurbúa sóttu skyndihjálparnámskeið

Helgin hjá íbúum Víkur fór í að bæta skyndihjálparkunnáttuna. Rauða kross deildin í Vík stóð fyrir þremur námskeiðum. Starfsfólk sundlauganna í Vík og á Kirkjubæjarklaustri sótti 24 klukkustunda námskeið í Skyndihjálp og björgun. Síðan var haldið 16 kennslustunda námskeiði í almennri skyndihjálp fyrir aðra íbúa Víkur og að lokum var námskeið fyrir starfsfólk Vegagerðarinnar.

Þátttakendur voru 37 sem telst vera 12 % Víkurbúa. Yngsti þátttakandinn var 14 ára. Kennt var eftir nýrri bók Skyndihjálp og endurlífgun, þú getur hjálpað þegar á reynir.

22. janúar 2008 : Skráning hafin á námskeiðið Slys á börnum

Kópavogsdeild Rauða krossins heldur námskeiðið Slys á börnum 17. og 18. mars kl. 18-21 í Hamraborg 11, 2. hæð.

Á námskeiðinu er fjallað um varnir gegn slysum á börnum og orsakir slysa almennt, þroska barna og slys sem tengjast aldri. Leiðbeint er í skyndihjálp við barnaslysum og áverkum af ýmsu tagi, endurlífgun barna, andlegum undirbúningi við komu barna á sjúkrahús o.fl.

Námskeiðið getur gagnast öllum þeim sem umgangast börn hvort sem er í starfi eða daglegu lífi.

22. janúar 2008 : 12 prósent Víkurbúa sóttu skyndihjálparnámskeið

Helgin hjá íbúum Víkur fór í að bæta skyndihjálparkunnáttuna. Rauða kross deildin í Vík stóð fyrir þremur námskeiðum. Starfsfólk sundlauganna í Vík og á Kirkjubæjarklaustri sótti 24 klukkustunda námskeið í Skyndihjálp og björgun. Síðan var haldið 16 kennslustunda námskeiði í almennri skyndihjálp fyrir aðra íbúa Víkur og að lokum var námskeið fyrir starfsfólk Vegagerðarinnar.

Þátttakendur voru 37 sem telst vera 12 % Víkurbúa. Yngsti þátttakandinn var 14 ára. Kennt var eftir nýrri bók Skyndihjálp og endurlífgun, þú getur hjálpað þegar á reynir.

21. janúar 2008 : Hjálpfús áfram í Stundinni okkar

Samstarf Rauða krossins og Ríkissjónvarpsins um sýningar á Hjálpfúsi í Stundinni okkar heldur áfram í vetur. Í síðustu viku voru teknir upp átta þættir sem sýndir verða á næstu mánuðum.

Handritshöfundarnir eru fjórir en auk þeirra Þorgeirs Tryggvasonar og Sveinbjörns Ragnarssonar sem unnu handritin að fyrri þáttum bættust við þeir Ármann Guðmundsson og Sævar Sigurgeirsson. Eins og áður eru systkinin Anna og Ragnar leikin af þeim Bjögvini Franz Gíslasyni og Arnbjörgu Valsdóttur og Helga Arnalds er í hlutverki brúðunnar Hjálpfúss.

Það var líf og fjör í stúdíóinu meðan verið var að taka upp nýja þætti með Hjálpfúsi. Anna og Ragnar hafa ekkert breyst frá því í fyrra, eru með alls konar uppátæki og rífast oft.  Þá kemur Hjálpfús til skjalanna með góðar ábendingar og leysir málin.

18. janúar 2008 : Palestínumönnum neitað um mannsæmandi líf

Alþjóða Rauði krossinn gaf út skýrslu fyrir stuttu um ástandið á herteknu svæðunum í Palestínu, bæði á Veturbakkanum og á Gasaströndinni.

 

18. janúar 2008 : Skagafjarðardeild bregst við vegna bruna á Kaffi Krók

Skagafjarðardeild Rauða krossins var kölluð út af Brunavörnum Skagafjarðar um klukkan 1:30 í nótt vegna bruna á Kaffi Krók. Tveir sjálfboðaliðar deildarinnar voru mættir í húsnæði deildarinnar, sem er við hlið Kaffi Króks, tveimur mínútum síðar. Húsið var opið fyrir slökkviliðsmönnum og öðrum sem á þurftu að halda.
 
Stanslaus umferð fólks var fram yfir klukkan 5 þegar slökkvistarfi var formlega hætt.

Neyðarskipulag deildarinnar virkaði vel. Auðveldlega gekk að útvega nauðsynjar þar sem N1 og Bakarí Sauðárkróks brugðust vel við  þegar leitað var til þeirra.

18. janúar 2008 : Skagafjarðardeild bregst við vegna bruna á Kaffi Krók

Skagafjarðardeild Rauða krossins var kölluð út af Brunavörnum Skagafjarðar um klukkan 1:30 í nótt vegna bruna á Kaffi Krók. Tveir sjálfboðaliðar deildarinnar voru mættir í húsnæði deildarinnar, sem er við hlið Kaffi Króks, tveimur mínútum síðar. Húsið var opið fyrir slökkviliðsmönnum og öðrum sem á þurftu að halda.
 
Stanslaus umferð fólks var fram yfir klukkan 5 þegar slökkvistarfi var formlega hætt.

Neyðarskipulag deildarinnar virkaði vel. Auðveldlega gekk að útvega nauðsynjar þar sem N1 og Bakarí Sauðárkróks brugðust vel við  þegar leitað var til þeirra.

18. janúar 2008 : Vinabönd til styrktar börnum í Mósambík

Rauða kross deildinni á Skagaströnd voru afhentar 25 þúsund krónur sem eiga að renna til athvarfsins Boa Esperanca í Mapútó í Mósambík.

Það var 6. bekkur grunnskólans á Skagastörnd sem fékk þá hugmynd að útbúa vinabönd fyrir alla íbúa staðarins. Hreppsfélagið keypti öll böndin og voru þau borin í hvert hús á Skagaströnd í gær.

Krökkunum var veitt viðurkenning frá vikublaðinu Feyki, sem Norðvestlingar ársins 2007. Elsti og yngsti nemandinn
tóku við viðurkenningunni fyrir hönd krakkanna.

 

17. janúar 2008 : Alþjóðlegir foreldrar hittast aftur á nýju ári

Fyrsta samvera alþjóðlegra foreldra var í morgun í sjálfboðamiðstöð Kópavogsdeildar. Galvaskir foreldrar mættu með börnin sín og nýttu sér þetta tækifæri til að hitta aðra foreldra og læra íslensku. Þemað í morgun var fjölskyldan og fengu því þátttakendurnir kennslu tengdri henni. Sjálfboðaliðar Kópavogsdeildar sáu um dagskrána.

Markmið deildarinnar með verkefninu er að rjúfa félagslega einangrun innflytjenda sem eru heima með börn á aldrinum 0-6 ára. Allir foreldar, innflytjendur og innfæddir eru innilega velkomnir, hvort sem þeir tala enga íslensku eða litla.

17. janúar 2008 : Ungmennastarf í burðarliðum

Ungum sjálfboðaliðum hefur fjölgað mikið á Akranesi síðustu misserin. Í Fjölbrautaskóla Vesturlands er boðið upp á áfanga í sjálfboðastarfi sem Rauði krossinn á Akranesi sér alfarið um. 7 – 9 nemendur sinna að jafnaði sjálfboðastörfum á þessum forsendum. Nú er auk þess unnið að því að koma af stað hóp ungliða á aldrinum 13 – 15 ára. Hópur áhugasamra leiðbeinanda hittist á vinnufundi fyrir skemmstu og stefnt er á að hefja kynningu í grunnskólum á Akranesi á næstunni.
Þá er skyndihjálparhópur einnig í burðarliðum og mun hann að líkindum starfa í samvinnu við Björgunarfélag Akraness.
Þeir sem hafa áhuga á að taka þátt í þessum verkefnum geta haft samband á skrifstofu Rauða krossins á Akranesi í síma 431 2270 eða á netfangið steindal@redcross.is

16. janúar 2008 : Fatapakkar og íslenskukennsla

Nokkrar röskar konur í félagi eldri borgara á Eskifirði hittast tvisvar í viku til að prjóna og sauma. Afraksturinn fer í verkefnið Föt sem framlag sen Rauða kross deild Eskifjarðar fór af stað með síðastliðið haust. Nú þegar hafa þær klárað 43 fatapakka.

Þeir sem áhuga hafa á að vera með í verkefninu geta mætt á þriðjudögum klukkan 2 í Melbæ, félagi eldri borgara.

Þetta er ekki eina verkefnið sem þessar duglegu konur vinna að því tvisvar í viku milli klukkan 7 og 9 leiðbeina þær pólskum starfsmönnum sem búa á Eskifirði íslensku fyrir fræðslunet Austurlands í samstarfi við vinnuveitendur þeirra.

16. janúar 2008 : Skráning hafin á námskeið í skyndihjálp

Námskeið í almennri skyndihjálp verður haldið hjá Kópavogsdeild þriðjudaginn 4. mars. kl. 18-22. Námskeiðsgjald er 4.500 kr. og er skírteini sem staðfestir þátttöku innifalið. Á námskeiðinu læra þátttakendur grundvallaratriði í skyndihjálp og endurlífgun. Markmiðið er að þátttakendur verði hæfir til að veita fyrstu hjálp á slysstað.

15. janúar 2008 : Minni þróunaraðstoð – meiri þróunarsamvinnu!

Flestir þekkja af eigin reynslu hversu vandasamt getur verið að hjálpa öðru fólki, hvort sem um er að ræða okkar nánustu eða aðra sem við teljum hjálpar þurfi. Við finnum fyrir mikilli ánægjutilfinningu þegar vel tekst til og hjálpin gleður og kemur að gagni.

14. janúar 2008 : Sjálfboðaliðar óskast fyrir sumarmót Ungmennahreyfingarinnar

Sumarmót Ungmennahreyfingar Rauða krossins, Viðhorf og virðing, verður haldið dagana 13.- 17. ágúst 2008 að Löngumýri í Skagafirði. Mótið er fyrir unglinga á aldrinum 13-16 ára og miðast fjöldinn við 30 manns. Þátttökugjald og dagskrá verða birt á vefnum á næstunni og opnað verður fyrir skráningu 20. febrúar næstkomandi.

Dagskrá mótsins verður blanda af gamni og alvöru. Unnið verður með viðhorf þátttakenda til ýmissa hópa og fá þeir m.a. tækifæri til að setja sig í spor þeirra í formi hlutverkaleikja. Einnig verður mikið lagt upp úr leikjum, ferðum, kvöldvökum og annarri skemmtun.

Auglýst er eftir sjálfboðaliðum, 18 ára og eldri, til að starfa sem leiðbeinendur við mótið. Ekki er nauðsynlegt fyrir sjálfboðaliðana að vera allan tímann heldur gefst þeim kostur á að velja sér daga til að starfa við búðirnar. Þeir fá svo stundatöflu að loknu leiðbeinendanámskeiði sem haldið verður í apríl.

Áhugasamir geta haft samband við Jón Brynjar Birgisson, verkefnisstjóra URKÍ á landsskrifstofu Rauða kross Íslands í síma 570 4000 eða á netfangið jon@redcross.is.

14. janúar 2008 : Landsfélög Rauða krossins í sunnanverðri Afríku búa sig undir neyðarástand vegna flóða

Rauði krossinn í Mósmbík hefur kallað út rúmlega 400 sjálfboðaliða til björgunarstarfa á flóðasvæðum í landinu og hefur að minnsta kosti 200 manns verið bjargað úr sjálfheldu af láglendi. „Við erum með birgðir og sjálfboðaliða í norðurhluta landsins sem við getum kallað út, en hins vegar skortir okkur mjög fjármagn til að geta haldið flutningum gangandi.“ segir Fernanda Teixeira, framkvæmdastjóri mósambíska Rauða krossins.

Önnur landsfélög í sunnanverðri Afríku og sendinefnd Alþjóða Rauða krossins í Jóhannesarborg eru nú í viðbragðsstöðu vegna mikillar hættu á flóðum. Búist er við því að flóðin valdi enn meira tjóni í mörgum Afríkuríkjum, fyrst og fremst í Svasílandi, Lesotó, Malaví, Mósambík, Sambíu og Simbabve.

11. janúar 2008 : Þrír ungir kappar söfnuðu 5.760 krónum fyrir Rauða krossinn

Patrik Gunnarsson, Jón Otti Sigurjónsson og Elvar Guðmundsson komu í sjálfboðamiðstöð Kópavogsdeildar í vikunni og afhentu afrakstur tombólu sem þeir héldu til styrktar Rauða krossinum. Strákarnir eru sex og sjö ára og eru í 1. og 2. bekk Salaskóla. Þeir héldu tombólu hjá Nettó í Salahverfi og söfnuðu 5.760 krónum. Þökkum við þessum framtaksömu ungu köppum kærlega fyrir framlagið.

11. janúar 2008 : Gíslar í Kólumbíu leystir úr haldi fyrir milligöngu Rauða krossins

Alþjóða Rauði krossinn hafði milligöngu um að kólumbíski skæruliðahópurinn Byltingarher Kólumbíu leysti úr haldi gíslana Clöru Rojas og Consuelo González de Perdomo í gær.  Konurnar sem eru frá Venesúela höfðu verið í haldi skæruliðanna í fimm ár.

Tvær þyrlur á vegum Rauða krossins fluttu gíslana til Santo Domingo í Venesúela þaðan sem þær héldu áfram til fjölskyldna sinna til höfuðborgarinnar Caracas.

Alþjóða Rauði krossinn sendir þakkir til allra sem komu að málinu og þá sérstaklega kólumbísku ríkisstjórnarinnar og Byltingahers Kólumbíu fyrir þeirra þátt. Rauði krossinn vill þó lýsa yfir áhyggjum sínum vegna allra gísla sem eru í haldi hinna ýmsu vopnaðra uppreisnarherja í heiminum og minnir á þjáningar fjölskyldna og vina sem ekki hafa neinar upplýsingar um afdrif ástvina sinna.

10. janúar 2008 : Unglingar í Rauða krossinum eru í skemmtilegum verkefnum

Unglingastarf Reykjavíkurdeildar, URKÍ-R, er öflugt um þessar mundir. Tveir hópar hittast á hverjum fimmtudegi og funda. Annar hópurinn í Breiðholti, Álfabakka 14a, 3. hæð og hinn hópurinn í miðbænum á Laugavegi 120, 5. hæð.
 
Síðustu mánuði hafa verkefnin verið fjölbreytt. Meðal annars fengu krakkarnir leiklistarkennara til að kenna spuna og heimsóttu fataflokkun Rauða krossins og aðstoðuðu við fataflokkun. Einnig fengu þau fræðslu í skyndihjálp, heimsóttu aðrar Rauða kross deildir og leiklistarhópurinn Perlan kom í heimsókn.
 
Fyrir jól föndruðu hóparnir jólakort og skrifuðu í þau kveðju og fóru með á Elliheimilið Grund. Var vel tekið á móti þeim og í tilefni heimsóknarinnar söng kór nokkur vel valin jólalög. Krakkarnir röltu svo um heimili Grundar og afhentu vistmönnum jólakortin. 

10. janúar 2008 : Unglingar í Rauða krossinum eru í skemmtilegum verkefnum

Unglingastarf Reykjavíkurdeildar, URKÍ-R, er öflugt um þessar mundir. Tveir hópar hittast á hverjum fimmtudegi og funda. Annar hópurinn í Breiðholti, Álfabakka 14a, 3. hæð og hinn hópurinn í miðbænum á Laugavegi 120, 5. hæð.
 
Síðustu mánuði hafa verkefnin verið fjölbreytt. Meðal annars fengu krakkarnir leiklistarkennara til að kenna spuna og heimsóttu fataflokkun Rauða krossins og aðstoðuðu við fataflokkun. Einnig fengu þau fræðslu í skyndihjálp, heimsóttu aðrar Rauða kross deildir og leiklistarhópurinn Perlan kom í heimsókn.
 
Fyrir jól föndruðu hóparnir jólakort og skrifuðu í þau kveðju og fóru með á Elliheimilið Grund. Var vel tekið á móti þeim og í tilefni heimsóknarinnar söng kór nokkur vel valin jólalög. Krakkarnir röltu svo um heimili Grundar og afhentu vistmönnum jólakortin. 

10. janúar 2008 : Sex vinkonur safna flöskum til styrktar Rauða krossinum

Sex vinkonur úr Lindaskóla, þær Birta Líf, Guðrún, Katrín Linh, Ólafía Ósk, Diljá Rún og Helga Margrét, komu færandi hendi í sjálfboðamiðstöð Kópavogsdeildar í gær. Þær gengu í hús á dögunum í hverfinu sínu og söfnuðu flöskum til styrktar Rauða krossins. Þessar níu ára skemmtilegu stelpur voru aldeilis duglegar og söfnuðu alls 14.983 krónum. Það var tekið vel á móti þeim í sjálfboðamiðstöðinni og fengu þær fræðslu um upphaf, sögu og störf Rauða krossins. Þökkum við þeim kærlega fyrir þetta framtak.  
 

8. janúar 2008 : Þriðja útkallið á þremur dögum

Viðbragðshópur Rauða krossins veitti íbúum í fjölbýlishúsi í Jórufelli aðstoð vegna elds sem kom upp í hjólageymslu í sameign á jarðhæð

8. janúar 2008 : Þrjár milljónir í hjálparstarf vegna átakanna í Kenýa

Rauði kross Íslands hefur sent 3 milljónir til hjálparstarfs í Keníu vegna átakanna sem brutust út milli þjóðarbrota í landinu í kjölfar forsetakosninganna

8. janúar 2008 : Þrjár milljónir í hjálparstarf vegna átakanna í Kenýa

Rauði kross Íslands hefur sent 3 milljónir til hjálparstarfs í Keníu vegna átakanna sem brutust út milli þjóðarbrota í landinu í kjölfar forsetakosninganna þar 30. desember. Fjármagnið rennur í neyðarbeiðni Alþjóða Rauði krossins. Einn sendifulltrúi Rauða kross Íslands, Ómar Valdimarsson, er við störf í landinu.

Hundruð  manna eru talin hafa látið lífið eða særst í ofbeldisaðgerðum og tugir þúsunda hafa neyðst til að flýja heimili sín. Alþjóða Rauði krossinn sendi út sérstaka neyðarbeiðni vegna stóraukins stuðnings við Rauða krossinn í Kenýu. Jafnframt hefur verið sendur fjöldi hjálparstarfsmanna til að aðstoða fórnarlömb átakanna og vinna að dreifingu matvæla og annarra hjálpargagna ásamt sjálfboðaliðum Rauða krossins.

8. janúar 2008 : Mongólía: Rauði krossinn og samstarfsaðilar veita fræðslu um alnæmi og smitvarnir

Mongólski Rauði krossinn tók þátt í að halda fegurðarsamkeppni klæðskiptinga. Viðburðinum var ætlað að auka vitund um alnæmi meðal samkynhneigðra karlmanna.

7. janúar 2008 : Rauði krossinn aðstoðar vegna húsbruna í Tunguseli

Neyðarlínan leitaði til Rauða krossins klukkan sex í morgun vegna bruna í blokk í Tunguseli. Einn maður lést og nokkrir voru fluttir á slysadeild

7. janúar 2008 : Skyndihjálparmaður ársins 2007 - tilnefningar óskast

Veist þú um einhvern sem með snarræði sínu og réttum viðbrögðum bjargað mannslífi árið 2007?  Ef svo er - sendu okkur upplýsingar.

7. janúar 2008 : Sjálfboðaliðar óskast í Eldhuga og Enter

Kópavogsdeild Rauða krossins er þessa dagana að bæta við nýjum sjálfboðaliðum, 18 ára og eldri, í verkefnin Eldhugar og Enter. Verkefni sjálfboðaliða fela í sér að skipuleggja og stýra ungu fólki í spennandi viðfangsefnum. Fundir fyrir sjálfboðaliða í Enter og Eldhugum verða haldnir fimmtudaginn 10. janúar í sjálfboðamiðstöðinni Hamraborg 11.

Áhugasamir geta skráð sig í síma 554 6626 eða á kopavogur@redcross.is. Þeir sem ekki komast á fundina en hafa áhuga á verkefnunum geta samt tekið þátt og skulu endilega senda tölvupóst eða hringja. Nánari upplýsingar um þessi verkefni og önnur fylgja hér fyrir neðan.

6. janúar 2008 : Aðstoð vegna húsbruna á Neshaga

Rauði krossinn brást við beiðni Neyðarlínunnar klukkan 1:30 í nótt um að aðstoða fjölskyldu á Neshaga eftir að íbúð þeirra skemmdist þegar eldur kom upp í nærliggjandi íbúð. Tveir sjálfboðaliðar úr viðbragðshópi höfuðborgarsvæðis fóru á vettvang. Fólkinu var komið fyrir á hóteli og veittur sárænn stuðningur. Sjálfboðaliðarnir munu hitta fjölskylduna á morgun og fylgja henni heim til sín.

4. janúar 2008 : Grundaskóli styrkir börn í Malavaí.

Nemendur og starfsfólk Grundaskóla afhentu Rauða krossinum á dögunum 318.000 króna framlag til styrktar börnum í Malaví. Þessi glæsilega upphæð  var afrakstur jólasöfnunar sem hrundið var af stað í stað þess að gefa hefðbundnar jólagjafir innan skólans.

Það var Lóa Guðrún Gísladóttir, fulltrúi nemenda í Grundaskóla, sem afhenti Sveini Kristinssyni, formanni Arkanesdeildarinnar söfnunarféð.  Í ávarpi sem hún flutti af því tilefni kom fram að þetta er í þriðja sinn sem Grundaskóli styður með þessum hætti við uppbyggingarstarf í Malaví .

Rauði krossinn sendir nemendum og kennurum í Grundaskóla hugheilar þakkir fyrir framtakið. Það er ekki nokkur vafi á því að peningarnir koma í góðar þarfir. Rauði kross Íslands styður börn sem þjást vegna alnæmis í Malaví. Mörg þeirra hafa misst foreldra sína úr sjúkdómnum og þau fá ýmiss konar aðstoð svo að þau geti haldið áfram skólagöngu og komist til manns.

4. janúar 2008 : Grundaskóli styrkir börn í Malavaí.

Nemendur og starfsfólk Grundaskóla afhentu Rauða krossinum á dögunum 318.000 króna framlag til styrktar börnum í Malaví. Þessi glæsilega upphæð  var afrakstur jólasöfnunar sem hrundið var af stað í stað þess að gefa hefðbundnar jólagjafir innan skólans.

Það var Lóa Guðrún Gísladóttir, fulltrúi nemenda í Grundaskóla, sem afhenti Sveini Kristinssyni, formanni Arkanesdeildarinnar söfnunarféð.  Í ávarpi sem hún flutti af því tilefni kom fram að þetta er í þriðja sinn sem Grundaskóli styður með þessum hætti við uppbyggingarstarf í Malaví .

Rauði krossinn sendir nemendum og kennurum í Grundaskóla hugheilar þakkir fyrir framtakið. Það er ekki nokkur vafi á því að peningarnir koma í góðar þarfir. Rauði kross Íslands styður börn sem þjást vegna alnæmis í Malaví. Mörg þeirra hafa misst foreldra sína úr sjúkdómnum og þau fá ýmiss konar aðstoð svo að þau geti haldið áfram skólagöngu og komist til manns.

4. janúar 2008 : Grundaskóli styrkir börn í Malavaí.

Nemendur og starfsfólk Grundaskóla afhentu Rauða krossinum á dögunum 318.000 króna framlag til styrktar börnum í Malaví. Þessi glæsilega upphæð  var afrakstur jólasöfnunar sem hrundið var af stað í stað þess að gefa hefðbundnar jólagjafir innan skólans.

Það var Lóa Guðrún Gísladóttir, fulltrúi nemenda í Grundaskóla, sem afhenti Sveini Kristinssyni, formanni Arkanesdeildarinnar söfnunarféð.  Í ávarpi sem hún flutti af því tilefni kom fram að þetta er í þriðja sinn sem Grundaskóli styður með þessum hætti við uppbyggingarstarf í Malaví .

Rauði krossinn sendir nemendum og kennurum í Grundaskóla hugheilar þakkir fyrir framtakið. Það er ekki nokkur vafi á því að peningarnir koma í góðar þarfir. Rauði kross Íslands styður börn sem þjást vegna alnæmis í Malaví. Mörg þeirra hafa misst foreldra sína úr sjúkdómnum og þau fá ýmiss konar aðstoð svo að þau geti haldið áfram skólagöngu og komist til manns.

4. janúar 2008 : Rauði krossinn fékk 2,5 milljónir frá Sparisjóðnum til sjálfboðaliðaverkefnis sem eflir geðheilsu ungs fólks

Í gær afhenti Sparisjóðurinn átta félögum, sem láta sig geðheilsu ungs fólks varða, styrk að fjárhæð 21 milljónum króna. Rauði krossinn fékk rúmlega 2,5 milljónir í sinn hlut. Fjárhæðin kom úr styrktarátaki Sparisjóðsins fyrir börn og unglinga með geðraskanir, Þú gefur styrk, sem hófst þann 8. nóvember og lauk á aðfangadag.

Rauði krossinn mun verja styrknum í verkefnið Félagsvinur barna og unglinga sem er sjálfboðaliðaverkefni til stuðnings börnum og unglingum sem eiga við geðræn vandamál að stríða og/eða til stuðnings börnum sem eiga foreldri/foreldra með geðröskun. Félagsvinurinn (mentor) veitir stuðning samtímis meðferð (einstaklings-eða fjölskyldumeðferð) til þessara barna og unglinga með því að mynda traust, jákvætt og gefandi vináttusamband.

3. janúar 2008 : Ferðasaga frá Gambíu

Á vordögum fóru sjálfboðaliðar og starfsmenn frá deildum Rauða krossins á Suðurlandi og Suðurnesjum til Gambíu. Tilgangur ferðarinnar var að heimsækja Rauða kross deild í Lower River í Gambíu, kynnast starfsemi hennar og ræða fyrirhugað samstarf.

3. janúar 2008 : Flóttamenn í Kólumbíu búa við mikla örbirgð

Alþjóða Rauði krossinn (ICRC) og Matvælaáætlun Sameinuðu þjóðanna (World Food Programme - WFP) hafa kynnt nýja rannsókn á kjörum þeirra milljóna manna sem þurft hafa að yfirgefa heimili sin í Kólumbíu en hafa ekki flúið út fyrir landamærin. Rannsóknin náði til átta borga í Kólumbíu og sýnir að flóttafólkið er í hópi þeirra sem búa við mesta örbirgð í landinu. 25-52% barna á heimilum flóttafólks fá færri en þrjár máltíðir á dag vegna þess að foreldrar þeirra eiga ekki fyrir nægum mat.

Í rannsókninni kemur fram hvaða ráðstafanir hafa verið gerðar til að hjálpa flóttafólki á þeim stöðum þar sem það hefur helst sest að, en það er í borgunum Barranquilla, Bogota, Cartagena, Florencia, Medellin, Santa Marta, Sincelejo og Villavicencio. Flestar þær fjölskyldur sem neyðst hafa til að flýja heimili sín búa við mun meiri fátækt en heimamenn. Meirihluti flóttamanna er undir fátæktarmörkum (mánaðartekjur innan við 3200 ISK), sérstaklega í Medellin, Florencia, Baranquilla, Cartagena og Villavicencio.

3. janúar 2008 : Flóttamenn í Kólumbíu búa við mikla örbirgð

Alþjóða Rauði krossinn (ICRC) og Matvælaáætlun Sameinuðu þjóðanna (World Food Programme - WFP) hafa kynnt nýja rannsókn á kjörum þeirra milljóna manna sem þurft hafa að yfirgefa heimili sin í Kólumbíu en hafa ekki flúið út fyrir landamærin. Rannsóknin náði til átta borga í Kólumbíu og sýnir að flóttafólkið er í hópi þeirra sem búa við mesta örbirgð í landinu. 25-52% barna á heimilum flóttafólks fá færri en þrjár máltíðir á dag vegna þess að foreldrar þeirra eiga ekki fyrir nægum mat.

Í rannsókninni kemur fram hvaða ráðstafanir hafa verið gerðar til að hjálpa flóttafólki á þeim stöðum þar sem það hefur helst sest að, en það er í borgunum Barranquilla, Bogota, Cartagena, Florencia, Medellin, Santa Marta, Sincelejo og Villavicencio. Flestar þær fjölskyldur sem neyðst hafa til að flýja heimili sín búa við mun meiri fátækt en heimamenn. Meirihluti flóttamanna er undir fátæktarmörkum (mánaðartekjur innan við 3200 ISK), sérstaklega í Medellin, Florencia, Baranquilla, Cartagena og Villavicencio.

2. janúar 2008 : Áætlanagerð vegna inflúensufaraldurs

Þann 10. desember síðastliðinn stóðu almannavarnadeild ríkislögreglustjóra og landlæknisembættið fyrir skrifborðsæfingu um viðbrögð vegna inflúensufaraldurs. Áætlanagerð hefur staðið yfir í tvö ár og er þetta umfangsmesta viðbragðsáætlun sem unnin hefur verið hér á landi. Ýmsir aðilar hafa komið að málum svo sem Rauði kross Íslands sem hefur m.a. tekið þátt í vinnuhópum um sjúkraflutninga, dreifingu nauðsynja og nú síðast í nýstofnuðum vinnuhópi um inflúensusíma.

 

Rauði krossinn tók ekki beinan þátt í æfingunni, heldur fylgdust fulltrúar hans með henni sem áhorfendur, enda var markmið æfingarinnar fyrst og fremst að æfa samskipti milli lögregluembætta og sóttvarnaumdæma. 15 aðgerðastjórnir voru að störfum um allt land, auk þess sem starfsmenn ríkislögreglustjóra og landlæknisembættisins stóðu vaktina í Samhæfingarstöðinni í Skógarhlíð. Æfð voru drög að landsáætlun en í kjölfarið munu sóttvarnasvæðin gera ítarlegri áætlanir sem Rauða kross deildir munu væntanlega koma frekar að.

2. janúar 2008 : Spennuástand í kjölfar forsetakosninga í Kenýa

Mikil spenna ríkir í Kenýa í kjölfar forsetakosninganna í landinu. Að sögn Ómars Valdimarssonar, sendifulltrúa Rauða kross Íslands sem dvelur í Naíróbí ásamt fjölskyldu sinni, er þó allt með kyrrum kjörum í höfuðborginni eins og er. 

Óttast er að óeirðir kunni að brjótast aftur út fimmtudaginn 3. janúar en þá mun Raila Odinga sem laut í lægri haldi fyrir Mwai Kibaki forseta efna til útifundar í Naíróbí ásamt stuðningsmönnum sínum.

Að sögn Ómars eru allar verslanir lokaðar og fáir á ferli í borginni. Starfsmenn Alþjóða Rauða krossins í Kenýa hafa hægt um sig en eru í viðbragðsstöðu ef ástandið í landinu versnar.

2. janúar 2008 : Spennuástand í kjölfar forsetakosninga í Kenýa

Mikil spenna ríkir í Kenýa í kjölfar forsetakosninganna í landinu. Að sögn Ómars Valdimarssonar, sendifulltrúa Rauða kross Íslands sem dvelur í Naíróbí ásamt fjölskyldu sinni, er þó allt með kyrrum kjörum í höfuðborginni eins og er. 

Óttast er að óeirðir kunni að brjótast aftur út fimmtudaginn 3. janúar en þá mun Raila Odinga sem laut í lægri haldi fyrir Mwai Kibaki forseta efna til útifundar í Naíróbí ásamt stuðningsmönnum sínum.

Að sögn Ómars eru allar verslanir lokaðar og fáir á ferli í borginni. Starfsmenn Alþjóða Rauða krossins í Kenýa hafa hægt um sig en eru í viðbragðsstöðu ef ástandið í landinu versnar.