Námskeið fyrir heimsóknavini var haldið fimmtudaginn 28. febrúar hjá Akureyrardeild og sóttu það átján sjálfboðaliðar. Var námskeiðið  einkum  ætlað þeim heimsóknavinum sem heimsækja þá gestgjafa sem haldnir eru geðröskun.

Leiðbeinandi var Guðbjörg Sveinsdóttir, geðhjúkrunarfræðingur og vorum menn mjög ánægðir með fræðsluerindi hennar.

Aðalfundur Skagafjarðardeildar var haldinn s.l. miðvikudag í húsnæði deildarinnar. Ágætis mæting var eða um 16 félagar.

Auk venjulegra aðalfundarstarfa kom góður gestur Paola Cardenas frá landsskrifstofu Rauða krossins með fræðandi erindi um málefni innflytjenda, auk þess sem hún kynnti ný verkefni félagsins Sjálfboðaliðinn Ragnar Berg Andrésson var heiðraður fyrir vel unnin störf í þágu deildarinnar. Hann hefur um áraraðir selt dagatöl í Skagfirðingabúð fyrir hver jól frá Þroskahjálp ásamt skyndihjálpartöskum. Tók Ragnar við viðurkenningu ásamt nýrri Rauða kross peysu sem hann getur notað í óeigingjörnu sjálfboðastarfi fyrir deildina.

Talsvert á annað hundrað manns tóku þátt í blómlegu ungmennastarfi hjá Kópavogsdeild á síðasta ári. Alls tóku 40 börn af ýmsum þjóðernum þátt í Enter og með þeim störfuðu 15 sjálfboðaliðar. Þátttakendur í Eldhugum voru 38 og þeim til aðstoðar voru 25 sjálfboðaliðar. Sjálfboðaliðarnir eru flestir á þrítugsaldri. Þá tóku 19 nemendur í Menntaskólanum í Kópavogi þátt í starfi deildarinnar í áfanga um sjálfboðið starf.

Framlag ungra Kópavogsbúa til Rauða kross deildarinnar nam nær 40 þúsund krónum á síðasta ári og verður fénu varið til þess að hjálpa börnum í Malaví í suðurhluta Afríku. Börnin öfluðu fjárins meðal annars með tombólum og flöskusöfnun. Kópavogsdeild veitti alls 434.465 krónur til neyðaraðstoðar erlendis á síðasta ári en auk þess söfnuðust átta milljónir króna til neyðaraðstoðar í sameiginlegri fatasöfnun deildanna á höfuðborgarsvæðinu. Þetta kemur fram í nýútgefinni ársskýrslu deildarinnar.

Alþjóða Rauði krossinn lýsti í gær yfir áhyggjum sínum vegna átaka sem blossað hafa upp að nýju á Gazasvæðinu og ísraelskum þorpum í nágrenninu. Átökin bitna sem fyrr mest á almennum borgurum, og þá sérstaklega á börnum.
 
Fjöldi eldskeyta hefur verið varpað á ísraelsku þorpin Ashkelon and Sderot og lent bæði á íbúahverfum og á sjúkrahúslóð í einu tilviki. Ísraelsher hefur brugðist við eldskeytunum með flugárásum á Gazasvæðinu. Almennir borgarar eru meðal þeirra sem hafa fallið eða særst.
 
„Lífi almennra borgara bæði í Gaza og í Ísrael er stefnt í hættu í þessum átökum," sagði Christoph Harnisch, yfirmaður sendinefndar Alþjóða Rauða krossins í Ísrael og hernumdu svæðunum. „Alþjóða Rauði krossinn hvetur stríðandi aðila til að hætta árásunum og minnir þá jafnframt á skyldu þeirra að fara að alþjóðlegum mannúðarlögum í einu og öllu."

Í dag fer fram umfangsmikil neyðarvarnaræfing á landsskrifstofu Rauða krossins þar sem starfsmenn æfa viðbrögð við neyð. Öll starfssvæði landsskrifstofu verða virkjuð samkvæmt viðbragðsáætlun landsskrifstofunnar ef undan er skilið símaver Hjálparsímans, 1717. Einnig verða deildir Árnessýslu virkjaðar eins og um raunverulega neyð væri að ræða.

 

Æfingin tekur mið af því að tvær rútur lenda saman í uppsveitum Árnessýslu. Fjölmargir farþegar eru í rútunum, bæði innlendir og erlendir, og slasast margir, misalvarlega.

Þessa vikuna standa yfir Opnir dagar í Fjölbrautaskóla Vesturlands á Akranesi, en þá leggja nemendur hefðbundið nám á hilluna og takast á við önnur og ólík verkefni.

Rauði krossinn á Akranesi  var með tvö innlegg á opnum dögum.  Anna Lára Steindal fjallaði um Ef bara ég hefði vitað, sálrænan stuðning fyrir ungt fólk á vef Rauða krossins, og kynnti líka verkefnið Hvað viltu vita? sem felst í kynfræðslu og ráðgjöf fyrir ungt fólk á aldrinum 13 – 20 ára. Ráðgjöfin er veitt á msn  ([email protected]), í tölvupósti ([email protected]) eða í hjálparsímanum 1717.

Sjálfboðaliðum Kópavogsdeildar fjölgaði um nær þriðjung á síðasta ári, úr 182 í 240, og varð fjölgunin einkum í þremur verkefnum. Heimsóknavinum fjölgaði úr 71 í 87, fjöldi sjálfboðaliða í verkefninu Föt sem framlag margfaldaðist og sex sjálfboðaliðar voru skráðir í nýtt verkefni, Alþjóðlega foreldra, sem hófst haustið 2007. Þetta kom fram í máli Garðars H. Guðjónssonar formanns á fjölmennum aðalfundi sem haldinn var í gærkvöldi. Garðar var endurkjörinn formaður til tveggja ára á fundinum. Hann vakti athygli á því í setningarávarpi sínu að deildin fagnar tveimur merkum áföngum á árinu. Deildin verður fimmtíu ára í maí og athvarfið Dvöl fagnar tíu ára afmæli í haust.

Í morgun heimsótti hópur barna í 5. og 6.bekk í Grundaskóla Rauða krossinn á Akranesi og fékk fræðslu um starfsemi félagsins. Heimsóknin var liður í valáfanga sem fjallar um mannúðarstörf og skyndihjálp.

Krakkarnir byrjuðu á því að horfa á Sagan að baki hugmyndir, sem segir frá því hvernig Henry Dunant fékk hugmyndina að stofnun Rauða krossins og hrinti henni í framkvæmd. Voru krakkarnir sammála um að það væri mjög hvetjandi til góðra verka að átta sig á því hversu miklu Dunant kom til leiðar með því að fylgja mannúðarhugsjón sinni eftir.  Þegar sýningu myndarinnar lauk var fjallað um verkefni Rauða krossins á  Akranesi og spjallað vítt og breytt um mannúðarstarf, fordóma og  hvernig krakkar geta hjálpað þeim sem eiga um sárt að binda.

Kólumbísku flóttakonurnar sem komu til landsins síðasta haust tóku þátt í skyndihjálparnámskeiði í gær. Á námskeiðinu var lögð áhersla á þau atriði slysaforvarna og skyndihjálpar sem eiga erindi við foreldra og forráðamenn barna. Meðal annars var fjallað um lykilatriði skyndihjálpar, hvernig gera á að sárum, stöðva blæðingu og þekkja helstu einkenni alvarlegra veikinda hjá börnum auk endurlífgunar.

Eftir námskeiðið fóru konurnar í heimsókn í Forvarnarhús Sjóvá. Þar voru þær fræddar um slysaforvarnir í heimahúsum og umferðinni og voru leystar út með gjöfum.

Leiðbeinandi á námskeiðinu var Margrét Halldórsdóttir en henni til aðstoðar voru Paola og Luciano sem sáu um spænska þýðingu.

Kólumbísku flóttakonurnar sem komu til landsins síðasta haust tóku þátt í skyndihjálparnámskeiði í gær. Á námskeiðinu var lögð áhersla á þau atriði slysaforvarna og skyndihjálpar sem eiga erindi við foreldra og forráðamenn barna. Meðal annars var fjallað um lykilatriði skyndihjálpar, hvernig gera á að sárum, stöðva blæðingu og þekkja helstu einkenni alvarlegra veikinda hjá börnum auk endurlífgunar.

Eftir námskeiðið fóru konurnar í heimsókn í Forvarnarhús Sjóvá. Þar voru þær fræddar um slysaforvarnir í heimahúsum og umferðinni og voru leystar út með gjöfum.

Leiðbeinandi á námskeiðinu var Margrét Halldórsdóttir en henni til aðstoðar voru Paola og Luciano sem sáu um spænska þýðingu.

Skyndihjálparhópurinn kom saman um nýliðna helgi og hélt áfram að undibúa sig  og bæta við sig kunnáttu. Í þetta skipti voru sett á svið slys  þar sem búið var að slysafarða helming hópsins  og hinn helmingur hópsins glímdi við að bjarga þeim slösuðu.  Karl Lúðvíksson hafði veg og vanda af förðunninni og hann og Jón Knutsen settu upp slysavettvanginn.

Á dögunum var haldin þjóðahátíð í Þorlákshöfn og er það í annað sinn sem hátíð af þessu tagi er haldin í bænum. Að þessu sinni var lögð áhersla á að kynna eftirfarandi lönd; Tæland, Mongólíu, Filippseyjar, Pólland, Tékkland, Danmörk og Ísland.

Öll löndin voru með kynningarbása þar sem ýmiss menning landanna var kynnt með myndum, hlutum og matvælum auk þess sem margir klæddumst dæmigerðum fatnaði sinnar þjóðar og svöruðu spurningum gesta. 

Árnesingadeild Rauða krossins, sem styrkti hátíðina, var einnig með kynningarbás þar sem sjálfboðaliðar kynntu félagið og verkefni deildarinnar. Fjölmörg skemmtiatriði voru flutt, meðal annars dans, söngur og upplestur. Ungar stúlkur, ein frá hverju landi, fluttu ljóð frá sínu heimalandi.

Aðalfundur Kópavogsdeildar Rauða kross Íslands verður haldinn miðvikudaginn 27. febrúar kl. 20 í sjálfboðamiðstöðinni Hamraborg 11, 2. hæð. Allir sjálfboðaliðar deildarinnar eru hvattir til að mæta til að taka þátt í því að gera upp síðasta starfsár og leggja á ráðin með framhaldið.

Dagskrá:
Venjuleg aðalfundarstörf.
Önnur mál.

Auk hefðbundinna aðalfundarstarfa verða sýndar myndir úr starfi deildarinnar síðastliðið ár. Í lok fundar verður boðið upp á góðar veitingar.

Sjáumst vonandi sem flest.

Á dögunum var haldin þjóðahátíð í Þorlákshöfn og er það í annað sinn sem hátíð af þessu tagi er haldin í bænum. Að þessu sinni var lögð áhersla á að kynna eftirfarandi lönd; Tæland, Mongólíu, Filippseyjar, Pólland, Tékkland, Danmörk og Ísland.

Öll löndin voru með kynningarbása þar sem ýmiss menning landanna var kynnt með myndum, hlutum og matvælum auk þess sem margir klæddumst dæmigerðum fatnaði sinnar þjóðar og svöruðu spurningum gesta. 

Árnesingadeild Rauða krossins, sem styrkti hátíðina, var einnig með kynningarbás þar sem sjálfboðaliðar kynntu félagið og verkefni deildarinnar. Fjölmörg skemmtiatriði voru flutt, meðal annars dans, söngur og upplestur. Ungar stúlkur, ein frá hverju landi, fluttu ljóð frá sínu heimalandi.

Námskeið fyrir fjöldahjálparstjóra var haldið í grunnskólanum á Hólmavík á laugardaginn. Þátttakendurnir, átta að tölu, komu frá Hólmavík og Drangsnesi og var helmingur þeirra að sækja námskeið sem þetta í fyrsta sinn en aðrir að endurnýja réttindi sín.
 
Námskeiðið samanstóð af fyrirlestrum, verklegum æfingum og umræðum. Æfðu þátttakendur sig í viðbrögðum við hópslysi og að opna fjöldahjálparstöð í skólanum, sem jafnframt er ein af fjöldahjálparstöðvum deildarinnar en þær eru alls sjö, enda starfssvæði deildarinnar stórt. Það nær frá Bæjarhreppi norður allar Strandir og inní Ísafjarðardjúp.

Námskeið fyrir fjöldahjálparstjóra var haldið í grunnskólanum á Hólmavík á laugardaginn. Þátttakendurnir, átta að tölu, komu frá Hólmavík og Drangsnesi og var helmingur þeirra að sækja námskeið sem þetta í fyrsta sinn en aðrir að endurnýja réttindi sín.
 
Námskeiðið samanstóð af fyrirlestrum, verklegum æfingum og umræðum. Æfðu þátttakendur sig í viðbrögðum við hópslysi og að opna fjöldahjálparstöð í skólanum, sem jafnframt er ein af fjöldahjálparstöðvum deildarinnar en þær eru alls sjö, enda starfssvæði deildarinnar stórt. Það nær frá Bæjarhreppi norður allar Strandir og inní Ísafjarðardjúp.

Ungmennadeild Rauða krossins í Hafnarfirði bauð Eldhugunum í heimsókn í síðustu viku til fræðslu- og tónleikaveislu. Fyrst sögðu tveir sjálfboðaliðar Rauða krossins í Gambíu frá störfum sínum þar í landi en þeir eru á Íslandi í boði Reykjavíkurdeildar Rauða kross Íslands. Kynntu þeir gambíska Rauða krossinn og hvernig sjálfboðnum störfum er háttað þar. Síðan tóku við tónleikar hjá hljómsveitinni Ljótu hálfvitarnir og hélt hún uppi miklu fjöri í rúma klukkustund fyrir Eldhugana og gestgjafa þeirra í Hafnarfjarðardeildinni.

Haldinn var í síðustu viku samstarfsfundur Borgarfjarðardeildar Rauða krossins og Grunnskólans í Borgarnesi með foreldrum erlendra nemenda sem stunda nám í Grunnskólanum. Foreldrar frá hinum ýmsu löndum sóttu fundinn.

Paola Cardenas verkefnisstjóri í málefnum útlendinga á landsskrifstofu Rauða krossins hélt erindið ,,Að aðlagast í nýju samfélagi/þjóðfélagi“. Paola kemur frá Venesúela og hefur búið á Íslandi í átta ár. Talaði hún m.a. um hvernig væntingar og draumar sem eiga að rætast í nýju landi standast oft ekki þegar nýr hversdagsleiki gerir vart við sig og hlutirnir eru ekki eins einfaldir og maður hélt.

Lækur, athvarf fyrir fólk með geðraskanir, í Hafnarfirði hefur nú opið á laugardögum milli klukkan 12:00 og 15:00. Lækur er staðsettur að Hörðuvöllum 1.

Lækur, athvarf fyrir fólk með geðraskanir, í Hafnarfirði hefur nú opið á laugardögum milli klukkan 12:00 og 15:00. Lækur er staðsettur að Hörðuvöllum 1.

Rauði kross Íslands hefur sent tæpa eina milljón króna til að aðstoða systurfélag sitt í Ísrael, Magen David Adom (Rauðu Davíðsstjörnuna)

Það var oft handagangur í öskjunni hjá skyndihjálparhópum Reykjavíkurdeildar og ungmenna á Austurlandi í sameiginlegri æfingarferð þeirra um síðustu helgi í Alviðru í Ölfusi.

Það var oft handagangur í öskjunni hjá skyndihjálparhópum Reykjavíkurdeildar og ungmenna á Austurlandi í sameiginlegri æfingarferð þeirra um síðustu helgi í Alviðru í Ölfusi.

Það var oft handagangur í öskjunni hjá skyndihjálparhópum Reykjavíkurdeildar og ungmenna á Austurlandi í sameiginlegri æfingarferð þeirra um síðustu helgi í Alviðru í Ölfusi.

Það var oft handagangur í öskjunni hjá skyndihjálparhópum Reykjavíkurdeildar og ungmenna á Austurlandi í sameiginlegri æfingarferð þeirra um síðustu helgi í Alviðru í Ölfusi.

Sjúkra- og heimsóknavinir Akranesdeildarinnar héldu aðalfund sinn 20. febrúar. Á fundinum var tilkynnt að Sveinsína Árnadóttir, sem verið hefur hópstjóri frá því að verkefninu var hrint úr vör árið 1974, gefur ekki kost á sér til áframhaldandi setu sem stjórnandi. Sveinsínu þökkum við kærlega frábær störf undanfarna áratugi og óskum henni velfarnaðar.  

Á næstu vikum verður ráðist í ítarlega kynningu á verkefninu með það að markmiði að fjölga heimsóknavinum. Þeir sem hafa áhuga á því að starfa sem sjálfboðaliði að því að rjúfa félagslega einangrun og auka lífsgæði fólks sem á erfitt er bent á að hafa samband á skrifstofu deildarinnar í síma 431 2270 eða senda tölvupóst á [email protected].

Á fundinum var einnig fjallað um  nýtt verkefni sem sjúkravinir eru að skipuleggja,  en það er að sauma sjúkravesti, ekki ólík þeim sem sjúkraflutningamenn klæðast,  á bangsa sem hafðir verða í sjúkrabílum á Akranesi . Bangsarnir eru gjöf til barna sem þurfa á sjúkraflutningum að halda

Jóna Guðný Arthúrsdóttir, sjálfboðaliði Kópavogsdeildar, hefur verið tilnefnd til samfélagsverðlauna Fréttablaðsins sem verða veitt næstkomandi þriðjudag. Á fjórða hundrað ábendinga bárust í keppnina. Samfélagsverðlaunin eru veitt í fjórum flokkum og fimm einstaklingar eru tilnefndir í hverjum flokki. Jóna Guðný er tilnefnd í flokkinn Hvunndagshetja.

Sumarmót Ungmennahreyfingar Rauða krossins, Viðhorf og virðing, verður haldið dagana 13.- 17. ágúst 2008 að Löngumýri í Skagafirði. Mótið er opið öllum unglingum á aldrinum 13-16 ára. Þátttökugjald er 20.000 krónur og innifalið í því er akstur til og frá Reykjavík, gisting, fullt fæði og þátttaka í öllum dagskrárliðum.

Í dagskrá mótsins er blandað saman bæði gamni og alvöru. Unnið verður með viðhorf þátttakenda til ýmissa hópa og fá þeir meðal annars tækifæri til að setja sig í spor þeirra í formi hlutverkaleikja. Einnig verður mikið lagt upp úr leikjum, ferðum, kvöldvökum og annarri skemmtun.

Vegna mistaka sem birtust í auglýsingu í Morgunblaðinu í dag, 20. febrúar, skal tekið fram að aðalfundur Kópavogsdeildar Rauða kross Íslands verður haldinn miðvikudaginn 27. febrúar kl. 20 í sjálfboðamiðstöðinni Hamraborg 11, 2. hæð.

Allir sjálfboðaliðar deildarinnar eru hvattir til að mæta til að taka þátt í því að gera upp síðasta starfsár og leggja á ráðin með framhaldið.

Vopnafjarðardeild Rauða kross Íslands hélt aðalfund þann 16. febrúar síðastliðinn. Farið var yfir ársreikninga, skýrslu formanns og verkefnaáætlun kynnt.

Myndast hefur góður hópur alþjóðlegra foreldra sem hittist vikulega í sjálfboðamiðstöð Kópavogsdeildar með börnin sín. Þá er mikið spjallað, hlegið og skipst á ráðum varðandi ungabörn og lífið á Íslandi. Einnig er stutt íslenskukennsla hverju sinni eða fræðsla. Hópurinn hittist á fimmtudögum kl. 10-11.30 og á morgun kemur starfsmaður frá Alþjóðahúsi í heimsókn og verður með fræðslu um starfsemi og þjónustu Alþjóðahússins fyrir innflytjendur. Allir eru velkomnir, innfæddir eða innflytjendur, hvort sem þeir tala enga eða einhverja íslensku.

Gert hefur verið nýtt og betrumbætt vefsvæði fyrir leiðbeinendur í skyndihjálp. Viðmótið á vefnum er persónulegra en áður og geta leiðbeinendur uppfært persónulegar upplýsingar

 

Fimmtudaginn 28. febrúar kl. 17:00 mun Guðbjörg Sveinsdóttir geðhjjúkrunarfræðingur vera með fræðslu um geðsjúkdóma.

Fræðslan er hugsuð fyrir sjálfboðaliða í heimsóknarþjónustu, sjálfboðaliða í athvörfum  og aðra áhugasama.

Staður: Húsnæði Rauða krossins, Viðjulundi 2, Akureyri
 
Skráning

Nánari upplýsingar í síma 461 2374  eða á [email protected]
 

Um þessar mundir eru staddir á Íslandi tveir sjálfboðaliðar frá Rauða krossinum í Gambíu, þeir Alien og Alagier. Þeir hafa verið að kynna sér störf Rauða krossins á Íslandi og kynna það starf sem fram fer á vegum Rauða krossins í Gambíu og fræða Íslendinga um land sitt og þjóð.

Alien og Alagier heimsóttu Akranesdeild Rauða krossins í vikunni og fóru m.a. í Fjölbrautaskóla Vesturlands. Fyrst hittu þeir nemendur í lífsleikni, fluttu fyrirlestur um störf gambíska Rauða krossins og sýndu fræðslumynd um lífið og fólkið í Gambíu. Að því loknu fóru þeir í kynnisferð um skólann í fylgd Atla Harðarsonar aðstoðarskólameistara.

Vilt þú taka þátt í gefandi starfi? Kópavogsdeild óskar eftir sjálfboðaliðum til að gerast heimsóknavinir og sinna heimsóknaþjónustu. Heimsóknavinirnir rjúfa einsemd og félagslega einangrun fólks með heimsóknum á einkaheimili og stofnanir. Þeir veita félagsskap m.a. með því að spjalla, lesa fyrir viðkomandi, leika á hljóðfæri og fara í gönguferðir.

Undirbúningsnámskeið verður haldið í sjálfboðamiðstöðinni Hamraborg 11 þriðjudaginn 26. febrúar kl. 18.00-22.00. Námskeiðið er ókeypis og opið öllum áhugasömum.

Alþjóða Rauði krossinn hefur uppfært neyðarbeiðni sína vegna flóðanna í sunnanverðri Afríku. Óskað er eftir sem svarar tæplega 700 milljónum íslenskra króna.

Í kjölfar rýmingaræfingar vegna bruna í Borgarhólsskóla á Húsavík æfði Rauða kross deild Húsavíkur opnun fjöldahjálparstöðvar í skólanum.

Nemendur úr þriðja bekk Breiðagerðisskóla gáfu Rauða krossinum um tíu þúsund krónur sem þeir söfnuðu með ýmsum leiðum til styrktar barna úti í heimi sem þurfa á aðstoð að halda. Sjálfboðaliðar frá Rauða krossinum í Gambíu, sem eru hér á landi til að kynna sér ýmis verkefni Rauða kross Íslands, tóku á móti söfnunarfénu fyrir hönd félagsins.

Söfnunarféð fer í styrktarsjóð sem rennur til ungmenna- og barnastarfs Rauða krossins víða um heim, til dæmis voru peningar sem söfnuðust árið 2007 notaðir til að hjálpa börnum í Malaví í suðurhluta Afríku.

Nemendurnir fengu sér göngutúr og heimsóttu landskrifstofu Rauða krossins ásamt kennurum sínum og afhendu starfsmönnum söfnunarféð.

Rauða kross deild Ísafjarðar og Menntaskólinn á Ísafirði hófu í byrjun árs samstarf um fræðslu og þátttöku nemenda í sjálfboðnu starfi.

Í tilefni af 112-deginum sem haldinn var á vegum viðbragðsaðila í björgun og almannavörnum um allt land, gaf Rauði kross Íslands með styrk frá N1 öllum leikskólum, grunnskólum, framhaldsskólum og háskólum á landinu skyndihjálparveggspjaldið „Getur þú hjálpað…þegar á reynir?”.  Kópavogsdeild Rauða krossins sendi öllum þessum tilteknu aðilum veggspjaldi, alls 32.

Rauða kross deildin í Austur Húnavatnssýslu afhenti Rúnari Þór Njálssyni viðurkenningu fyrir einstakt björgunarafrek á 112 deginum sl. mánudag.

Rauða kross deildin í Austur Húnavatnssýslu afhenti Rúnari Þór Njálssyni viðurkenningu fyrir einstakt björgunarafrek á 112 deginum sl. mánudag.

Undanfarin ár hefur Rauði krossinn staðið fyrir námskeiðum fyrir fólk með geðraskanir, aðstandendur þeirra og áhugafólk. Í kjölfarið hafa verið stofnaðir sjálfshjálparhópar fólks með geðraskanir og einnig meðal aðstandenda. Það getur reynst erfitt að halda sjálfshjálparhópum starfandi til lengdar og býður því Rauði krossinn upp á fræðslu/handleiðslu um hvernig best er að halda sjálfshjálparhóp virkum og „lifandi“. Fyrsti fundurinn var haldinn fyrir höfuðborgarsvæðið í nóvember.
 
Í síðustu viku var haldinn fræðslufundur á Ísafirði og sóttu hann rúmlega 30 manns. Helga G. Halldórsdóttir sviðsstjóri innanlandssviðs Rauða krossins greindi frá aðdraganda og markmiðum með fræðslunni og Einar Guðmundsson geðlæknir fór yfir þau atriði sem skipta máli í starfi og virkni hópastarfs til þess að sjálfshjálparhópar eflist og dafni. Leitast var við að fá viðbrögð gesta og reynslusögur þeirra sem starfað hafa í sjálfshjálparhópum. Margrét Ómarsdóttir formaður Barnageðs og Eggert S. Sigurðsson frá Geðhjálp tóku þátt í umræðum og svöruðu fyrirspurnum.

Undanfarin ár hefur Rauði krossinn staðið fyrir námskeiðum fyrir fólk með geðraskanir, aðstandendur þeirra og áhugafólk. Í kjölfarið hafa verið stofnaðir sjálfshjálparhópar fólks með geðraskanir og einnig meðal aðstandenda. Það getur reynst erfitt að halda sjálfshjálparhópum starfandi til lengdar og býður því Rauði krossinn upp á fræðslu/handleiðslu um hvernig best er að halda sjálfshjálparhóp virkum og „lifandi“. Fyrsti fundurinn var haldinn fyrir höfuðborgarsvæðið í nóvember.
 
Í síðustu viku var haldinn fræðslufundur á Ísafirði og sóttu hann rúmlega 30 manns. Helga G. Halldórsdóttir sviðsstjóri innanlandssviðs Rauða krossins greindi frá aðdraganda og markmiðum með fræðslunni og Einar Guðmundsson geðlæknir fór yfir þau atriði sem skipta máli í starfi og virkni hópastarfs til þess að sjálfshjálparhópar eflist og dafni. Leitast var við að fá viðbrögð gesta og reynslusögur þeirra sem starfað hafa í sjálfshjálparhópum. Margrét Ómarsdóttir formaður Barnageðs og Eggert S. Sigurðsson frá Geðhjálp tóku þátt í umræðum og svöruðu fyrirspurnum.

Margar deildir Rauða krossins tóku þátt í 112-deginum, sem fram fór síðast liðinn mánudag, með einum eða öðrum hætti. Flestar af deildunum sem tóku þátt heimsóttu skólana á sínu heimasvæði og afhentu þeim skyndihjálparveggspjaldið Getur þú hjálpað þegar á reynir?sem Rauði krossinn, í samstarfi við N1, gaf öllum leik,- grunn,- framhalds- og háskólum í landinu. Sumar deildir kynntu skyndihjálp á fjölförnum stöðum og buðu gestum og gangandi að læra skyndihjálp eða endurlífgun. Nokkrar deildir veittu viðurkenningar til einstaklinga fyrir eftirtektarverða færni í skyndihjálp sem varð til þess að mannslífi var bjargað. Skyndihjálparmaður ársins 2007 var svo útnefndur við hátíðlega athöfn í Skógarhlíðinni í Reykjavík. Hér má sjá sýnishorn af því sem fór fram hjá deildum á 112-daginn:

Mikið var um dýrðir í andyri verslunarhúss Bónuss, Apóteks Vesturlands og Tölvulistans á 112-daginn þegar Rauði krossinn á Akranesi og sjúkraflutningamenn vöktu athygli þeirra sem leið áttu um húsið á neyðarnúmerinu og mikilvægi skyndihjálpar. Uppákoman hófst með stuttri athöfn þegar Skarphéðinn Magnússon, stjórnarmaður Akranesdeildarinnar, veitti Eiríki Kristóferssyni viðurkenningu fyrir skyndihjálparafrek á árinu 2007 en hann brást rétt og vel við í alvarlegu vinnuslysi í Norðuráli fyrir réttu ári síðan. Einnig tóku fulltrúar allra leikskóla og grunnskóla á Akranesi og í Hvalfjarðarsveit og Fjölbrautaskóla Vesturlands á móti skyndihjálparveggspjaldinu. Að athöfn lokinni var boðið upp á blóðþrýstings- og blóðsykurmælingu, vegfarendum bauðst að spreyta sig við endurlífgun, börn fengu að skoða sjúkrabílana og skyndihjálpartöskur voru til sölu.

Mikið var um dýrðir í andyri verslunarhúss Bónuss, Apóteks Vesturlands og Tölvulistans mánudaginn 11.2 þegar Rauði krossinn á Akranesi og sjúkraflutningamenn vöktu athygli þeirra sem leið áttu um húsið á neyðarnúmerinu og mikilvægi skyndihjálpar.

Uppákoman hófst með stuttri athöfn kl. 14.00 þegar Skarphéðinn Magnússon, stjórnarmaður Akranesdeildarinnar, veitti Eiríki Kristóferssyni viðurkenningu fyrir skyndihjálparafrek á árinu 2007, en hann brást rétt og vel við í alvarlegu vinnuslysi í Norðuráli fyrir réttu ári síðan. Einnig tóku fulltrúar allra leikskóla og grunnskóla á Akranesi og í Hvaljfarðarsveit og Fjölbrautaskóla Vesturlands, á móti veggspjaldinu Getur þú hjálpað þegar á reynir.  Rauði kross Íslands í samvinnu við N1 gefur öllum skólum á landinu slíkt veggspjald. Að athöfn lokinni var boðið upp á blóðþrýstings- og blóðsykurmælingu, vegfarendum bauðst að spreyta sig við endurlífgun, börn fengu að skoða sjúkrabílana og skyndihjálpartöskur voru til sölu.

Laugardaginn 9. febrúar sóttu sjúkra- og heimsóknarvinir hjá Akranesdeild Rauða krossins námskeið í sálrænum stuðningi. Leiðbeinendur voru Jón Jóhannsson, djákni, og Guðrún K. Þórsdóttir, djákni og sálfræðingur.

Á námskeiðinu var fjallað um sálrænan stuðning almennt, rætt um Alzheimer sjúkdóminn – einkenni og viðbrögð við þeim, handleiðslu fyrir heimsóknarvini og fleira sem tengist starfi sjáflboðaliða í heimsóknarþjónustu.

Rauði krossinn í Gambíu dreifir flugnanetum til barnshafandi kvenna og mæðra ungra barna með aðstoð Alþjóða Rauða krossins.

Í gær var 112 dagurinn og í tilefni þess veitti Kópavogsdeild Rauða krossins Jens Karli Ísfjörð viðurkenningu fyrir að vera tilnefndur sem skyndihjálparmaður ársins 2007. Síðustu árin hafa fleiri aðilar, auk skyndihjálparmanns ársins, hlotið sérstaka viðurkenningu fyrir björgunarafrek og hafa deildir Rauða krossins víða um land afhent viðurkenningarnar. Jens Karl vann það afrek að koma þýskum eldri hjónum til bjargar þar sem þau sátu föst í bíl sínum í Steinholtsá.

Rauði kross Íslands hefur valið feðgana Sveinbjörn Grétarsson og Tómas Sveinbjörnsson sem Skyndihjálparmenn ársins 2007 fyrir rétt viðbrögð á neyðarstundu.

112-dagurinn er í dag, 11. febrúar, en tilgangur hans er að minna á neyðarnúmerið og það víðtæka net björgunaraðila sem almenningur hefur aðgang að í gegnum það. Auk þess er unnt að hafa samband við barnaverndaryfirvöld um allt land í gegnum neyðarnúmerið, 112. Neyðarlínunni bárust um 266 þúsund neyðarsímtöl á síðasta ári og var í langflestum tilvikum beðið um aðstoð lögreglu og slökkviliða.

Efnt verður til móttöku í Björgunarmiðstöðinni Skógarhlíð síðdegis í dag þar sem verðlaun í Eldvarnagetrauninni 2007 verða afhent og skyndihjálparmaður Rauða krossins útnefndur. Björn Bjarnason dómsmálaráðherra flytur ávarp og Lögreglukórinn tekur nokkur lög fyrir gesti.

Í tilefni af 112-deginum sem haldinn verður mánudaginn 11. febrúar næstkomandi, á vegum viðbragðsaðila í björgun og almannavörnum um allt land, mun Rauði krossinn vekja sérstaka athygli á mikilvægi skyndihjálpar.

Rauði krossinn, í samstarfi við N1, gefur öllum leik-, grunn-, framhalds- og háskólum landsins skyndihjálparveggspjaldið Getur þú hjálpað, þegar á reynir?

Kópavogsdeild Rauða krossins heldur námskeiðið Sálrænn stuðningur mánudaginn 7. apríl kl. 17-21 í Hamraborg 11, 2. hæð.

Á námskeiðinu fræðast þátttakendur um gildi sálræns stuðnings í aðstæðum sem geta valdið áföllum. Þátttakendur læra að gera sér betur grein fyrir eðlilegum viðbrögðum fólks sem lendir í sársaukafullum aðstæðum og hvernig þeir geti veitt stuðning og umhyggju.Viðfangsefni eru meðal annars: Mismunandi tegundir áfalla, áhrif alvarlegra atvika á einstaklinginn, sálræn skyndihjálp, stuðningur við úrvinnslu alvarlegs atviks, sorg og sorgarferli. Námskeiðsgjald er 5.000 krónur og innifalið er skírteini sem staðfestir þátttöku.

Í framkvæmdaáætlun Rauða kross Íslands fyrir tímabilið 1990-2001 var stefnan sett á að beita sér fyrir bættum hag þeirra sem minnst mega sín í þjóðfélaginu. Vin hóf starfsemi 8. febrúar 1993.

Í framkvæmdaáætlun Rauða kross Íslands fyrir tímabilið 1990-2001 var stefnan sett á að beita sér fyrir bættum hag þeirra sem minnst mega sín í þjóðfélaginu. Vin hóf starfsemi 8. febrúar 1993.

Námskeið fyrir verðandi heimsóknavini var haldið hjá Ólafsfjarðardeild Rauða krossins í gær. Í framhaldi af námskeiðinu býður deildin í fyrsta sinn upp á heimsóknir sjálfboðaliða á sínu svæði.

Þar með bætast sjálfboðaliðar Ólafsfjarðardeildar í hóp hundruð sjálfboðaliða á landinu sem gefa sér tíma til að heimsækja þá sem búa við félagslega einangrun og leggja sitt að mörkum til að auka lífsgæði þeirra og sjálfra sín í leiðinni. 
 
Leiðbeinandi á námskeiðinu var Guðný H. Björnsdóttir svæðisfulltrúi á Norðurlandi og Sigrún Sigurðardóttir formaður Ólafsfjarðardeildar sagði frá starfi deildarinnar.

Námskeið fyrir verðandi heimsóknavini var haldið hjá Ólafsfjarðardeild Rauða krossins í gær. Í framhaldi af námskeiðinu býður deildin í fyrsta sinn upp á heimsóknir sjálfboðaliða á sínu svæði.

Þar með bætast sjálfboðaliðar Ólafsfjarðardeildar í hóp hundruð sjálfboðaliða á landinu sem gefa sér tíma til að heimsækja þá sem búa við félagslega einangrun og leggja sitt að mörkum til að auka lífsgæði þeirra og sjálfra sín í leiðinni. 
 
Leiðbeinandi á námskeiðinu var Guðný H. Björnsdóttir svæðisfulltrúi á Norðurlandi og Sigrún Sigurðardóttir formaður Ólafsfjarðardeildar sagði frá starfi deildarinnar.

Régis Savioz, yfirmaður almannatengsladeildar Alþjóðaráðs Rauða krossins í Genf, kemur til Íslands í dag í boði Rauða kross Íslands.

Öskudagurinn er í dag og komu ýmsar skemmtilegar verur í heimsókn í sjálfboðamiðstöðina til að syngja og fá sælgæti fyrir. Hér sáust meðal annars djöflar, kisur, kanínur, beinagrindur, norn og eitís-gella. Vinsælasta lagið var án efa Bjarnastaðarbeljurnar en einnig heyrðust mörg önnur lög. Eftir sönginn fengu krakkarnir svo að velja sér sælgæti, sleikjó eða karamellur.

 

Sjálfboðaliðar Kópavogsdeildar í verkefninu Föt sem framlag komu saman í sjálfboðamiðstöðinni til að ganga frá ungbarnafötum í þar til gerða pakka sem sendir verða til barna í neyð í Malaví. Pakkarnir urðu 198.

Fötin eru afrakstur prjónavinnu sjálfboðaliðanna síðustu mánaða en síðasta miðvikudag hvers mánaðar hittast sjálfboðaliðarnir í prjónakaffi í sjálfboðamiðstöðinni og fá þá garn með sér heim til að prjóna ungbarnaföt eins og peysur, teppi, húfur og sokka. Einnig fara samfellur, treyjur, handklæði og taubleyjur í pakkana.

Alþjóða Rauði krossinn óttast afdrif tveggja starfsmanna sinna í Pakistan. Ekkert hefur spurst til þeirra síðan laugardaginn 2. febrúar en þeir voru þá við hjálparstörf við landamæri Afganistans.

 

Teymi frá Rauða krossinum var í skipulagðri eftirlitsferð á merktum bíl í bænum Torkham sem er við landamæri Pakistans og Afganistans þegar starfsmaður Rauða krossins missti samband við þá. Þá voru þeir á fjölförnum vegi sem er mikið notaður til að koma hjálpargögnum frá Pakistan til Afganistans. Alþjóða Rauði krossinn lýsir áhyggjum yfir örlögum samstarfsfélaga sinna sem báðir eru pakistanskir borgarar.

„Við erum í stöðugu sambandi við yfirvöld til að tryggja að rétt sé að verki staðið við leit að þeim og að þeir komist til baka á öruggan hátt," segir Marc Archermann, yfirmaður skrifstofu Alþjóða Rauða krossins í borginni Peshawar í norðausturhluta Pakistans.  „Öryggi hjálparstarfsmanna verður að vera til staðar til að fórnarlömb stríðsátaka fái þá hjálp sem þau þarfnast."

Héraðs- og Borgarfjarðardeild Rauða krossins, í samstarfi við Sóroptimistakonur og  Norræna félagið á Austurlandi, opnuðu þjónustu við erlenda nýbúa í bókasafninu á Egilsstöðum 31. janúar.

 

Sjálfboðaliðar frá félögunum munu skiptast á að vera í bókasafninu einu sinni í viku á fimmtudögum milli klukkan 17 og 19 með kynningu á íslensku samfélagi, upplýsingaþjónustu og fleira. 

Í tilefni opnunarinnar gáfu Sóroptimistakonur bókasafninu bækur á pólsku, hjón frá Finnlandi sungu og spiluðu og lesið var upp úr erlendum bókum á pólsku og þýsku.

Á undanförnum viku hafa flóð í sunnanverðri Afríku valdið bæði manntjóni og miklum skemmdum á mannvirkjum og heimilum. Rauða kross félög á svæðinu hafa unnið linnulaust að björgunarstörfum og hafa komið í veg fyrir enn meira manntjón af völdum hamfaranna. Hornsteinninn að þessu starfi eru tugir þúsunda sjálfboðaliða sem hlotið hafa bæði þjálfun og fræðslu á sviði hjálparstarfs.

„Það er mjög óvenjulegt að sjá flóð í Simbabve á þessum árstíma, og fólk segir að þetta hafi ekki gerst í 20 ár. Vanalega fer ekki að bera á flóðum fyrr en um miðjan febrúar en í vetur byrjuðu flóðin í desember og það er vatn allsstaðar,“ segir Tandiwe Muramba, sem er tveggja barna móðir og einn af fjölmörgum sjálfboðaliðum Rauða krossins í Simbabve.

„Hluti af starfi okkar sem sjálfboðaliðar er að vara íbúa þorpa sem eru í hættu við flóði og að fá þá til að yfirgefa heimili sín,“ segir Tandiwe. „Við brýnum fyrir öðrum að þeir verði að rata þangað sem land stendur hærra ef nauðsyn krefur og segjum þeim að reka mælistikur í jörðina til að geta séð hvenær vatnsborðið fer að hækka.“

Í síðustu viku komu sjálfboðaliðar í verkefninu Föt sem framlag í sjálfboðamiðstöðina til að pakka ungbarnafötum í þar til gerða pakka sem sendir verða til barna í neyð í Malaví. Alls var pakkað 198 pökkum. Fötin í pökkunum eru afrakstur prjónavinnu sjálfboðaliðanna síðustu mánaða en síðasta miðvikudag hvers mánaðar hittast sjálfboðaliðarnir í prjónakaffi í sjálfboðamiðstöðinni og fá þá garn með sér heim til að prjóna ungbarnaföt í pakkana eins og peysur, teppi, húfur og sokka. Einnig fara samfellur, treyjur, handklæði og taubleyjur í pakkana.

Árnesingadeild ákvað við gerð áætlunar síðastliðið haust að stefna að bjóða eldri mönnum aðstöðu í húsnæði deildarinnar til að koma saman.

Hver er ástæðan fyrir því að skyndilega virðast flestar flóðgáttir hafa brostið og fordómar ungs fólks í garð innflytjenda orðið svo áberandi?

Árnesingadeild ákvað við gerð áætlunar síðastliðið haust að stefna að bjóða eldri mönnum aðstöðu í húsnæði deildarinnar til að koma saman.