Allir út að ganga! Gönguvinir er nýtt verkefni hjá Rauða krossinum

5. maí 2020

Allir út að ganga!

Mikilvægi hreyfingar er flestum kunnug. Hreyfing getur komið í veg fyrir ýmsa lífstílssjúkdóma og stuðlað að bættri heilsu og lengra lífi. Annað mikilvægt atriði þegar kemur að heilsu eru félagsleg tengsl. 

Þegar skoðaðir eru þættir sem hafa áhrif á hamingju og vellíðan kemur skýrt í ljós að félagsleg tengsl skipta gífurlegu máli. Því hefur Rauði krossinn í Kópavogi hafið nýtt verkefni þar sem þessir þættir koma saman. 

Gönguvinir Rauða krossins er tilvalið fyrir þá sem vilja njóta útiveru og góðrar samveru. Félagsleg einangrun hefur aukist vegna Covid-19 og er verkefnið komið til að bregðast við breyttra aðstæðna. Markmið verkefnisins er að rjúfa félagslega einangrun. 

Ávinningur þess að taka þátt er:

  • Útivera
  • Fá frískt loft
  • Hreyfing
  • Góður félagsskapur

Ef þú vilt fá gönguvin þá er hægt að sækja um hér og ef þú vilt gerast sjálfboðaliði þá er hægt að sækja um hér.

Verkefnið Gönguvinir er eitt af vinaverkefnum Rauða krossins sem hafa það markmið að rjúfa félagslega einangrun. Nú getur fólk því sótt um að fá gönguvin, heimsóknarvin, símavin og hundavin.

Allir-ut-Gonguvinir-Rauda-krossins