Fjöldahjálparstöð opnuð í nótt í Grindavik
Í nótt opnaði Rauði krossinn fjöldarhjálparstöð í Hópsskóla í Grindavík fyrir fólk sem björgunarsveitir höfðu bjargað hröktu og köldu af gosstöðvunum. Fyrst og fremst þurfti að veita aðstoð vegna ofkælingar.
Fjöldarhjálparstöðin var opnuð rétt fyrir klukkan eitt í nótt að beðni aðgerðarstjórnar. Tæplega 40 manns í mismunandi ástandi fengu aðstoð í stöðinni. Enginn var í lífhsættu. Einn var fluttur með sjúkrabíl úr stöðinni vegna meiðsla. Allir voru farnir rétt fyrir klukkan 6 í morgun. 
Starfsfólk og sjálfboðaliðar Rauða krossins standa áfram vaktina og eru tilbúin til taks. Sjálfboðaliðar og starfsfólk eru með mismunandi sérþekkingu, m.a. í stjórnun aðgerða, uppsetningu fjöldahjálparstöðva og í að veita sálrænan stuðning.
Rauði krossinn þakkar Landsbjörgu og lögreglu fyrir góða samvinnu í nótt.
Erla Svava Sigurðardóttir hjúkrunarfræðingur og sjálfboðaliði í viðbragðshópi á Suðurnesjum.