• 20171127_105732

Grundaskóli styður við verkefni í Malaví

Mikilvægur stuðningur sl. ár

8. janúar 2018

Í desember veittu nemendur Grundaskóla á Akranesi Rauða krossinum á Íslandi 650.000 kr. að gjöf sem renna eiga til verkefna félagsins í Malaví. Rauði krossinn hefur um árabil stutt malavíska systurfélag sitt við ýmis verkefni, m.a. stuðning berskjaldaðra barna til náms, matargjafir í skólum, gerð vatnsdæla og byggingu salerna við skóla.

20171127_105705

Nemendur í Grundaskóla hafa stutt verkefni Rauða krossins í Malaví til margra ára. Í desember settu börnin upp Malaví-markað þar sem þau seldu m.a. heimagert sælgæti og smákökur. Þau föndruðu jólakort og merkimiða og ýmist skraut annað sem þau seldu. Þá tóku 9. bekkingar sig til og settu upp kaffihús á markaðnum, hvar þau seldu heitt kakó og nýsteiktar vöfflur.

Gjöf nemendanna mun koma að mjög góðum notum og þakkar Rauði krossinn nemendum Grundaskóla kærlega fyrir mikilvægan stuðning.

IMG_3531