• Irak-Magnus-Hallgrims-vid-vatnsveitustorf-91

Magnús Hallgrímsson fyrrum sendifulltrúi Rauða krossins látinn

Starfaði sem sendifulltrúi á vegum Rauða krossins í mörg ár

13. nóvember 2020

Magnús Hallgrímsson verkfræðingur starfaði fyrir Rauða krossinn bæði innanlands og á erlendum vettvangi frá árinu 1980. Hann fór í fjölda starfsferða fyrir Rauða krossinn á Íslandi, hans fyrsta ferð var í flóttamannabúðum í Indónesíu sem voru í sameiginlegri umsjón Alþjóðaráðs Rauða krossins og Flóttamannastofnunar Sameinuðu þjóðanna. Hann starfaði einnig í Eþíópíu fyrir hönd Rauða krossins sem og í Jórdaníu, Írak og Aserbaijan.

Það var ekki aðeins Rauði krossinn sem naut starfskrafa hans en Magnús starfaði einnig fyrir friðargæslu utanríkisráðuneytisins, fyrir ýmsar stofnanir Sameinuðu þjóðanna og var einn af stofnendum Flugbjörgunarsveitarinnar.027_maggnus-Hallgrimsson

Magnús lét sig sjaldan vanta á viðburði á vegum Rauða krossins, sérstaklega tengdum alþjóðaverkefnum hvort sem um opna fyrirlestra, fræðslu fyrir sendifulltrúa eða samveru sendifulltrúa og sjálfboðaliða var að ræða.

Magnús fékk fjölda viðurkenninga fyrir störf sín á ýmsum vettvangi m.a. riddarakross forseta Íslands árið 2003 fyrir hjálpar- og endurreisnarstörf á erlendum vettvangi, heiðursmerki Verkfræðingafélags Íslands árið 1993 og var gerður að heiðursfélaga í Jöklarannsóknarfélagi Íslands árið 2010. Þá fékk Magnús heiðursviðurkenningu á aðalfundi Rauða krossins vorið 2018.

Við vottum aðstandendum okkar dýpstu samúð en minningin um góðan mann lifir.

IMG_3269_heidrun-sendifulltrua-hopurMagnús fékk heiðursviðurkenningu á aðalfundi Rauða krossins 2018.


035_magnus_kristjonMagnús að störfum í Írak.


Maggi-Hall-og-Stebbi-1Magnús lét sig sjaldan vanta á viðburði Rauða krossins. Hér er hann með Stefáni Pálssyni sem vann lengi hjá Rauða krossinum.