Matráður óskast

15. október 2019

Rauði krossinn á Íslandi auglýsir eftir matráði í 25 - 60% starf til að sjá um mötuneyti félagsins í Efstaleiti 9 í Reykjavík.

Mötuneyti Rauða krossins er móttökueldhús þar sem ýmist er boðið upp á aðsendan mat í hitabökkum eða léttan hádegisverð fyrir allt að 50 manns. Þá sér matráður um fundakaffi og umsjón með kaffistofu fyrir starfsmenn og gesti Rauða krossins.

Vinnutími er frá kl. 9-14 alla virka daga (60%). 

Möguleiki er á ráðningu í minna starfshlutfall s.s. 2-3 daga í viku.

Helstu verkefni:

  • Framreiðsla á aðsendum mat
  • Eldun og framreiðsla á súpu, salati og öðrum léttum hádegismat
  • Umsjón með kaffistofu
  • Frágangur, þrif og sótthreinsun í mötuneyti og kaffistofu
  • Innkaup á matvörum
  • Gæðaeftirlit
  • Önnur verkefni sem stjórnandi felur starfsmanni

Hæfniskröfur:

  • Reynsla af sambærilegum störfum kostur
  • Menntun/þjálfun á sviði matvælagreina kostur
  • Gild ökuréttindi

Umsóknarfrestur er til og með 20. október 2019. 

Við hvetjum karla jafnt sem konur til að sækja um starfið.

Nánari upplýsingar um starfið veitir Sveinborg Hafliðadóttir, mannauðsstjóri ( bogga@redcross.is ).

Athugið, aðeins er tekið við umsóknum í gegnum Alfreð.

Sækja um