• Undirskrift-radherra

Samstarfsyfirlýsing við utanríkisráðuneytið undirrituð

Gildir út árið 2019

21. febrúar 2017

Utanríkisráðuneytið og Rauði krossinn á Íslandi hafa endurnýjað samstarfsyfirlýsingu um reglubundið framlag utanríkisráðuneytisins við starf Alþjóðaráðs Rauða krossins (ICRC), svo og um gagnkvæma upplýsingagjöf og samstarf um mannúðarmál. Guðlaugur Þór Þórðarson utanríkisráðherra og Sveinn Kristinsson formaður Rauða krossins undirrituðu yfirlýsinguna í dag í húsakynnum Rauða krossins. 

„Ég er sérstaklega ánægður með tvöföldun á framlagi til Alþjóðaráðs Rauða krossins (ICRC) sem rennur beint til aðgerða á vettvangi. Eins og við vitum hefur þörfin sjaldan eða aldrei verið meiri en núna og þetta viðbótarframlag utanríkisráðuneytisins er því afar mikilvægt, auk þess að vera viðurkenning á því góða starfi sem Rauði krossinn vinnur. Ég fagna þessari samstarfsyfirlýsingu mjög“ segir Sveinn Kristinson.

„Samstarf okkar við Rauða krossinn á Íslandi hefur reynst afskaplega vel og þessi yfirlýsing rammar ekki aðeins inn hefðbundin framlög okkar til Alþjóðaráðs Rauða krossins, heldur kveður einnig á um ákveðið faglegt samtal okkar á milli. Það leikur enginn vafi á að skoðanaskipti og faglegt samstarf við Rauða krossinn á Íslandi hefur brýnt okkur í málsvörninni á alþjóðavettvangi fyrir virðingu fyrir mannúðarlögum,“ segir Guðlaugur Þór Þórðarson. 

Samstarfsyfirlýsingin gildir út árið 2019. Hún kveður m.a. á um gerð rammasamnings um framlög stjórnvalda til alþjóðlegrar mannúðaraðstoðar á vegum Rauða krossins á Íslandi, aðstoð við flóttafólk og hælisleitendur.  

Redcrosssamningar2Kristín S. Hjálmtýsdóttir framkvæmdastjóri, Guðlaugur Þór og Sveinn eftir undirritunina.

Redcrosssamnnigar1