• A-flotta-vid-tjaldbudir

Viltu fá innsýn í hvernig er að vera á flótta?

Leikurinn er ætlaður ungmennum 15 ára og eldri

7. nóvember 2018

Ungmennahópur Rauða krossins í Reykjavík setur á ný upp hlutverkaleikinn Á flótta. Leikurinn er ætlaður ungmennum 15 ára og eldri og veitir innsýn í reynsluheim flóttafólks. Leikurinn verður haldinn 10. nóvember, hefst kl. 18:00 og tekur rúmar 12 klukkustundir í spilun.

Verkefnið hefst í Menningarhúsinu Gerðubergi í Breiðholti en felur í sér útiveru svo mikilvægt er að klæðast eftir veðri.

Takmörkuð pláss eru í boði svo fyrstur kemur fyrstur fær. Skráningargjald er 1000 krónur.

Þátttakendur 18 ára og yngri þurfa að skila leyfi foreldra fyrir þátttöku og boðið verður upp á foreldrafund í aðdraganda leiksins.

Öllum frekari fyrirspurnum má beina á netfangið: thorsteinn@redcross.is