Endurmenntun fyrir þau sem áður hafa lokið grunnnámskeiði í Öryggi og björgun fyrir sundlaugaverði, sundkennara og sundþjálfara á sund- og baðstöðum. Dagskrá: Skyndihjálp 9:00-13:30 Björgun og hæfnismat 13:30-17:00 Námskeiðið er ætlað einstaklingum sem ætla sér að starfa áfram sem laugarverðir á sund- og baðstöðum sem almenningur hefur aðgang að. Markmið endurmenntunarnámskeiðsins er að veita þátttakendum, sem eru með gild skírteini í Öryggi og björgun, tækifæri til upprifjunar á helstu viðfangsefnum Öryggi og björgunar með áherslu á verklega færni og tilfellaæfingar. Hæfnismat samkvæmt viðauka III í reglugerð um hollustuhætti á sund- og baðstöðum fer fram á námskeiðinu en þátttakendur þurfa árlega að standast hæfnismat til að viðhalda réttindum til að starfa sem laugarvörður. Til að fá útgefið skírteini í "Öryggi og björgun: Laugarvörður" þurfa þátttakendur að sitja allt námskeiðið og sýna fram á virka þátttöku í öllum þáttum námskeiðsins: -Umræðum og spurningum. -Verklegum æfingum og tilfellaæfingum. -Standast hæfnismat . Þátttakendur sem standast endurmenntunarnámskeið í Öryggi og björgun fá útgefið skírteinið "Öryggi og björgun: Laugarvörður", sem er gilt í eitt ár frá útgáfudegi. Til að viðhalda réttindum þarf laugarvörður að sækja endurmenntunarnámskeið og standast hæfnismat áður en skírteini rennur út. Um hæfnismatið má lesa hér: https://www.raudikrossinn.is/verkefni/innanlandsverkefni/heilbrigdi-og-velferd/oryggi-og-bjorgun/haefnismat/ ATH!! Þátttakendur þurfa að hafa meðferðis sundföt ásamt síðermabol og buxur. Þátttakendur eru hvött til að hafa með sér orkuríkt nesti og vatnsbrúsa. Tengiliður námskeiðs: Allar nánari upplýsingar á bjorgun@redcross.is.