Láttu gott af þér leiða og fáðu endurgreiðslu frá skatti í leiðinni

Bæði einstaklingar og fyrirtæki fá skattaafslátt af framlagi sínu til Rauða krossins. 

Hjá einstaklingum þarf styrkfjárhæðin að vera að lágmarki 10 þúsund krónur á ári og hámarksskattafsláttur fæst fyrir 350 þúsund króna framlag á ári. Hámarks upphæðin er tvöföld fyrir hjón, þ.e. 700 þúsund krónur.

Hér eru dæmi um hvað einstaklingar geta fengið í skattaafslátt miðað við mismunandi fjárhæðir:

  • Mannvinur sem styrkir 3.500 kr á mánuði greiðir í raun 2.170 kr og fær 1.330 kr til baka í formi skattaafslátts eða 15.960 kr á ári. Fyrir mannvin sem styrkir 5.000 kr á mánuði nemur afslátturinn 1900 kr á mánuði og þar með 22.800 kr á ári.
  • Einstaklingur sem greiðir 10 þúsund króna styrk í eingreiðslu til Rauða krossins fær skattafslátt að fjárhæð 3.800 krónur. Við fáum 10 þúsund til góðra verka, en þú borgar í raun 6.200.
  • Einstaklingur sem greiðir 50 þúsund króna styrk til Rauða krossins fær skattafslátt að fjárhæð 19 þúsund krónur. Við fáum 50 þúsund til góðra verka, en þú borgar í raun 31.000

Til að nýta skattaafsláttinn og láta gott af þér leiða getur þú gerst mánaðarlegur Mannvinur hér og tekið þátt í neyðarsöfnun vegna þurrka í Afríku sunnan Sahara með stökum styrk hér.

Þú þarft ekkert að gera nema taka ákvörðun um að styrkja Rauða krossinn. Skatturinn og Rauði krossinn sjá um að koma afslættinum til skila.

Fyrirtæki geta fengið skattafslátt af styrkjum sem nema allt að 1,5% af tekjuskattsstofni.

Hér eru dæmi um hvernig afslátturinn getur litið út fyrir fyrirtæki:

  • Fyrirtæki sem styrkir Rauða krossinn um 1 milljón lækkar tekjuskattinn sinn um 200 þúsund krónur. Við fáum 1 milljón til góðra verka, en fyrirtækið greiðir í raun 800 þúsund

Fyrirtæki geta fengið aðild að Fyrirtækjavinum hér og lesið meira um styrktarleiðir fyrirtækja hér.

*Tekjuskattshlutfall er breytilegt. Hér er gert ráð fyrir skattahlutfalli meðaltekna. Fjárhæðir birtast á heilu hundraði króna.