Almennar fréttir
Gaf Rauða krossinum peninginn frá ömmu
23. maí 2025
Margrét Kría, sex ára (alveg að verða sjö), mætti galvösk í höfuðstöðvar Rauða krossins nýverið til að gefa félaginu peninga sem hún hafði safnað.
„Ég fékk þennan pening frá ömmu minni,“ sagði Margrét Kría er hún færði Rauða krossinum peninginn. Það var svo hennar eigin ákvörðun að gefa féð til góðgerðarmála.
Margrét Kría taldi peningana fyrir okkur og lagði upphæðina saman enda er hún byrjuð í skóla og dugleg að æfa sig að reikna. „Ég ætla að gefa Rauða krossinum þúsund krónur!“
Rauði krossinn þakkar Margréti Kríu kærlega fyrir gjöfina og mun sjá til þess að hún nýtist þeim sem á þurfa að halda.
Fréttir af starfinu
Fréttayfirlit
Að upplifa þakklætið gefur svo gott í hjartað
Innanlandsstarf 20. apríl 2026Framlag Sigríðar Birnu Sigvaldadóttur til verkefna Rauða krossins með fólki í afplánun „hefur skilað sér í raunverulegri breytingu fyrir marga,“ segir í rökstuðningi stjórnar höfuðborgardeildar Rauða krossins sem hefur valið hana einn af sjálfboðaliðum ársins. „Það er gott að geta haft jákvæð áhrif á líf annarra,“ segir Sigríður.
Langar þig að láta gott af þér leiða á Austurlandi?
Innanlandsstarf 14. apríl 2026Rauði krossinn í Múlasýslu býður upp á spennandi námskeið fyrir nýja og núverandi sjálfboðaliða. Námskeiðin eru opin öllum sem langar til að kynna sér störf Rauða krossins og sjálfboðaliða á svæðinu.
Sigurbjörg Rún tekin við stöðu deildarstjóra
Almennar fréttir 01. apríl 2026„Ég hlakka til að kynnast öllum sjálfboðaliðum og starfsfólki og halda áfram að byggja upp það mikilvæga starf sem deildin sinnir,“ segir Sigurbjörg Rún Jónsdóttir, nýr deildarstjóri Eyjafjarðardeildar Rauða krossins.