Almennar fréttir
Nýtt neyslurými opnað í Borgartúni: Stórt skref í skaðaminnkun
12. apríl 2024
Eftir langa bið er loksins að koma upp nýtt neyslurými sem staðsett verður í Borgartúni. Þetta er mikilvægt skref í skaðaminnkun og fagnaðarefni fyrir samfélagið, segir Hafrún Elísa Sigurðardóttir, teymisstjóri skaðaminnkunar hjá Rauða krossinum.
Aðstæður vímuefnanotenda hafa versnað mikið síðustu mánuði eftir að eina neyslurými landsins var lokað. Því er opnun nýja rýmisins í Borgartúni mjög vænt fyrir þessa hópa.
Terra einingar hafa styrkt verkefnið með því að gefa húsnæði til eins árs. Þetta verkefni byggir á góðri reynslu sem fékkst úr Ylju, neyslurými Rauða krossins sem starfrækt var í bíl frá 2022 til 2023.
Hafrún segir að notendur hafi verið neyddir til að nota vímuefni í óöruggum aðstæðum, sem gæti haft alvarlegar afleiðingar fyrir heilsu þeirra. Húsnæðið sem nú verður opnað í Borgartúni er rúmir hundrað fermetrar, sem er mun stærra en bíllinn sem var notaður áður.
„Við vonumst eftir því að í þessu rými getum við boðið upp á, í mesta lagi, átta manns að koma í einu,“ segir Hafrún. „Þetta er mjög stór áfangi í skaðaminnkun á Íslandi og gríðarlega mikilvægt fyrir þjónustuþega okkar.“
Ósk Sigurðardóttir, deildarstjóri Höfuðborgardeildar Rauða krossins, segir ákvörðun borgaryfirvalda, Sjúkratrygginga Íslands og Landlæknis jákvætt skref í átt að skaðaminnkun og gleðilegt sé að sá hópur sem fæstir veita athygli fái nú lífsbjargandi aðstöðu og um leið aðstoð vegna smásýkinga sem valdið hafa einstaklinga miklum veikindum. Það er von okkar að neyslurýmið hjálpi til við að koma fyrr í veg fyrir slæmar sýkingar í þessum hópi.
Þetta er mjög mikið og stórt fagnaðarefni fyrir alla sem eru að vinna að skaðaminnkun og betri aðstæðum fyrir vímuefnanotendur á Íslandi.
Fréttir af starfinu
Fréttayfirlit
Frábær fyrsti mánuður í neyslurými Rauða krossins
Innanlandsstarf 13. september 2024Ylja – Neyslurými Rauða krossins hefur nú verið starfrækt í Borgartúni einn mánuð. Verkefnið hefur farið mjög vel af stað þennan fyrsta mánuð, ekkert óvænt hefur komið upp á og skjólstæðingar sem nýta þjónustuna lýsa mikilli ánægju með hana.
Vel heppnað málþing um málefni barna á flótta
Innanlandsstarf 03. september 2024Nýverið fór fram vel heppnað málþing um áskoranir barna á flótta í íslensku skólakerfi, en nýtt fræðsluefni um málaflokkinn var að koma út. Á þinginu kom fram hve mikilvægt er að börnin fái góðar móttökur og að þó að mikill árangur hafi náðst á þessu sviði sé enn mikið verk fyrir höndum.
Söfnuðu fyrir börn í Úkraínu og Palestínu
Almennar fréttir 26. ágúst 2024Vinirnir Elías Andri Grétarsson, Dagur Rafn Atlason og Björgvin Atli Jóhannesson afhentu okkur afrakstur af söfnun sinni, sem verður nýtt til að hjálpa börnum í Úkraínu og Palestínu.