Arna Harðardóttir sem gengt hefur starfi fjármálastjóra mun taka við verkefnum framkvæmdastjóra samhliða sínum störfum þar til nýr framkvæmdastjóri hefur verið ráðinn. Staðan verður auglýst innan skamms.

Silja Bára R. Ómarsdóttir, stjórnarformaður Rauða krossins á Íslandi: „Við þökkum Kristínu fyrir hennar ómetanlega og óeigingjarna framlag til Rauða krossins á Íslandi. Undir hennar stjórn hefur félagið tekist á við mörg krefjandi verkefni, þar á meðal náttúruhamfarir, heimsfaraldurinn Covid-19 þar sem Rauði krossinn stóð í stafni viðbragðsaðila og nú síðast undirbúning fyrir 100 ára afmæli félagsins. Kristín hefur verið ötull talsmaður mannúðar og þeirra sem minnst mega sín.

Um leið erum við lánsöm að geta leitað til Örnu Harðardóttur, sem mun leiða félagið af öryggi og fagmennsku þar til nýr framkvæmdastjóri tekur til starfa. Við treystum henni fullkomlega til að halda áfram mikilvægu starfi félagsins.“

Kristín S. Hjálmtýsdóttir: „Það hafa verið forréttindi að starfa hjá Rauða krossinum á Íslandi síðastliðin 9 ár því þar starfar hópur afburða fagfólks sem ætíð hefur lagt megináherslu á að styðja þá sem minnst mega sín. Ég kveð félagið með stolti þegar ég hugsa til þess sem áunnist hefur á þessum tíma, reksturinn hefur gengið vel, fjárhagurinn er traustur, verkefnastaðan góð og staða RKÍ í samfélaginu, þrátt fyrir allt sem á hefur dunið, er sterk. Ég óska Rauða krossinum á Íslandi alls hins besta í framtíðinni og þakka öllu starfsfólki, sjálfboðaliðum og öðru samferðarfólki innan og utan félagsins fyrir einstaklega gott samstarf."