Almennar fréttir
Rauði krossinn er viðbragðsfélag
30. apríl 2019
Viðbragðsaðilar á Vesturlandi héldu hópslysaæfingu á laugardaginn þar sem æft var viðbragðsáætlun vegna hópslysa á Vesturlandi. Fulltrúar frá öllum viðbragðsaðilum tóku þátt, þar á meðal frá Rauða krossinum. Um páskana var Rauði krossinn einnig í viðbragðsstöðu, en nokkrir húsbrunar urðu víðsvegar um landið og tók Rauði krossinn þátt í því að koma fólki til aðstoðar.
Viðbragðsaðilar á Vesturlandi héldu hópslysaæfingu á laugardaginn þar sem æft var viðbragðsáætlun vegna hópslysa á Vesturlandi. Fulltrúar frá öllum viðbragðsaðilum tóku þátt, þar á meðal frá Rauða krossinum. Um páskana var Rauði krossinn einnig í viðbragðsstöðu, en nokkrir húsbrunar urðu víðsvegar um landið og tók Rauði krossinn þátt í því að koma fólki til aðstoðar.
Viðbragðsaðilar skipuleggja
Hópslysaæfing
Rauði krossinn tók þátt í hópslysaæfingu á laugardaginn síðasta, þar sem bílslys rútu og tveggja fólksbíla var sett á svið. Aðgerðarstjórn almannavarna var virkjuð á lögreglustöðinni í Borgarnesi en þar á Rauði krossinn fulltrúa. Slysavettvangurinn var settur upp á Kaldármelum í Kolbeinsstaðahreppi og söfnunarsvæði fyrir aðstandendur var sett upp í félagsheimilinu Lindartungu. Söfnunarsvæðið var einkum mannað af heilbrigðisstarfsfólki frá Heilbrigðisstofnun Vesturlands og sjálfboðaliðum frá Rauða krossinum.
Neyðarútköll um páskana
Um páskana var nokkuð um húsbruna og þurftu tugir einstaklingar að yfirgefa heimili sín. Sjálfboðaliðar Rauða krossins komu til aðstoðar og veittu fólki mat, húsaskjól, teppi, föt, hreinlætisvörur, ráðgjöf og sálrænan stuðning.
Sjálfboðaliðar og Mannvinir Rauða krossins
Rauða krossinum er kleift að sinna útköllum með ómetanlegu vinnuframlagi sjálfboðaliða um allt land og fjárhagslegum stuðningi Mannvina Rauða krossins. Þeim erum við afar þakklát.
Skyndihjálp er besta forvörnin
Þá vill Rauði krossinn minna á mikilvægi þess að allir kunni skyndihjálp til að bregðast rétt við í neyðaraðstæðum. Við vitum aldrei hvenær við þurfum á slíkri þekkingu að halda og hún getur sannarlega bjargað mannslífum þegar á reynir. Hægt er að skoða yfirlit yfir námskeiðin okkar hér og auðvelt er að skrá sig.
Einnig er mikilvægt að vera vel útbúin skyndihjálparbúnaði á heimilum, í ökutækjum og sumarhúsum. Skyndihjálpartaska ásamt skyndihjálparkunnáttu getur bjargað mannslífum ef slysin gerast. Hægt er að versla skyndihjálpartösku Rauða krossins hér.
Fréttir af starfinu
FréttayfirlitÖflug skaðaminnkun en þörfin eykst stöðugt
Innanlandsstarf 22. apríl 2024Rauði krossinn opnar neyslurými á ný innan skamms. Þessi árangur næst í kjölfar öflugrar og árangursríkrar vinnu í þágu skaðaminnkunar hjá félaginu, en Hafrún Elísa Sigurðardóttir, teymisstýra í skaðaminnkun, segir að þörfin sé sífellt að aukast.
Rio Tinto styrkir Rauða krossinn um 208 milljónir vegna jarðhræringa við Grindavík
Innanlandsstarf 18. apríl 2024Rio Tinto hefur veitt Rauða krossinum á Íslandi styrk að upphæð 208 milljónir króna, eða jafnvirði 1,5 milljónum dollara, til stuðnings samfélagsins sem hefur orðið fyrir áhrifum jarðskjálfta og eldgosa í og við Grindavík. Um er að ræða hæsta styrk sem fyrirtæki hefur veitt Rauða krossinum á Íslandi til verkefna innanlands.
Nýtt neyslurými opnað í Borgartúni: Stórt skref í skaðaminnkun
Almennar fréttir 12. apríl 2024Eftir langa bið er loksins að koma upp nýtt neyslurými sem staðsett verður í Borgartúni.