Almennar fréttir
Tölvutækni skiptir máli!
25. nóvember 2019
Tveir sendifulltrúar voru að störfum í Síerra Leóne í nóvember að efla tölvu- og upplýsingatækni Rauða krossins þar í landi.
Sendifulltrúarnir Halldór Gíslason starfsmaður Íslandsbanka og Egill Már Ólafson starfsmaður RB – Reiknisstofu Bankanna héldu í byrjun nóvember til Sierra Leone í starfsferð sem er liður í verkefni Rauða krossins á Íslandi og Alþjóðasambands Rauða krossins (IFRC) sem nefnist: Brúun hins stafræna bils sem snýr að uppbyggingu upplýsinga- og samskiptatæknigetu allt að fimmtán afrískra landsfélaga Rauða krossins og Rauða hálfmánans svo þau verði fær um að sinna hjálparstarfi sínu á skilvirkari og árangursríkari hátt.
Aðspurður um mikilvægi verkefnisins segir Halldór sem farið hefur í fjölmargar ferðir fyrir Rauða krossinn:
„Við skipulagningu hjálparstarfs skiptir öllu máli að tölvu- og upplýsingatækni sé til staðar, bæði til að hafa aðgengi að upplýsingum, geta miðlað þeim og samhæft hjálparstarf, hvort sem um er ræða aðgerðir í kjölfar hamfara eða þróunarverkefni sem lúta t.d. að bættu heilbrigði og valdeflingu kvenna sem er ein aðaláhersla í hjálparstarfi Rauða krossins. Þetta verkefni snýst um að aðstoða fátæk landsfélög Rauða krossins og Rauða hálfmánans í að koma upp áreiðanlegu interneti, tengja höfuðstöðvar við deildir með netsambandi svo ekki þurfi t.d. að senda gögn með bíl eða rútu og á þann hátt gera allt hjálparstarf skilvirkara og áreiðanlegra. Við hjálpum til við að finna staðbundnar lausnir og reynum alltaf að kaupa þann búnað sem þarf á staðnum og tryggjum þjálfun allra sem koma að verkefninu til að tryggja sjálfbærni verkefnisins. Það hljómar kannski ótrúlega, en þessi tölvuverkefni skipta svo miklu máli að mörg líf velta á því að vel takist til“ segir Halldór og bætir við að hann sé stoltur af Íslandsbanka að lána hann, og reyndar fleiri starfsmenn bankans, til hjálparstarfa Rauða krossins í Afríku.
Rauði krossinn og fjögur íslensk fyrirtæki hafa undirritað samstarfssamning um verkefnið sem felur í sér að fyrirtækin lána Rauða krossinum starfsfólk sitt, auk þess sem þau styðja verkefnið fjárhagslega en auk þeirra hefur utanríkisráðuneytið stutt dyggilega við verkefnið. Halldór hefur verið hluti af verkefninu frá febrúar 2017 eins og áður sagði og er þetta sjöunda starfsferð hans fyrir Rauða krossinn. Egill er hins vegar að fara í sína fyrstu sendifulltrúaferð.
Fréttir af starfinu
FréttayfirlitÖflug skaðaminnkun en þörfin eykst stöðugt
Innanlandsstarf 22. apríl 2024Rauði krossinn opnar neyslurými á ný innan skamms. Þessi árangur næst í kjölfar öflugrar og árangursríkrar vinnu í þágu skaðaminnkunar hjá félaginu, en Hafrún Elísa Sigurðardóttir, teymisstýra í skaðaminnkun, segir að þörfin sé sífellt að aukast.
Rio Tinto styrkir Rauða krossinn um 208 milljónir vegna jarðhræringa við Grindavík
Innanlandsstarf 18. apríl 2024Rio Tinto hefur veitt Rauða krossinum á Íslandi styrk að upphæð 208 milljónir króna, eða jafnvirði 1,5 milljónum dollara, til stuðnings samfélagsins sem hefur orðið fyrir áhrifum jarðskjálfta og eldgosa í og við Grindavík. Um er að ræða hæsta styrk sem fyrirtæki hefur veitt Rauða krossinum á Íslandi til verkefna innanlands.
Nýtt neyslurými opnað í Borgartúni: Stórt skref í skaðaminnkun
Almennar fréttir 12. apríl 2024Eftir langa bið er loksins að koma upp nýtt neyslurými sem staðsett verður í Borgartúni.