Alþjóðastarf
20 milljónir til Malaví vegna fellibylsins Freddy
24. mars 2023
Rauði krossinn á Íslandi er að senda 20 milljón króna fjárstuðning til Malaví til að styðja við neyðarviðbragðið eftir að fellibylurinn Freddy olli gríðarlegu tjóni í suðurhluta landsins fyrr í mánuðinum.
Þann 13. mars síðastliðinn var neyðarástandi lýst yfir í suðurhluta Afríkuríkisins Malaví, eftir að fellibylurinn Freddy gekk yfir landið og olli flóðum, ofsaroki og skriðuföllum. Óveðrið flæmdi um 189,579 manns frá heimilum sínum og olli dauða og meiðslum hjá hundruðum.
Rauði krossinn í Malaví, sem leikur lykilhlutverk í neyðarviðbrögðum þar í landi með stuðningi annarra landsfélaga, þar á meðal Rauða krossins á Íslandi, er nú að bregðast við brýnustu þörfum, meðal annars með því að sinna því að leita að og bjarga þeim sem eru fastir vegna flóða, dreifa mat og öðrum varningi og setja upp tímabundið skjól fyrir þolendum hamfaranna.
Sem langtíma samstarfsaðili Rauða krossins í Malaví er Rauði krossins á Íslandi að veita 20 milljón króna fjárstuðning til að styðja við neyðarviðbragðsáætlun hans, sem felur meðal annars í sér að setja upp og reka 437 tímabundnar búðir og að dreifa nauðsynjum eins og tjöldum, eldhúsvörum, moskítónetum og teppum til þolenda, ásamt aðgerðum til að bjóða upp á varanlegar lausnir fyrir þau sem hafa misst heimili sín. Þessi fjárstuðningur er mögulegur með öflugum stuðningi frá Utanríkisráðuneytinu og Mannvinum Rauða krossins.
Stuðningurinn nær einnig til starfsemi sem miðar að því að hlúa að geðheilsu þeirra mörg hundruð sjálfboðaliða sem taka þátt í neyðarviðbragðinu, en þeir hafa unnið sleitulaust frá því að neyðarástandið hófst við að bjarga jafningjum sínum og vinum í samfélaginu og standa í sumum tilvikum sjálfir frammi fyrir tjóni.
Við stöndum með malavísku þjóðinni, sem hefur á undanförnum mánuðum mætt mörgum áskorunum, þar á meðal kólerufaraldri sem enn geisar um allt land, og nú bætist við hræðilegt manntjón og tap á híbýlum og lífsviðurværi fólks vegna fellibylsins Freddy.
---
Rauði krossinn á Íslandi tilheyrir allri þjóðinni, en án stuðning hennar getur félagið ekki sinnt þeim fjölmörgu mikilvægu verkefnum sem það stendur fyrir, samfélaginu til góðs. Hjálpaðu okkur að hjálpa öðrum með því að gerast Mannvinur.
Fréttir af starfinu
FréttayfirlitÖflug skaðaminnkun en þörfin eykst stöðugt
Innanlandsstarf 22. apríl 2024Rauði krossinn opnar neyslurými á ný innan skamms. Þessi árangur næst í kjölfar öflugrar og árangursríkrar vinnu í þágu skaðaminnkunar hjá félaginu, en Hafrún Elísa Sigurðardóttir, teymisstýra í skaðaminnkun, segir að þörfin sé sífellt að aukast.
Rio Tinto styrkir Rauða krossinn um 208 milljónir vegna jarðhræringa við Grindavík
Innanlandsstarf 18. apríl 2024Rio Tinto hefur veitt Rauða krossinum á Íslandi styrk að upphæð 208 milljónir króna, eða jafnvirði 1,5 milljónum dollara, til stuðnings samfélagsins sem hefur orðið fyrir áhrifum jarðskjálfta og eldgosa í og við Grindavík. Um er að ræða hæsta styrk sem fyrirtæki hefur veitt Rauða krossinum á Íslandi til verkefna innanlands.
Nýtt neyslurými opnað í Borgartúni: Stórt skref í skaðaminnkun
Almennar fréttir 12. apríl 2024Eftir langa bið er loksins að koma upp nýtt neyslurými sem staðsett verður í Borgartúni.