Almennar fréttir
Bjargvættir í stað Barna og umhverfis
03. maí 2022
Skyndihjálparnámskeiðin Bjargvættir hafa verið sett á laggirnar og taka við af hinum sívinsælu námskeiðum Börnum og umhverfi.
Bjargvættir er skyndihjálparnámskeið ætlað börnum og ungmennum frá 12-16 ára aldri þar sem farið er í grunnatriði skyndihjálpar og þátttakendur öðlast lágmarksfærni í að veita slösuðum eða veikum aðstoð í bráðatilfellum.
Börn og umhverfi voru bæði fróðleg og gagnleg fyrir börn og ungmenni, en forveri þeirra voru „barnapíunámskeið“ - námskeið sem voru barn síns tíma, sótt af börnum sem vildu taka að sér slík störf. Það að gæta barna er mikið ábyrgðastarf og Rauði krossinn telur ekki forsvaranlegt að standa fyrir slíkum námskeiðum lengur.
Hér má sjá hvenær skyndihjálparnámskeið Rauða krossins eru á dagskrá.
Fréttir af starfinu
Fréttayfirlit
Þörf á tafarlausum pólitískum aðgerðum
Alþjóðastarf 18. september 2025„Öll ríki verða að leggja sín þyngstu lóð á vogarskálarnar svo koma megi á vopnahléi strax,“ segir Gísli Rafn Ólafsson, framkvæmdastjóri Rauða krossins á Íslandi um ástandið á Gaza. „Við höfum ekki lengri tíma. Þetta er lokaviðvörun til stjórnvalda. Núna verður að bregðast við.“
Bestu vinir seldu límonaði og heimabakað fyrir Rauða krossinn
Almennar fréttir 17. september 2025„Við viljum hjálpa öðrum,“ sögðu vinirnir Andrea, Íris og Rúrik úr Hafnarfirði sem söfnuðu tæplega 15 þúsund krónum fyrir Rauða krossinn.
Bak við tjöldin í neyðarsjúkrahúsinu á Gaza
Alþjóðastarf 15. september 2025Forgangsraða þarf mat á neyðarsjúkrahúsi Rauða krossins í Rafah. Fyrst fá sjúklingarnir og aðstandendur þeirra að borða. Svo starfsfólkið. Mitt í neyðinni upplifir fólk fágæt en dýrmæt gleðileg augnablik. Eins og að sjá stúlku sem missti fótinn ganga á ný.