Almennar fréttir
Styrkur frá duglegum krökkum í Skaftárhreppi
20. mars 2019
Söfnuðu peningnum með gangandi hlutaveltu en þau höfðu safnað ýmsum hlutum sem þau notuðu sem vinninga
Rauða krossinum barst peningagjöf frá nokkrum duglegum krökkum í Skaftárhreppi nýlega. Þau söfnuðu peningnum með gangandi hlutaveltu en þau höfðu safnað ýmsum hlutum sem þau notuðu sem vinninga.
Þau söfnuðu samtals 2.200 kr. sem þau vildu að yrði notaður til að hjálpa bágstöddum börnum í útlöndum. Peninginn afhentu þau gjaldkera Klausturdeildar, Sólveigu Ólafsdóttur.
Á myndinni eru, frá vinstri: Ásgeir Marinó Harðarson, Bríet Sunna Bjarkadóttir, Sólveig Ólafsdóttir gjaldkeri, Iðunn Kara Davíðsdóttir og Sverrir Máni Harðarson.
Kunnum við þeim kærar þakkir fyrir framlagið.
Fréttir af starfinu
Fréttayfirlit
Flóttafólk vill tækifæri til að tala íslensku
Innanlandsstarf 16. október 2025Auður Guðjónsdóttir ákvað að gerast sjálfboðaliði hjá Rauða krossinum er hún hætti að vinna sem kennari. Hún kennir fólki á flótta íslensku og segir það gefandi og ánægjulegt að finna löngun nemendanna til að læra tungumálið okkar.
Rafrænt HAM-námskeið fyrir Grindvíkinga
Innanlandsstarf 08. október 2025Rauði krossinn heldur áfram að bæta í verkfærakistu Grindvíkinga. Fjarnámskeið í hugrænni atferlismeðferð á vegum Framvegis – símenntunarstöðvar er nú í boði.
36 milljónir króna til mannúðarstarfs í Úkraínu
Alþjóðastarf 03. október 2025Frá því átökin í Úkraínu hófust hefur Alþjóðasamband Rauða krossins, í samstarfi við úkraínska Rauða krossinn, veitt meira en 17 milljónum einstaklinga mannúðaraðstoð. Á sama tíma hefur Rauði krossinn á Íslandi, með dyggum stuðningi utanríkisráðuneytisins, veitt rúmlega 265,8 milljónum króna til mannúðarstarfs í landinu.