Innanlandsstarf
Félagsvinir eftir afplánun
17. október 2019
Hlutverk Rauða krossins er fyrst og fremst að koma að þar sem þörfin er mest og úrræðin fæst. Hugmyndin með verkefninu er að aðstoða fanga á meðan og eftir að afplánun lýkur.
\r\n
Fyrstu mánuðirnir eftir að afplánun lýkur skipta höfuðmáli þegar kemur að því að einstaklingar nái að fóta sig í samfélaginu eftir fangelsisvist. Markmið verkefnisins er að veita stuðning til einstaklinga sem eftir því óska og er sá stuðningur mjög einstaklingsbundinn. Félagslegur stuðningur við fyrrum fanga er mikilvægur til að reyna að koma í veg fyrir að einstaklingarnir brjóti af sér aftur og nái að aðlagast samfélaginu með besta móti. Verkefnið er tvískipt ; í fyrsta lagi er opið hús alla miðvikudaga frá klukkan 19-21 hjá Rauða krossinum í Kópavogi, Hamraborg 11, 2 hæð. Þar geta fyrrum fangar fengið t.d. upplýsingar um réttindi sín og félagsskap sem og boðið upp á ýmis fræðsluerindi. Í öðru lagi, geta þeir sem eru að ljúka afplánun og fyrrum fangar sótt um félagsvin. Félagsvinur er sjálfboðaliði sem styður þátttakanda við ýmislegt er snýr að daglegu lífi og þær áskoranir sem taka við þegar afplánun lýkur, sem dæmi getur félgasvinur farið með þátttakenda í viðtöl til félagsráðgjafa, umboðsmanns skuldara eða á aðrar stofnanir. Einnig aðstoðar félagsvinurinn við að kynna nýtt félagsnet hvort sem það er í gegn um íþróttir eða aðrar tómstundir, allt eftir óskum þátttakanda. Sjálfboðaliðar verkefnisins fara einnig í reglulegar heimsóknir á Hólmsheiðina, Sogn og Litla-Hraun. Tilgangurinn með heimsóknunum er að vekja athygli á verkefninu og byggja upp traust.
Hægt er að sækja um félagsvin eða gerast sjálfboðaliði í verkefninu með því að hafa samband við Rauða krossinn í Kópavogi s. 570-4061 eða á sigridur.ella@redcross.is. Frekari upplýsingar um verkefnið er inn á https://www.raudikrossinn.is/felagsvinir.
Fréttir af starfinu
FréttayfirlitRio Tinto styrkir Rauða krossinn um 208 milljónir vegna jarðhræringa við Grindavík
Innanlandsstarf 18. apríl 2024Rio Tinto hefur veitt Rauða krossinum á Íslandi styrk að upphæð 208 milljónir króna, eða jafnvirði 1,5 milljónum dollara, til stuðnings samfélagsins sem hefur orðið fyrir áhrifum jarðskjálfta og eldgosa í og við Grindavík. Um er að ræða hæsta styrk sem fyrirtæki hefur veitt Rauða krossinum á Íslandi til verkefna innanlands.
Nýtt neyslurými opnað í Borgartúni: Stórt skref í skaðaminnkun
Almennar fréttir 12. apríl 2024Eftir langa bið er loksins að koma upp nýtt neyslurými sem staðsett verður í Borgartúni.
Aðalfundur Hafnafjarðar, Garðabæjar og Kópavogsdeildar
Almennar fréttir 14. mars 2024Aðalfundur Hafnafjarðar, Garðabæjar og Kópavogsdeildar var haldin í gær 13.mars og gekk fundur einkar vel. Það var fámennt á fundi en góðmennt og góðar umræður mynduðust um mikilvæg málefni sem snerta verkefni deildar og Rauða krossins í heild sinni.