Innanlandsstarf
Kópavogsdeild óskar eftir formanni
31. janúar 2020
Formaður Rauða krossins í Kópavogi stýrir 3 stærstu deild landsins.
Framsækinn einstaklingur óskast til að stýra Rauða krossinum í Kópavogi.
Kópavogsdeild Rauða krossins er stýrt af stjórn fjölbreyttra sjálfboðaliða með tengsl við nærsamfélagið. Deildin vinnur ötult starf gegn félagslegri einangrun í samfélaginu og stýrir verkefnum á borð við Hundavini, Heimsóknavini, Félagsvini eftir afplánun auk fjölda smærri verkefna. Deildin leggur áherslu á að finna nýjar leiðir til að koma til móts við þarfir fólks í samfélaginu.
Rauði krossinn í Kópavogi er þriðja stærsta deild Rauða krossins á Íslandi, með um 2000 félaga og 300 sjálfboðaliða.
Formaður deildarinnar, David Lynch, mun í mars hætta störfum eftir 6 ára starf og nú vantar nýjan formann í Kópavogsdeild Rauða krossins. Ef þú hefur áhuga, eða þekkir einhvern góðan, endilega sendu línu á silja@redcross.is fyrir 20. febrúar 2020.
Fréttir af starfinu
Fréttayfirlit
Börn með skotsár á neyðarsjúkrahúsi Rauða krossins
Alþjóðastarf 03. júlí 2025„Við höfum séð allt að 200 særða á einum degi; með skotsár, brunasár, sár eftir sprengjubrot og aðra áverka,“ segir hjúkrunarfræðingur sem starfar á neyðarsjúkrahúsi Rauða krossins í Rafah. „Við fáum til okkar börn með skotsár.“
„Ein besta ákvörðun sem ég hef tekið í lífinu“
Innanlandsstarf 02. júlí 2025Að vera sjálfboðaliði hjá Rauða krossinum hefur þroskað Ingibjörgu Ástu Bjarnadóttur bæði persónulega og í starfi. „Hjá Rauða krossinum hef ég fengið tækifæri og traust til þess að koma mínum eigin hugmyndum á framfæri, og stuðning til þess að láta þær verða að veruleika.“
Fjármögnun neyslurýma áskorun um alla Evrópu
Innanlandsstarf 25. júní 2025Þrátt fyrir að neyslurými fyrir vímuefni hafi fyllilega sannað gildi sitt gagnvart bæði einstaklingum og samfélögum glíma þau við sama vandamálið, hvort sem þau eru í Barcelona eða Borgartúni. Starfsfólk skaðaminnkunarverkefna Rauða krossins sótti upplýsandi ráðstefnu í Strassborg.