Innanlandsstarf
Neyðarsöfnun vegna ofsaflóða í sunnanverðri Afríku - margt smátt gerir eitt stórt
18. apríl 2019
Núna er rétt um mánuður liðinn síðan flóðin skullu á í sunnanverðri Afríku. Starfsfólk Rauða krossins á svæðinu er nú loks farið að sjá árangur af vinnu undanfarna sólarhringa.
\r\nÞú getur stutt starfið með 2900 kr. framlagi með því að senda SMS skilaboðin HJALP í númerið 1900. Einnig má leggja inn á reikning 0342 - 26 - 12, kt. 530269-2649.
Núna er rétt um mánuður liðinn síðan flóðin skullu á í sunnanverðri Afríku. Starfsfólk og sjálfboðaliðar Rauða krossins og Rauða hálfmánans hafa unnið í kappi við tímann við að koma fórnarlömbum flóðanna til hjálpar. Allt kapp hefur verið lagt á að koma koma upp hreinlætisaðstöðu, dreifa neyðarpökkum til fólks og tryggja aðgengi að hreinu vatni til að hefta útbreiðslu smitsjúkdóma eins og kóleru.
Árangur af vinnu undanfarna sólarhringa
Starfsfólk Rauða krossins á svæðinu er nú loks farið að sjá árangur af vinnu undanfarna sólarhringa. Í aðgerðum Rauða krossins í Mósambík hefur yfir 25 þúsund manns verið veitt aðstoð, 600 þúsund lítrum af hreinu vatni verið dreift á svæðinu sem varð verst úti og þúsundum neyðarpakka verið komið til þolenda. Enn er þó langt til lands og mikil vinna framundan hjá starfsfólki Rauða krossins á svæðinu því flóðin höfðu áhrif á 1,8 milljón íbúa en markmið Rauða krossins er að veita 200 þúsund manns aðstoð á næstu dögum.
Það skiptir máli að taka þátt í slíkri söfnun
Það skiptir máli að sem flestir leggi söfnuninni lið. 2900 kr. einar og sér hljómar ekki sem mikill stuðningur miðað við þann gífurlega missi sem fjöldi fólks í sunnanverðri Afríku hefur orðið fyrir, fólks sem misst hefur allt sitt; heimili sín og ástvini í hamförunum undanfarin mánuð. En það er í svona neyð sem hver einasta hjálparhönd getur skipt gífurlegu máli fyrir þolendur slíkra hamfara. Auk þess gerir margt smátt eitt stórt og saman getum við lagt okkar að mörkum í krafti fjöldans til þess að gefa hundruð þúsunda þolenda bætt húsaskjól, vatn og lífsbjargandi læknisaðstoð. Þegar margir leggja sitt af mörkum getum við gefið svo mikla von eins og þegar hefur sannast á undanförnum vikum í sunnanverðri Afríku.
Þú getur stutt starfið með 2900 kr. framlagi með því að senda SMS skilaboðin HJALP í númerið 1900. Einnig má leggja inn á reikning 0342 - 26 - 12, kt. 530269-2649.
Fréttir af starfinu
FréttayfirlitÖflug skaðaminnkun en þörfin eykst stöðugt
Innanlandsstarf 22. apríl 2024Rauði krossinn opnar neyslurými á ný innan skamms. Þessi árangur næst í kjölfar öflugrar og árangursríkrar vinnu í þágu skaðaminnkunar hjá félaginu, en Hafrún Elísa Sigurðardóttir, teymisstýra í skaðaminnkun, segir að þörfin sé sífellt að aukast.
Rio Tinto styrkir Rauða krossinn um 208 milljónir vegna jarðhræringa við Grindavík
Innanlandsstarf 18. apríl 2024Rio Tinto hefur veitt Rauða krossinum á Íslandi styrk að upphæð 208 milljónir króna, eða jafnvirði 1,5 milljónum dollara, til stuðnings samfélagsins sem hefur orðið fyrir áhrifum jarðskjálfta og eldgosa í og við Grindavík. Um er að ræða hæsta styrk sem fyrirtæki hefur veitt Rauða krossinum á Íslandi til verkefna innanlands.
Nýtt neyslurými opnað í Borgartúni: Stórt skref í skaðaminnkun
Almennar fréttir 12. apríl 2024Eftir langa bið er loksins að koma upp nýtt neyslurými sem staðsett verður í Borgartúni.