Innanlandsstarf
Samið um ráðgjöf vegna fjölskyldusameininga
01. september 2025
Rauði krossinn á Íslandi mun halda áfram að sinna ráðgjöf við flóttafólk vegna fjölskyldusameininga samkvæmt nýgerðum samningi við dómsmálaráðuneytið.
Rauði krossinn á Íslandi og dómsmálaráðuneytið hafa gert með sér samning um áframhaldandi ráðgjafarþjónustu félagsins við flóttafólk vegna fjölskyldusameininga. Þjónustan er veitt á grundvelli 45. gr. laga um útlendinga, nr. 80/2016, þar sem fjallað er um réttindi fjölskyldna til sameiningar, og í samvinnu við Útlendingastofnun.
Nýi samningurinn gildir til ársloka 2026.
Rauði krossinn hefur um árabil veitt flóttafólki ráðgjöf vegna fjölskyldusameininga en árið 2024 var gerður samningur við félags- og vinnumarkaðsráðuneytið um þjónustuna. Sá samningur var til hálfs árs.
Í fyrra veitti Rauði krossinn um 250 viðtöl vegna fjölskyldusameininga.
Fréttir af starfinu
Fréttayfirlit
Bökuðu 470 smákökur til styrktar Rauða krossinum
Almennar fréttir 24. apríl 2026Fjögur bekkjarsystkin úr 4. bekk í Barnaskóla Kársness lögðu eldhús heima hjá einu þeirra undir sig um helgina og bökuðu hvorki fleiri né færri en 470 kexkökur sem þau svo seldu til styrktar Rauða krossinum. „Fyrir börn sem þurfa hjálp,“ segja þau.
Að upplifa þakklætið gefur svo gott í hjartað
Innanlandsstarf 20. apríl 2026Framlag Sigríðar Birnu Sigvaldadóttur til verkefna Rauða krossins með fólki í afplánun „hefur skilað sér í raunverulegri breytingu fyrir marga,“ segir í rökstuðningi stjórnar höfuðborgardeildar Rauða krossins sem hefur valið hana einn af sjálfboðaliðum ársins. „Það er gott að geta haft jákvæð áhrif á líf annarra,“ segir Sigríður.
Langar þig að láta gott af þér leiða á Austurlandi?
Innanlandsstarf 14. apríl 2026Rauði krossinn í Múlasýslu býður upp á spennandi námskeið fyrir nýja og núverandi sjálfboðaliða. Námskeiðin eru opin öllum sem langar til að kynna sér störf Rauða krossins og sjálfboðaliða á svæðinu.